1 PETERUS 2:9 - Nanduk Ngget Tul Pidnak Wene

⁹ Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

1 PETERUS 2:9 Iomraidhean Croise

NDAWI ENGGA 118:27

Nagawan Indo iri-ge Mbal Pem Nagawan-nen yusu-o. At-nen-e konak nak kwat nonposo-nen yusu-o. Mburugupndik, e sit kere sit kininggem yud kud Nagawan Indo amanggim wam wosa kan pugwi ondoro iri wangget ker-o.

NDAWI ENGGA 135:4

At-nen-e Yakub-e ondomok amanggim-et lenamu-o. Isarael nab-e at ondomok arengge rak enpamu-o.

NDAWI ENGGA 22:30

Ap it inmbirik unluk wolma nap-nen-e Nagawan Indo at nak kek tak obogolat wolma-o. At owene-ge ap pem lud-nen wigarogolat wolma-o.

NDAWI ENGGA 33:12

Ap enlem mbi-nen: ”Nagawan Indo iri-ge nit Nenmbal Pem Nagawan-nen yusu-o” luk yili nab-e enalen kagolat wolmag-o. At ondomok ilirak tak enpeyekluk len inpidnak nab-e mondok enalen kagolat wolmag-o.

NDAWI ENGGA 73:15

An-nen nde wene iri nggal yosolat nggal-e, kat kilirak enare posolat-nen yeleb-o.

YESAYA 41:8

Alat nde, an ndegel nubugwi nap, an-nen len kinpidnak nap Isarael kir-e an nenggam Abarakam-nen wigarak-nen yili-o.

YESAYA 42:16

An nelem nap enlengen ngguru-ge an-nen ininggi waruk mborosolar-e, it enaru buk tula nggwe-t inmin mbirimin-o. Nde, ndamug-e it enambigir-e an-nen-e yaya rak pimin-o. Nde, tula lalik mbilig-e marengen nggal mot tak pimin-o. It ’Iri nggal kwat inpimin-o’ yigi iri-ge mondok ndemeret kwar-et inpimin-o.

YESAYA 44:1

Nagawan Indo-nen yosolar-e: ”Ndegel noboso nap Yakup min an-nen len kinpigi nap Isarael min wa-e. Mondok kwara koler-o!

YESAYA 61:6

”Kir-e Mbal Pem Nagawan ndegel ubugwi nab-o” yak kondogolat, kunnu-ge ”Nagawan Indo-nen yidnak tepan ombo-o” luk yaruwa-o. Kir-e enlem nin nap enarengge ereba na bem kunluk konak woragolar-e, it enarengge ereba na bem kinndi kek yogolat woragub-o.

YESAYA 66:21

Nde, it ereba na ennggendumu ereb-e tepan ombo rak onposolat, Lewi nap tak onposolat kwat inpimin-o.

YESAYA 9:2

Ndamuk arem waring kaiga nap iri-ge yaya abinal worak kaiga-o. Nde, abu kan ndamak pem woraiga nab-e yaya elem iri na-nen yaya rak unpusu-o.

MALEAKI 3:17

Nagawan Indo Mondok Amawi worak iri na-nen yosolar-e: ”It iri-ge an nilirak kwat ma-o. Nde, an-nen kwarimin tarem-e it iri-ge an nindi kundik irit kwat ma-o. Nde, ap misik-nen at ndegel oboso ambara abuwa kaso nggal, iri nggal-et it enabuwa kamin-o.

MATIUS 4:16

Ndamuk pem woragwi nap-nen-e yaya nggulok mbi kaigo-o! Nde, wat momtak elem ugumak-nen yemendak unpuruk woragwi nap enmanggim-e mo pil wagaij-o!” luk yij-o.

MATIUS 5:16

Nde, iri nggal-et kit-nen konak nak kwaridnak na karuk yuwarig-e, it-nen-e Kineid aid arem woraso iri erembel wanuwakluk, kit keneyaya-ge ap ennggendumu yaya yuwag-o.”

LUKAS 1:79

Lobok yid iri-ge, ndamuk arem woragolat, kwiye kali na lesa ninmiri yurak tulabiyem nenpeyekluk-nen lobok yij-o” luk yij-o.

YOANES 17:19

Ir-e ndemeret wene bem lena kat karengge makluk, it enmanggim an-e kat karengge teyek-nen an-e an-net len yigi-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

YIDNAK YIDNAK WENE 26:28

Yosoloma-ge, Ageripa-nen Paulus onggo yak tosolar-e: ”Kar-e ndag-et nak Kerisut nap tak nubugun kagi!” luk yak tij-o.

