1 PETERUS 3:10 - Nanduk Ngget Tul Pidnak Wene

¹⁰ Mbal Pem Nagawan engga bem-nen yosolar-e: ”Ta-nen nde nalen min-et neyaruk woralat, konag-et worayeg-o peraidnak nap-nen-e meya wene min enesiget wene min yimin naru, emnde nggitlik puruk wolmag-o.

1 PETERUS 3:10 Iomraidhean Croise

AYUP 2:4

Alat nde, Sere iri na-nen onggo yosolar-e: ”Indi min enpe ki wolmomtak min iri-ge mondok nggok-nen yusu-o. Alat nde, enarengge mende iri-ge nggog-e lag-o. Nggweyakma nab-e enarengge mende iri lak tak purak iri-ge ndag-et nde, mondok nggog-e enpe unluk wolmomtak iri nak nggog-o.

NDAWI ENGGA 27:13

An nindi-nen-e an nuruk nggweyakma yu me woralar-e, Nagawan Indo-nen konak nak kwat onposo elem iri na-ge kamin-er-o luk naru worasu-o.

NDAWI ENGGA 49:19

at iri-ge omborak inmbirig-et mburuwarik, ndamuk arem iri na me pem irit woralik nalik irit wolma-o.

NGGOMO WENE 3:18

Inndi nggat nggat elem iri na puksa tena wolma nab-e ndemeret unluk enalen pem konak irit wolma-o.

NGGOMO WENE 3:2

Iri kwarosola-ge, kar-e kuruk mot pem-et woralat, yamuksa konak woragun-o.

NGGOMO WENE 8:35

Ta-nen nde an wok nibidnak ala-ge, unluk woragwi elem-et wanarik worasu-o. Nde, at ebem-e Nagawan Indo alen kasu-o.

MATIUS 19:17

Yosoloma-ge, Yesus-nen at yak tosolar-e: ”Kar-e noluk-nen konak kwarurak wene iri an kin wok nubusu-o? Konag-e misiget nak Mbal Pem Nagawan-et worasu-o. Kar-e kuruk wolmomtak elem iri wanurak kindi perasolar-e, imiri mbarak pidnak wene iri-ge mondok kwarosolat wolmin-o” luk yak tij-o.

MARAKUS 8:35

Ta-nen nde at indi abuwa nggok tak puwa nab-e uruk wolma bug-o. Alat nde, an nebem ala na, aid wene bem ala na, at indi abuwa lak tak puwa nab-e at ondomok imiri yaga wanuwa-o.

YOANES 1:47

Nde, Natanael na Yesus eram lobok yosola karuk, Yesus-nen at imin yosolar-e: ”Ndemeret Isarael nap yu nde ker-o! At arem-e enesiget wene na yoso bug-o!” luk yij-o.

YOANES 12:25

At ondomok indi abuwa kaso nab-e at indi-ge lak ma-o. Nde, nggweyak ma yu me-nen at-net at indi abuwa lak tak puwa nap-nen-e urug-et woralik nalik wolmomtak elem irit tena wolma-o.

TUGURUK YIDNAK WENE 32:47

Mul kindigi wene ereba-ge we ebe lak wene-ge lag-o. Are, kunluk wolmomtak wener-o. O Yi Yareren eyak ele bem yanem kit nggugupndik woragup iri me kunluk mot pem-et worabokluk, kwarurak kenpem pidnak yeba-ge kwara kwarogolat wolmer-o” luk yak indij-o.

YAKOBUS 1:26

Ap-nen-e ”An-e Mbal Pem Nagawan erembel wanoso-nen yusu-o” luk perasolat-net nde, indi-ge konigit lak, wene-ge we ama bem perek nak yosola-ge, at-nen at ambik ombol pem lasu-o. Mbal Pem Nagawan erembel wanusu iri-ge we kasa ereba-t wanusu-o.

1 PETERUS 2:1

Iri bem-e, onmbol pem lagwi min inndi-net enmberel pugwi min enlengen ale yugwi min onpok pugwi min yi meya ndi meya kwarugwi iri-ge pidsa mbo ber-o.

1 PETERUS 2:22

At iri-ge meya mbi kwaroso buk, at emnde nggwe-nen enesiget wene mbi wirik poso bug-o.

NAM PARA WENE 14:5

It iri enmende nggwe-nen-e enesiget wene mariget tet wirik pugwi bug-o. Nde, meya mariger-o luk tet it enpem-e mondok lag-o.