1 PETERUS 3:11 - Nanduk Ngget Tul Pidnak Wene

¹¹ Meya mende keya buruk, konak nak kwarosolat wolmag-o. Lambuksa wolmomtak elem kore yosolat, amawi kunduwag-o.

1 PETERUS 3:11 Iomraidhean Croise

AYUP 1:1

Nde, o Us nggweyak pem iri me-ge ap misik woragij-o. Iri unu-ge Ayup. At iri-ge Mbal Pem Nagawan imin kundik worasolar-e, imin tugup lak irit woragij-o. Nde, ar-e konak nap woralat, indi nggat nggat worak, meya na marig-et tet kwaroso buk irit woragij-o.

AYUP 2:3

Yosoloma, Nagawan Indo-nen kin wok obosolar-e: ”Kar-e ndegel noboso nap Ayup indi iri na-ge kwara abut mbarigen, lak? Nggweyakma wi yu-nen ap mbi indi konak, mondok tugup lak at nggal mbi mondok worali bug-o. Ar-e an nak nerembel wanosolat, mondok meya mbi kwarusu bug-o. Kat-nen-e erem lag-et nde, an-nen at meya rak peyekluk nemengen mbarigen-et nde, ar-e pempa tugup lak an nimin kundik worasu-o” luk yij-o.

NDAWI ENGGA 34:14

Meya kwarugwi iri keya buruk, konak nak kwarogolat wolmer-o. Lambuksa wolmomtak elem iri nak nggok tak pogolat wolmer-o.

NDAWI ENGGA 37:27

Meya kwarugwi iri-ge keya buruk, konak kwarugwi iri nak kwarurag-o. Iri kwarosola-ge, kat-nen wigarag-e o nggweyak iri na me-t pem irit wolma-o.

NGGOMO WENE 3:7

Kat kambikpebe ”An-e nindi nggat nggat worag-o” luk yebet kudtak pug-o. Are, meya kwarugwi iri keya buruk, Nagawan Indo indi aye worak wolmin-o.

MATIUS 5:45

Iri kwarugup pem-e kit kineid aid arem woraso ilirak tugub-o. Kineid iri-nen at omolengen yemberak pil lobok yosolar-e, meya nap enpem na irit, konak nap enpem na irit, poso-o. Nde, talme engen pil mbuwasolar-e, lud tak nak kwarugwi nap enpem na irit, meya nak kwarugwi nap enpem na irit, pil mbuwaso-o.

MATIUS 5:9

Nde, lambuk tak unpugwi wene ndamili nab-e Mbal Pem Nagawan-nen it inmin-e ’An nilirag-o’ luk yuwa me, enalen kali-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

MARAKUS 14:7

Insilobulo lak nab-e kit kinmin pempa worali-o. It yongga undurak peragolug-e, yongga ondogolat woragub-o. Alat nde, an-e pempa kit kinmin woramin-e lag-o.

LUKAS 1:79

Lobok yid iri-ge, ndamuk arem woragolat, kwiye kali na lesa ninmiri yurak tulabiyem nenpeyekluk-nen lobok yij-o” luk yij-o.

LUKAS 6:35

Lag-o! Kir-e kunuwim nap enabuwa kagolat, it inmin konag-et kwarogolat yugup na-e. Kunuang luru wok unduruk, uwi yagurak yebet kudtak pug-o. Iri kwarugup ala-ge, onggo nggulok wanogolat, Kek tak Woraso Mbal Pem Nagawan ilirak kwat yugub-o. Mbal Pem Nagawan-nen-e wa yugwi buk nap min meya yugwi nap min-e enabuwa nak kaso-o.

LUKAS 6:9

Iri lug-e, Yesus-nen it yak ondosolar-e: ”Wene yu nde kin wok kenpeyeg-o: We woragwi tarem-nen kwarurak ndag-e ngge nde perali-o? Ap yongga undurag-e op, lak? Ap meya rak unpurak nde ob-a? Ap inmiri yurak nde op, lak? Are, ap undurak nde ob-a?” luk kin wok inpij-o.