OROMA 9:24

Nde, at-nen yonggo ninpid iri-ge Yawuri nap ennggendumu nak-nen-e lag-o. Enlem nin nap ennggendumu-nen na yonggo-t ninpij-o.

1 KORINTUS 3:17

Mbal Pem Nagawan uwi marak iri-ge kit-nen yili me, ta-nen nde Mbal Pem Nagawan uwi mijarosola-ge, at na Mbal Pem Nagawan-nen lak tak ubuwa-o.

EPESUS 1:14

Konak Indi iri-ge Mbal Pem Nagawan-nen-e yi mende ndi mende at ilirak nit wok nundurak urul pidnak mende nanduk nanduk waga tena wolmakluk wok nindidnak Konak Indi-nen yusu-o. Nde, nonnggo puruk, Mbal Pem Nagawan arengge rak ninpid iri-ge at unu kek tak pidnak iri nak erembel wanuwakluk kwat ninpij-o.

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

EPESUS 3:21

Mbal Pem Nagawan iri-ge, lambuk tak inpidnak nap enpem-nen na. Kerisut Yesus ebem-nen na, pempa pempa woralik nalik woragolar-e, at unu kek tak pogolat wolmomtag-o. Amen.

TUGURUK YIDNAK WENE 10:15

Alat nde, Nagawan Indo-nen-e kit konmborak enabuwa kwarat karug-e, yi ap ndi ap ennggendumu-nen kir-et len kinpij-o. Iri yid na-ge kir-et at elem nap lenak irit yawo na worali-o.

TUGURUK YIDNAK WENE 4:20

kir-e mondok andi bandi kaigep sa Mesira-nen kinmiri luk lobok yid iri-ge yawo kir-e at elem nap worali yu nggal worabokluk, kinmin lobok yij-o.

TUGURUK YIDNAK WENE 7:6

Kit-nen ereba oboksa kwarugup iri-ge nggweyak ma yu me worali oboksa ennggendumu-nen Nagawan Indo Kenmbal Pem Nagawan-nen lesa wok kunpuruk at elem nap tak kinpidnak, at ilirak tak kinpidnak ala-n kwarugub-o.

PILIPI 3:14

Iri bem-e, onggo iri waneyeklug-e, kondok yugwi sa iri me pong kil mburusu-o. Onggo iri na-ge Mbal Pem Nagawan-nen-e: ”Kerisut Yesus ebem-e aid arem yu me kuruk woranok-nen lobok yi-o” luk wene mbo nibidnak iri-net yusu-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.

1 PETERUS 2:5

Kir-e kunlug-et woragwi kerep-nen yili me, kit wok kunpuruk Mbal Pem nagawan uwi indi amanggim o iri wat momtak kerep iri kinndi mer-o. Iri nggal kwarogolar-e, kir-e tepan ombo marak kwat luk, Yesus Kerisut ebem kir-e Mbal Pem Nagawan amanggim wam wosa kan pogola-ge, Mbal Pem Nagawan-nen-e kit-nen pidnak mende bem-e alen kujwa-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.

NAM PARA WENE 1:6

at Eid Mbal Pem Nagawan eyabu wanuwakluk, tepan ombo rak nonposolar-e, nagawan tak ninpij-o. Yesus Kerisut iri-ge kek tak, amawi worak pem-et woralik nalik irit wolma-o! Amen.

NAM PARA WENE 20:6

Ap nandug-et men momtak tarem iri bem men ma nab-e mberen pem tak posolat wat momtak iri-ge it enpem mbuwa buk me, ir-e inmbiringgat worak, mondok marak arik lenak woragwi nap-nen yili-o. It iri na-ge Mbal Pem Nagawan min Kerisut min-nen idnak tepan ombo kwat luk, olengen seribu (1,000) woragolar-e, it-nen-e Kerisut imin totno nagawan wolma-o.

NAM PARA WENE 5:10

Nde, it onnggo pigen nap iri-nen Nembal Pem Nagawan eyabu wanogolat, nggweyak ma yu me tena woragolat makluk, kat-nen tepan ombo rak onposolar-e, ap enlem misiget tak inpigen-o” luk yiga-o.

1 SEMUEL 12:22

Nagawan Indo-nen owak mbarosolat-nen yosolar-e: ’Ir-e an nondomok nilirak tak inpimin-o’ luk yidnak me, at-nen-e mondok keya kunpuwa bug-o.