1 PETERUS 3:8 - Nanduk Ngget Tul Pidnak Wene

⁸ Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

1 PETERUS 3:8 Iomraidhean Croise

NDAWI ENGGA 103:13

Ineidtak-nen inlirak enabuwa kagwi iri nggal-et Nagawan Indo-nen-e at ebem indi angin tubu yugwi nab-e enabuwa kaso-o.

MATIUS 18:33

Nde, an-nen kat kabuwa kagi iri na nggal-et kat-nen na kat kanggam yabu misiget erep wanoso nap na abuwa kudtag-e meya?’ luk yak tij-o.

LUKAS 10:33

Alat nde, o Samaria nap misig-e tu iri nggwe mbidnggal-e, ap na karug-e, abuwa kwarat kagaij-o.

YIDNAK YIDNAK WENE 2:1

Nde, Pentakosta iri na ndak ndak wok yosola tarem-e it oboksa-ge o misik me lambuksa woraiga-o.

YIDNAK YIDNAK WENE 27:3

Nene luk kub-e Siron wok yige-o. Nde, Yulius-nen Paulus na yak tosolar-e: ”Nab-o. Kat kanggamirak-nen yongga kuruwakluk, endam mbiri-o” luk yak tij-o.

YIDNAK YIDNAK WENE 28:7

Nde, iri me-ge yi terapmu iri me woraso Gubernor unu-ge. Pubelius na onggweyak koroga me, at-nen-e nit wok nunpuruk yarik, kenan tarem-e konak nak kwat nonposolat woragaij-o.

YIDNAK YIDNAK WENE 4:32

It inndi Yesus ebem angin tubu yidnak nap pidsa-ge inndi misiget luk lambuksa woragolar-e, insilobulo-ge enariktak-nen-e ”Yu-ge an narengge-o” luk yigir-e lak. Are, ”Nit nenarengge-o” luk insilobulo-ge lambuksa irit winde woraiga-o.

OROMA 12:10

Enambik onowe onowot enabuwa kagwi nggal nabuwa kabuwa yogolar-e, kit na kit-net kek tak pegerak mbogolat wolmer-o.

OROMA 15:5

Inndi luruk puruk woragwi elem min inndi yanggunugwi elem min-e Mbal Pem Nagawan-net yusu-o. Nde, Kerisut Yesus abage nggal-et kwarobok-nen Mbal Pem Nagawan-nen-e kit kinndi misiget nak worabokluk yongga kunduwag-o.

1 KORINTUS 1:10

Nanggamirak wa-e. Nit Nenagawan Indo Yesus Kerisut unu bem nggomo kundusu-o. Kir-e kinndi misiget nak worabokluk kuri wat wat woragup naru, lambuksa woragolar-e, kinndi misiget nak woragolat, wene misiget nak yebet kagolat wolmer-o.

1 KORINTUS 12:26

Ininggi unuwok misik nde andi ala-ge, ininggi unuwok erep pidsa-t andi yoso-o. Nde, ininggi unuwok misik nde kek tak obogola-ge, ininggi unuwok erep pidsa-nen enalin enalen kagwi-o.

EPESUS 4:2

Kir-e pempa kinndi teberak woragolat, kinndi yanggonag-et woragolat, kinndi luruk puruk woragolat mer-o. Nabuwa kabuwa woragwi na nam tak pogolar-e, yongga yongga wolmer-o.

EPESUS 4:31

Wene nggutlugwi min insilepma-nen onmbol pem pak yurak puk kwarugwi min insilepma yugwi min ngguno nggugwi min ap onpok pugwi min keya bogolar-e, meya kwarugwi mende erep min-et keya ber-o.

EPESUS 4:32

Are, kit na kit-net nanggau kanggau yogolat, kinndi yanggorak wolmer-o. Mbal Pem Nagawan-nen Kerisut ebem kit meya yidnak amberam tak puruk urugom tak kinpid nggal, iri nggal-et kit na kit-net meya rak kinpidnak ala-ge, ”Ob-o. Ereba mag-o” luk yanggosa keya burag-o.

PILIPI 2:3

Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

PILIPI 3:16

Iri alat nde, yawo-ge nit nenaru yidnak wene ndemeret wene iri bem-et waring kagolat wolmog-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

IBERANI 13:1

Kerisut ebem-nen nanggam kanggam woragolat nabuwa kabuwa yugwi iri-ge puksa tena wolmer-o.

YAKOBUS 2:13

Ap enabuwa kagwi buk nap enpem wene mbarosolar-e, enabuwa lag-et enpem wene mbaruwa-o. Alat nde, ap enabuwa kagwi nab-e nenpem wene mbaruwa-o luk unmud kudtak pug-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

YAKOBUS 5:11

Ir-e mamak puruk woraidnak me, ir-e imbiringgat-nen yili-o luk nir-e yugwi-o. Ayub-nen mamak puruk woragaij-e kir-e kulugwi nar-o. Nagawan Indo iri-ge mondok enabuwa kaso, indi konak me, abok nggwe-ge Ayup na imbiringgat tak pid iri-ge kenaru nar-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 2:17

Ap oboksa kek tak onpogolat, Kerisut ebem inndi angin tubu yidnak kennggamirak na enabuwa kagolat, Mbal Pem Nagawan aye kagolat, nagawan Kaisat kek tak pogolat wolmer-o.

1 PETERUS 5:5

Nde, iri nggal-et kit ap sugwe-nen-e inndi worak-nen yidnak yidnak nak kwarurag-o. Nde, kit pidsa kinndi tebe luk yongga yongga yogolat wolmer-o. Nde, Mbal Pem Nagawan engga bem-nen yosolar-e: ”Mbal Pem Nagawan-nen-e inndi kek yugwi nap inmin-e sirid mbarak worasu-t nde, at-nen-e inndi teberak woragwi nab-e enabuwa kasu-o” luk yij-o.

2 PETERUS 1:7

Nde, Mbal Pem Nagawan-nen kwaroso nggal kwarugwi na lombok tak pogolar-e, konowe konowosi enabuwa kagwi na lambuksa waner-o. Nde, konowe konowosi enabuwa kagwi na min lombok tak pogolar-e, ap pidsa enabuwa kagwi elem lambuksa waner-o.

1 YOANES 3:14

Nde, nennggamirak enabuwa kali iri bem-nen nir-e wat yugwi elem keya buruk, nunlug-et wolmomtak elem tenaige-o luk nenaru yili-o. Ap enabuwa kaso buk nab-e wat yugwi elem arem iri na-t worasu-o.