1 PETERUS 4:10 - Nanduk Ngget Tul Pidnak Wene

¹⁰ Kir-e Mbal Pem Nagawan-nen we wok ondoso mende kona tena woragwi nap yogolar-e, kenariktak we wok kindidnak na bem-e kit na kit-net yongga yongga wolmer-o.

1 PETERUS 4:10 Iomraidhean Croise

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

MATIUS 24:14

Nde, Mbal Pem Nagawan-nen tenagaidnak wi wene, aid wene iri-ge ap pidsa-nen enaru makluk, yi wi ndi wi oboksa yak indil nuwa-o. Iri rak puruk-net woroksiyem-e wok ma-o.”

MATIUS 24:21

Iri tarem andi bandi mondok nggulok kujwa iri-ge ndak worak pid kuri-nen yawo kuri-ge andi bandi iri mende-ge mondok kagwi bug-o. Abok na iri nggal tuguruk kujwa bug-o.

MATIUS 24:45

”Iri ala-ge, mot mot kwaroso indi kwid pidnak ndegel poso nab-e ta-o? At eid iri-nen-e at ama woragwi ndegel ubugwi nap ereb-e at iri na inggem onposolar-e, norak tarem ndak ndak yosola mak unduwakluk at ebem-et poso nap iri-nen yusu-o.

MATIUS 25:17

Iri nggal-et at tol mberen wanid nap na wene worosola-ge, orol na konogolar-e, tol mberen mbi nambena wanij-o.

MATIUS 25:44

Yak ondosoloma-ge, it-nen wene na erep nggarogolar-e: ’Nagawan Indo wa-e. Nir-e mepme-nen kat nere worala nde, yi nere worala nde, ap sal worala nde, kusum lak worala nde, kugi worak worala nde, o kubu me worala keyaruk, yongga kirigit lak yige-o?’ luk yak tuwa-o.

MARAKUS 10:45

Nde, Ap Ambara-ge at ndegel ubuwakluk lobok yij-e lag-o. Are, ap ndegel onposolat, ap pidsa inmiri yekluk at iminep wesel korayekluk lobok yamu-o” luk yij-o.

LUKAS 12:42

Yosoloma-ge, Nagawan Indo-nen at yak tosolar-e: ”Mot mot kwaroso, indi nggat nggat worak ndegel oboso nab-e ta nde kali-o? Eid iri nin sa mbereyeklug-e, iri yidnak nap-nen-e yi mende ndi mende lid lud tak puwakluk, at inggem posolat, ndegel ubugwi nap ereb-e norak tarem wok yosola, nunggwi mende mak unduwakluk, at inggem posolat ma nap iri-nen yusu-o.

LUKAS 19:13

Awo mbirigit lak ma-net at ndegel ubugwi nap sepulu na yonggo unpuruk, kerep tol ondomok tak tembesa wok ondosolat-nen yosolar-e: ’An mborosola-ge, kir-e kerep tol yeba wene wutluk, erep lesa wanogolar-e, kwarat tak per-o’ luk yak indij-o.

LUKAS 8:3

kwe misig-e Yoana, Erores urugom nap Kusa na ogwe na min; kwe misig-e Susana na min; kwami erep kwarat-nen-e it enarengge bem-nen Yesus owosirak inmin yongga ondogolat woraiga-o.

OROMA 15:25

Alat nde, yawo-ge an-e Mbal Pem Nagawan-nen len inpidnak nap yongga indidnak mende waruk Yerusalem mburusu-o.

OROMA 15:27

Iri kwarurag-e it ondomok inndi peraruk wene iri mbariga-t nde, iri kwarurak iri-ge it-nen kwarurag-er-o. Nde, Yawuri nap-nen-e it-nen idnak aid wene-ge enlem nin nap tembesa wok indidnak pem, it enlem nin nap-nen-e it enarengge nggweyak ma mende na Yawuri nap tembesa wok undurak iri-ge ndag-er-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

1 KORINTUS 3:10

Mbal Pem Nagawan-nen we wok ondoso elem iri wok niridnak pem-e o kona woroso aru nap-nen woroso nggal an-nen-e o paro pigi-o. Nde, o paro pigi na bem-e ap misik-nen o wurusu-o. Alat nde, o enarik tak worogolar-e, indi lid puruk-net o wuruwag-o.

1 KORINTUS 4:7

Kar-e ta-nen nde kek tak keyasu-o? Kat karengge worasu iri-ge Mbal Pem Nagawan-nen wok kirigit lag-a? Iri bem-e, we wok kiridnag-et nde, kar-e noluk-nen kat-nen wanidnak nggal tak puruk, kondomok kek yusu-o?

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

2 KORINTUS 9:1

Marak nap yongga undurak pem yu nggal-o luk an-nen engga mbal kundurag-e lag-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

EPESUS 4:11

At iri-nen we wok ondoso mende tembet ondosolar-e: Ereb-e wirik inpidnak nap tak onposolat, ereb-e Mbal Pem Nagawan ene lomboksa yugwi nap tak onposolat, ereb-e aid wene yak indil waring kagwi nap tak onposolat, ereb-e aid wene yugwi nap min mul undugwi nap min tak onposolat yij-o.

2 TIMOTIUS 1:18

Onesiporus-nen-e o Epesus-nen an kwarat yongga nirid wene-ge kar-e karu nar-o. Iri kwarid pem-e, woroksiyem ap enpem wene mbaruwa Tarem-nen-e Nagawan Indo-nen at ubud kujwag-o.

TITUS 1:7

Lambuk tak inpidnak nap yik eneyarok woraso nab-e Mbal Pem Nagawan eyabu winde me, mondok ebem ambut lak irit wolmomtag-o. At iri-ge at ambikpebe kek yoso buk nap, ndag-et nak isilepma yoso buk nap, anggut engen amburu ndonggosa nok tenak woraso buk nap, yig na poso buk nap, silobulo na terak mena wanoso buk nap,

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.

1 PETERUS 5:12

An engga poro-t kenmanggim mbarigi yu-ge an-nen eberasolat mot mor-et yoso nonowot Silas-nen yongga norosola, mbarigi-o. ”Wene yu-ge ndemeret Mbal Pem Nagawan-e we wok ondoso elem-nen yusu-o” luk kinndi embem tak posolat-nen engga yu mbarusu-o. Mbal Pem Nagawan we wok ondoso pem-et tugup lak mendak wolmer-o.