1 PETERUS 3:3 - Nanduk Ngget Tul Pidnak Wene

³ Kit-nen-e kwe erare op nggal teyeg-o luk, kenaboro ombol nggwe nak konogolar-e, kenanggulsu lara simo berek yaga pogolat, tangge konak yorogolat, sum na konak nak yorogolat wolmomtak pug-o.

1 PETERUS 3:3 Iomraidhean Croise

NDAK WIRIDNAK WENE 24:22

Unta wam ereba na yi imbitsa nasoloma karug-e, Abarakam ndegel oboso nap iri na-nen-e onggo nggok pugwi enabi sumbanok emas posid-nen konidnak mbi wanarik, kwe iri na abirumbun pem ngonoksa yirik pij-o. Nde, emas-nen konidnak manggo nggok mberen-e erabitmu yirik pij-o.

NDAK WIRIDNAK WENE 24:47

Iri lug-e, an-nen-e: ’Kat keij-e ta-o?’ luk kin wok ibigi-o. Iri yosola, at-nen yosolar-e: ’An neij-e Naot min Milka min enmbara Mbetuel-o’ yij-o. Yosola karug-e, an-nen-e enabi sumbanok abirumbun pem yirik puruk, manggo mberen erabit pem yirik pigi irir-o.

NDAK WIRIDNAK WENE 24:53

Iri luk, sum min unmuruk pugwi mende emas min perak min-nen konidnak enabi sumbanok, eneyanggo sumbanok ereba na-ge kwe Iripka wok turuk, onggo nggok pugwi mende erep min-et ija min kwe iri irid min kenangga wok indij-o.

ESET 5:1

Nde, tepan yogolat woragolar-e, kenan pem tak pogolar-e, kwe Eset iri na-ge kweyap nagawan-nen yurugwi sum yutluk, nagawan woraso sa o mborom arem nggwe wok yij-o. Wok yarik, o mborom iri na me worasola-ge, nde, nagawan iri na-ge at koreyak woraso sa iri na me-nen erengen-e tu wirik koreyak worasoma-ge, Eset iri na-ge tumende bem men yil mbirij-o.

MBIRIGA WENE 3:22

Nde, Isarael kwami oboksa-nen-e it Mesira nap it totno lambuksa woragwi enpem na irit, o misiget arem woragwi kwami enpem na irit emas min perak min-nen konidnak unmuruk pugwi mende min sum min Mesira kweyap enpem nggi lug-e, kit-nen-e kinlirak li ap min li kwami min yirik unpugub-o. Iri nggal kwarogolar-e, Mesira nap enarengge mengga waruk mburugub-o” luk yij-o.

MBIRIGA WENE 32:2

Iri yogola-ge, Arun-nen yosolar-e: ”Konkwerak min kinlirak min eneyanggo sumbanok emas-nen konidnak ereba yonggora an wok niril lobok yer-o” yak indij-o.

MBIRIGA WENE 33:4

Nagawan Indo-nen Isarael nap yak unduwakluk Musa-ge yu yak tij-o: ”Kit kinndi amawi kenlem yu-ge, an nde kinmin mborosolat nggal-e, yanem-et nak kir-e pendega lak tak kinpimin-o. Iri bem-e an-nen kit kwat kunpurak iri kayek-nen kit kinmirik kunmuruk pugwi mende ereba-ge abu abu mondok yonggora keya ber-o. Nde, an-nen kwat kunpurag-e nindi konimin-o” yij-o. Yosoloma, Nagawan Indo-nen met inpid iri na kulurug-e, anggam wat yosoma indi puru yoso nggal inndi puru kwarat luk, inmirik unmuruk yonggora abu abu keya biga-o. Iri luk, Sinai ndobo keya buruk mbiriga kuri-nen inmirik unmurug-e Isarael kweyab-e mondok pugwi buk irit woraiga-o.

YESAYA 52:1

Yerusalem wa-e. Men yugundik, kuruk wolmin-o! Kar-e kamawi luk, kunu kek tak woralat-nen yoroso kusum yutluk wolmin-o! Marak o siri Yerusalem wa-e. Ap iniye ambasap mbarugwi buk, kopkap tobok tak nab-e kat kurumnde nggwe-ge mondok ngguwa bug-o.

YESAYA 61:10

Yosoloma, Yerusalem-nen yosolar-e: ”An-e Nagawan Indo ebem nalin nalen kasu-o. Mbal Pem Nagawan ebem an nindi-ge kijik kijak wurusu-o. Kwe min ap min wok kerak mburak pem inmirik unmuruk konak nak yitli iri na nggal Nagawan Indo-nen an yirik nobosolar-e, inmiri yoso sum min ombol nggwe yugwi sum min yirik nibij-o.

YEREMIA 2:32

Kwe ndugum-nen-e at umurug-e meme rak poso-a? Ap wanurak kwe-nen-e ap wanosolat-nen yururak sum-e meme rak poso-a? Alat nde, kir-e obi-net an-e meme rak nibigeb-o. Meme rak nuburuk woragolat-nen woraigeb-e wonarurag-e meya-o.

OROMA 12:2

Nggweyak ma nap-nen kwarugwi mende kwarurak pug-o. Are, kenpage nin luk, kinndi ngget tak pogola-ge, Mbal Pem Nagawan indi-n pidnak mende-ge konak mende, at alen kudtak iminep mbarak mende irit kenaru yugub-o.