1 PETERUS 3:4 - Nanduk Ngget Tul Pidnak Wene

⁴ Are, kinndi kigirik wolmomtak iri-ge kinndi arem nak-nen mburuwag-o. Nde iri-ge pem-et wolmomtak indi yamanak, yamuksa woragwi indi iri-ge Mbal Pem Nagawan erengen pem-e onggo nggulok mende-nen yusu-o.

1 PETERUS 3:4 Iomraidhean Croise

NDAWI ENGGA 51:6

Kat-nen-e ndemeret ab-e mot mot wolmomtak irit perasu-o. An nindi-ge kindi nggat nggat elem-nen kobong tak nibi-o.

YESAYA 11:4

Nde, insilobulo lak nap enpem wene mbenarosolar-e, mot mor-et mbenarosolat, ap nggeyok tak it-nen kwarurak enmawi lak nab-e mot mor-et it enambigit mbiring yosolat, ap-nen lugud tak kwaridnak nab-e at-nen yidnak pem-et angin worak enpem pogolat, meya kwaridnak nab-e abu abu lak tak unpuwa-o,

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

MATIUS 11:29

An-nen yidnak yidnak nak kwarogolat, an-nen kwaroso na mul kora yer-o. An-e ap yanggonak, nindi teberak nak woraso me, kit kinndi yamuk ma-o.

MATIUS 21:5

”Sion ara yak ter-o: Yu nde ki-o. Kat Nagawan na-ge keram lobok yusu-o. At iri-ge indi yanggonak me, kelerai wam ombolwak pem kore luk lobok yusu-o. Angin worak mende waruk noso kelerai wam amarik na ombolwak pem kore luk lobok yusu-o.”

MATIUS 23:26

Parisi nap kerengen ngguru yu-ge wa-e. Kidmbe min piring min arem nggwe nanduk marak pugunmu-ge, ombol nggwe na marak irit ma-o.

MATIUS 5:5

Nde, inndi yanggonak worali nab-e Mbal Pem Nagawan-nen urul yak indidnak irit wanuwa me, enalen kali-o.

LUKAS 11:40

Wid kinndi worak nap wa-e. Piring ombol nggwe ndak wirid Mbal Pem Nagawan-nen arem nggwe na ndak wirid iri kali bug-a?

LUKAS 16:15

Alat nde, Yesus-nen it yak ondosolar-e: ”Ap-nen kek tak yik kagwi iri-ge Mbal Pem Nagawan-nen teberak yik kaso me, ap enlengen pem-e nir-e lud tak nak kwarugwi-o luk yili-t nde, kit kinndi arem-e Mbal Pem Nagawan aru-o.

OROMA 1:23

Iri yili nap-nen-e kek tak woralik nalik woraso Mbal Pem Nagawan na ondolma lak yoso mende amorok ndak worogolar-e, ap ut mimirik min towe ut mimirik min wam ut mimirik min keyok keyok noso mende ut mimirik min ndak wiriga-o.

OROMA 2:29

Are, it inndi-ret Yawuri yidnak nab-e ndemeret Yawuri nap-nen yusu-o. Nde, ndemeret iniye ambasap wabidnak iri-ge Mbal Pem Nagawan Indi-nen it enarem yabu wanosola, inndi ambasap wabidnak iri-net yusu-o. Nde, iri-ge imiri mbarak pidnak wene-nen kwaridnag-e lag-o. Mbal Pem Nagawan Indi-nen kwaridnak-nen yusu-o. Iri kwat ibidnak nap erembel wanogolar-e, ki nap-nen wanuwa-ge lag-o. Mbal Pem Nagawan-net at erembel wanuwa-o.

OROMA 6:6

Nde, wene yu-ge nenaru nar-o. Nit meya kwarugwi nenpage iri na yigisa lak tak peyekluk, nit nenpage nanduk mende iri-ge Kerisut imin e lang pang tak pem worak pamu-o. Iri kwarid iri-ge, nir-e meya kwarugwi elem na ndegel pogolat wolma naru-nen kwarij-o.

OROMA 7:22

Nde, an nindi arem-nen-e Mbal Pem Nagawan-nen idnak imiri mbarak pidnak wene wanurag-e nindingen-et nde,

2 KORINTUS 10:1

Paulus an-net yanggonak pem-et nggomo kundusu-o. Kinmbiri bem-nen-e namawi min nggomo kondoso bug-o luk nobok pili-t nde, erepma woralat-nen-e kwiye lag-et yak kondoso an-e Kerisut yemnak indi luruk puruk woraso bem-net wene yu yak kundusu-o.