YOANES 17:15

An-nen-e: ’Nggweyak ma yu me wolma naru, wok inpi-o’ luk kemengen mbarusu bug-et nde, ’Meya Yoso Nap-nen it meya rak unpuwa naru, kwara untum wiri-o’ luk kemengen mbarusu-o.

OROMA 12:18

Nde, kit-nen-e ap oboksa inmin lambuk tak nak wolmomtak iri nak peragolat wolmer-o.

OROMA 14:17

Nde, Mbal Pem Nagawan-nen tenagaidnak wi-ge nunggwi mende min yi min erep kundig-e lag-o. Are, Konak Indi-nen wok ondoso luk tak nak kwarugwi elem min yamuksa woragwi elem min enalin enalen kagwi min erep kundik-nen yusu-o.

OROMA 14:19

Iri bem-e nit-nen pempa kwarurag-e, lambuk tak onposo mende min ninndi uwi yak kerak mburak mende min kwaruwog-o.

OROMA 5:1

Iri bem-e, nit ninndi angin tubu yidnak pem lud tak nak ninpidnak me, Nenagawan Indo Yesus Kerisut ebem nir-e Mbal Pem Nagawan imin lambuk tak ninpidnak worali-o.

OROMA 7:19

Konak mende irit kwareyeg-o luk peraidnak mende na-ge an-e kwarusu bug-o. Are, meya mende kwarimin pug-o luk peraidnak mende iri na kwarusu-o.

OROMA 7:21

Iri bem-e, an-e wene ebe-ge yu nggal yidnak kasu-o. An-nen-e konak mende-t kwareyeg-o luk perasola-t nde, meya mende nak an narem-nen nam yusu-o.

OROMA 8:6

Ki nap-nen kwarugwi mende-t yebet kali iri-ge wat yugwi-nen yusu-o. Nde, Konak Indi-nen kwaroso mende-t yebet kali iri-ge unlug-et woragwi elem min yamuksa woragwi elem min-nen yusu-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

NGGALATIA 6:10

Iri bem-e, nir-e ap oboksa konak tak unpurak worala ya-t nanongga konak tak onpogolat wolmomtag-o. Nde, mondok konak tak unpurag-e, totno ninndi angin tubu yidnak pem-nen nonowe nonowot tak inpidnak nap irit konak tak unpuwog-o.

KOLOSE 3:15

Kerisut-nen idnak yamuksa woragwi elem-e kit kinndi arem ombo luk wolmag-o. Iri yurak pem-nen ebe misiget kwat yobokluk Mbal Pem Nagawan-nen wene mbo kinpij-o. Nde at ”Wiwa-o” yak togolat wolmer-o.

1 TIMOTIUS 6:18

”Kir-e konak nak kwarogolat, konak nak kwarurak nggok tak pogolat, kinndi konak woragolat, kenarengge ap tembet ondogolat wolmer-o” luk nggomo indi-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

IBERANI 13:16

Nde, kir-e konak nak kwarogolat, yongga yongga wolmomtak iri-ge meme rak purak pug-o. Iri kwarugwi iri-ge, Mbal Pem Nagawan alen tak pogolat, amanggim wam wosa pugwi nggal-nen yusu-o.

YAKOBUS 4:17

Iri bem-e, konak kwarurak aru-t nde, kwarusu buk nab-e ambik ebem meya pusu-o.

1 PETERUS 3:12

Nagawan Indo erengen-e lud tak nak kwarugwi nap enpem kundugu woralar-e, eyanggo na it-nen tepan yidnak ambigit palak worasu-o. Alat nde, Nagawan Indo-ge meya nak kwarugwi nab-e erengen labi mbal unpusu-o” luk yij-o.

3 YOANES 1:11

Nanggam nindi kundik wa-e. Meya kwarugwi na kat-nen nde mul mul meya kwarurak pug-o. Are, konak nak kwarugwi irit nde mul mul kwarurag-o. Konak nak kwarugwi nab-e Mbal Pem Nagawan ilirak-nen yili-o. Nde, meya nak kwarugwi nab-e Mbal Pem Nagawan kagwi buk nap-net yili-o.