1 PETERUS 3:9 - Nanduk Ngget Tul Pidnak Wene

⁹ Mbal Pem Nagawan-nen wene mbo kinpid iri-ge, at-nen idnak imbiringgat mende wok kendeyekluk wene mbo kinpidnak me, ap-nen meya rak konpogola, onggo it meya rak unpurak pug-o. Ap-nen meya wene yak kondogola, onggo meya wene yak undurak pug-o. Are, inmbiringgat tak enper-o.

1 PETERUS 3:9 Iomraidhean Croise

NDAK WIRIDNAK WENE 42:25

At owerak-nen karung sum waruk lobok yiga ereba na-ge ”Mbato yarak pogolat, ontol ereba na min-et tuguruk mbato emndam yarak onpogolat, tu ndumu norak nunggwi mende min-et wok undurag-o” yak indid iri na ndak ndag-et kwat inpiga-o.

NGGOMO WENE 20:22

Meya kwat konpogola-ge, onggo onggo kwarurak pug-o. Nagawan Indo ebem kinndi wat tak puruk wolmer-o. At-nen-e yongga-t kunduwa-o.

MATIUS 19:29

Nde, an nebem ala at uwi worak nde owe owot nde iridtak nde eid ija nde ilirak nde eyabu nde keya buruk nuwa nab-e, iri mende ondolmasa seratus pem wanosolat, pem-et uruk wolmomtak elem winde yosolat ma-o.

MATIUS 25:34

Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

MATIUS 5:39

Alat nde, an-nen yak kendeyeg-o: Kit meya rak konpogola-ge, kit-nen na onggo it meya rak unpurak pug-o. Are, ap misik-nen nde kerabengan kigit nggwe nde lel kasola-ge, kar-e kerabengen ponok nggwe na min-et nuk kudtag-o.

MATIUS 5:44

Alat nde, an-nen yak kendeyeg-o: Kit kinmin sirid nap iri-ge enabuwa ker-o. Nde, kit lel mberel kunpugwi nap iri enmanggim na tepan yer-o.

MARAKUS 10:17

Yesus na mbururak sa nggwe mborosoma-ge, ap misik at eram puburak lobok yarik, at urugom endaru yunggusa kore luk-nen kin wok obosolar-e: ”Mul Nondoso Nap, Konak Nap wa-e. Nurug-et woralik nalik wolmomtak waneyek-nen an-e ngge nde kwarimin-o?” luk kin wanij-o.

LUKAS 10:25

Iri lug-e, imiri mbarak pidnak wene mul ondoso nap misik lobok yarik, Yesus indi nggarosolat-nen yosolar-e: ”Mul Ondoso Nap wa-e. An-e nurug-et woralik nalik momtak elem waneyek-nen no kwarimin-o?” luk yij-o.

LUKAS 18:18

Yawuri nap nagawan misik-nen Yesus kin wok obosolar-e: ”Mul Nondoso Nap konak nap wa-e. Nurug-et woralik nalik wolmomtak elem waneyeklug-e, no kwarimin-o?” luk kin wanij-o.

OROMA 12:14

Kit lel mberel kunpugwi nab-e Mbal Pem Nagawan-nen imbiringgat tak unpuwakluk at emengen mbarer-o. Imbiri lamut tak unpurak pug-o. Are, imbiringgat tak unpurag-o.

OROMA 12:17

Ap-nen meya rak konpogola-ge, onggo it meya rak unpurak pug-o. Ap oboksa-nen: ”Konak kwarugwi-ge irir-o” luk peragwi mende iri nak kwarogolat wolmer-o.

OROMA 8:28

Mbal Pem Nagawan abuwa kagwi nap, at indi-n pidnak kwaruwakluk yonggo ninpidnak nap nenmanggim-e Mbal Pem Nagawan-nen yi mende ndi mende oboksa kwat nonposolar-e, nit konak nak kwat nenpeyekluk yusu-o luk nenaru yili-o.

OROMA 8:30

Nde, nanduk-net len inpidnak nap iri na-t Mbal Pem Nagawan-nen yonggo inpij-o. Nde, yonggo inpidnak nap iri na-t lud tak nak inpij-o. Lud tak nak inpidnak nap iri na-t kek tak inpij-o.

NGGALATIA 3:14

Mbal Pem Nagawan-nen Abaram urul yak tidnak imbiringgat mende iri-ge Kerisut Yesus ebem-nen enlem nin nap wok unduwakluk, nit-nen na ninndi angin tubu yidnak pem Mbal Pem Nagawan-nen urul pidnak Konak Indi wanuwakluk, Kerisut-e imbiri lamut agaid irir-o.

EPESUS 4:32

Are, kit na kit-net nanggau kanggau yogolat, kinndi yanggorak wolmer-o. Mbal Pem Nagawan-nen Kerisut ebem kit meya yidnak amberam tak puruk urugom tak kinpid nggal, iri nggal-et kit na kit-net meya rak kinpidnak ala-ge, ”Ob-o. Ereba mag-o” luk yanggosa keya burag-o.

1 TESALONIKA 5:15

Nde, meya kwarurak pem ap-nen onggo onggo kwaruwa naru, kwara wolmer-o. Kit kennggamtak inmin konak nak wolmomtak pem na irit, ap pidsa inmin konak nak wolmomtak pem na irit, pempa kenmawi kondogolat wolmer-o.

IBERANI 12:17

Kir-e kenaru-o. Onggo wanarik ombol nggwe-nen-e eid-nen at imbiringgat tak uburak na indingen kwarat woragaij-et nde, at imbiringgat tak ibigit lag-o. Yip min-et emengen mbarij-et nde, at-nen kwaridnak iri tuguruk ndet yaga nin tak purag-e meya yij-o.

IBERANI 6:14

”An-nen imbiringgat tak kobosolat, kat kilirag-e ap kwarat tak onposolat yimin-o” luk urul paga Abaram yak tij-o.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.