1 PETERUS 4:16 - Nanduk Ngget Tul Pidnak Wene

¹⁶ Alat nde, kir-e Kerisut wanidnak pem andi bandi kagolar-e, kinnggiri kudtak pug-o. Are, ”An-e Kerisut nap yigi bem-nen kwat nibili-o” luk Mbal Pem Nagawan wa yak turag-o.

1 PETERUS 4:16 Iomraidhean Croise

YESAYA 50:7

Nagawan Indo Mbal Pem Nagawan-e an yongga norosola me, an-e ninggiri rak puwa bug-o. An nindi-ge mamak puruk worayekluk kerep nggal tugup lak tak puruk worasu-o. An-e mondok ninggiri rak puwa bug-o luk naru worasu-o.

YESAYA 54:4

Kar-e kwiye yusu-ge meyog-o. Kar-e kinggiri rak puwa bug-o. Pesel kobogolat, kinggiri-nen wandu yugun pug-o. Kar-e kundugum woralat-nen terak waring kaso ereba na-ge meme rak pugun-o. Iri-nen togwe karik woralat kindi aptuporak woraso ereba na meme rag-et pugun-o.

YIDNAK YIDNAK WENE 11:26

Mberarik, at iri na kasolug-e, Antiokia imin lobok yij-o. Imin lobok luk, lambuk tak inpidnak nap inmin lambuksa woragolar-e, ap kwarat nggomo ondogolar-e, molengen lasolat mbosolat misiget woraiga-o. Nde, Antiokia-nen-e Yesus ene wanugwi nab-e nanduk nandug-et unnu yarogolar-e, ”Kerisut nab-o” luk yariga-o.

YIDNAK YIDNAK WENE 26:28

Yosoloma-ge, Ageripa-nen Paulus onggo yak tosolar-e: ”Kar-e ndag-et nak Kerisut nap tak nubugun kagi!” luk yak tij-o.

YIDNAK YIDNAK WENE 28:22

Alat nde, nin me nin me-nen wene yu wanugwi nap inmin-e wene eyak wat yugwi iri na nenaru me, kat kindi-nen pidnak wene irit kulul-o” luk yak tiga-o.

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

PILIPI 1:20

Nde, an-e neyabu wanidnak pem ninggiri lag-et teyeg-o luk, nindi kundugu nindi bem mbung mbung tak worasu-o. Alat nde, nanduk woragi kuri, yawo-nen na an nebe yu bem-nen Kerisut unu kek makluk, nuruk wolmomtak na, wat momtak na, an-e mondok kwiye lag-o.

PILIPI 1:29

Nde, Mbal Pem Nagawan-nen wok kondosolar-e, we Kerisut ebem kinndi angin tubu yurak iri nak wok kindigit lag-o. Are, at amanggim andi bandi kudtak min-et wok kendamu-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

YAKOBUS 2:7

Nde, kit kunnu konak Mbal Pem Nagawan-nen yaridnak iri na-ge it iri-net meya rak pili-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.

1 PETERUS 4:14

Kir-e Kerisut wanigep pem nggweyel konpogola-ge, kir-e imbiringgat worak yili-o. Iri kwat kunpuwa iri-ge abinal worak Indi, Mbal Pem Nagawan Indi iri-ge kit kinmin woraso ala-nen kwat kunpuwa-o.

1 PETERUS 4:19

Iri bem-e, Mbal Pem Nagawan indi-n pidnak pem andi bandi kagwi nap mbi woragolar-e, lud tak nak kwarogolat, it ndak wat inpidnak nap iri na ebem inndi angin tubu yogola-ge, at-nen urul yak indidnak na-ge ndak ndag-et kwarosolat wolma-o.