2 KORINTUS 4:16

Iri bem-e nit ninndi lele yili bug-o. Nit nenaboro yu-ge piri yusu-t nde, nit ninndi yu-ge pelin na pelin na ngget tak nak pusu-o.

NGGALATIA 5:23

yamenak woragwi nde, inndi-n lid puruk woragwi nde, iri nggal yoso-o. ”Iri nggal kwarurak pug-o” luk imiri mbarak pidnak worasu-ge lag-o.

EPESUS 4:2

Kir-e pempa kinndi teberak woragolat, kinndi yanggonag-et woragolat, kinndi luruk puruk woragolat mer-o. Nabuwa kabuwa woragwi na nam tak pogolar-e, yongga yongga wolmer-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

KOLOSE 3:3

Kir-e wat yigepma-o. Nde, kunluk worali iri-ge Kerisut ebem-net Mbal Pem Nagawan arem kura worali-o.

1 TESALONIKA 4:11

”Nir-e yamuksa wolmog-o” luk kinndi-nen peragolat, kit kondomok konowene mbarogolat, kit kondomok kininggi-nen yabu wanogolat wolmer-o luk nanduk-nen na yak kindige nar-o.

2 TESALONIKA 3:12

Nit-nen iri kwatli nap enmanggim Nagawan Indo Yesus Kerisut unu bem-nen wene wosa pogolat, nggomo ondogolar-e, ir-e kondoksa woragolat-nen ondomok ininggi-nen yabu wanuruk, nunggwi mende nonggolat wolmag-o.

1 TIMOTIUS 2:2

Nir-e yamuksa wene lak Mbal Pem Nagawan-nen kwaroso nggal konak nak wolmoklug-e, nagawan nagawan min ap yulok nggulok pidsa min enmanggim tepan yogolat wolmer-o.

2 TIMOTIUS 2:25

wene eyak wurugwi nab-e indi yangonak pem-net tu mirik onposolat mag-o. Iri kwarosola-ge, Mbal Pem Nagawan-nen it inndi kondok yurak tarem wok ondosola, kondok yogolat, ndemeret wene na enaru yogolat nde ma-o.

TITUS 3:2

Ap onpok purak pug-o. Yuk puk na mburak pug-o. Are, yanggonak konak nak woragolar-e, ap pidsa inmin-e pempa nanggau kanggau wolmer-o” luk yak indi-o.

YAKOBUS 1:21

Iri bem-e kop kap tobok tak poso mende pidsa min meya kwarat kwarugwi mende oboksa min mbo buruk, Mbal Pem Nagawan-nen kit kinndi arem aid wene yagaid na-ge kinndi teberak pem-nen wanogolat wolmer-o. Aid wene na-ge kit kinmiri yurak pem amawi mondok ndak-nen yusu-o.

1 PETERUS 1:23

Mbal Pem Nagawan-nen yidnak wene, urug-et woralik nalik woraso wene iri-nen-e mberen pem ndet konposolar-e, ki nap-nen ndet unpugwi nggal ndet kinpigit lag-o. Are, Nineid pem-et woralik nalik woraso-nen ndet kinpij-o.

1 PETERUS 3:15

Are, kit kinndi arem-nen-e Kerisut na kek tak pogolat, kit-nen idnak Nagawan Indo rak pogolat wolmer-o. Ap-nen-e: ”Kir-e no bem kinndi mbung mbung tak worali-o?” luk kin wok konpogola, wene na onggo yak undurak pem kir-e lid lud tak puruk wolmer-o.

1 SEMUEL 16:7

Alat nde, Nagawan Indo-nen Semuel yak tosolar-e: ”Kar-e enpe konak min enpe mot min yik kaidnak pem nak kindi purungsa ebem pusu-ge meyog-o. An nindi-nen pigi-ge at iri-ge lag-o. An-nen-e ki nap-nen enabut yik kagwi nggal-e yik eneyaso bug-o. Ki nap-nen-e enpage ombol nggwe nak yik kali-t nde, an-nen-e inndi nak kaso-o” luk yij-o.