1 PETERUS 2:23 - Nanduk Ngget Tul Pidnak Wene

²³ Meya wene yak togola na at-nen na meya wene onggo yak indigit lag-o. Nde, at worogola na at-nen na it onggo kwat unpurak na yak indigit lag-o. Are, at kwat ibili wene iri-ge mot mor-et ap enpem wene mbaroso Mbal Pem Nagawan na ebem keya bij-o.

1 PETERUS 2:23 Iomraidhean Croise

NDAK WIRIDNAK WENE 18:25

Lud tak kwarugwi nab-e lugud tak kwarugwi nap inmin undurag-e mondok meyog-o, Nagawan Indo wa-e. Nagawan Indo-nen nde lak tak onposolar-e, lud tak kwarugwi nab-e ndemeret lugud tak kwarugwi nap inmin-et lak tak unpugun me, mondok meyog-o. O yu oboksa enpem Wene Mbenaroso-nen-e wene kasa lugud tak enpem mbarurag-e meya-o” luk yij-o.

NDAWI ENGGA 37:5

Kit kenpe-ge Nagawan Indo eram nak kegera keya buruk wolmer-o. At ebem kinndi mbung mbung tak woragola-ge, at-nen yongga kunduwa-o.

NDAWI ENGGA 96:13

Iri yugup iri-ge Nagawan Indo-ge nggweyakma wi yu me tenageyekluk lobok yosolar-e, at-nen ap enlem oboksa enpem wene mbenarosolar-e, ndemeret mot mot, lud tak pem-et enpem wene mbenaruwa-o.

YESAYA 53:7

Ar-e insilepma min lel mberel ibiga-t nde, eyak linggirik puruk, andi bandi kasolar-et nde, ene lak woragij-o. Lomba amarik ene lak worasola, urusu mbarugwi sa waruk mburugwi nggal, lomba ija usu mbarogola, ene lak woraso nggal, ene lak irit woragij-o.

LUKAS 23:41

Nde, nit nenmbereg-e nit meya yidnak pem yurag-et nindiga-o. Alat nde, at yu perak nde meya kwarigit lag-et nde panggarak piga-o” luk yij-o.

LUKAS 23:46

Yesus na ene nggoksa yosolar-e: ”Neid wa-e. An nindi-ge kat kinggem pusu-o” yuruk, wat yij-o.

LUKAS 23:9

Iri ala-ge, Erores na-nen wene kwarat Yesus kin wok ibij-et nde, Yesus na wene mbi erep nggarigit lak, puk nak yij-o.

YIDNAK YIDNAK WENE 17:31

Nde, at-nen-e ab-e ap pidsa enpem wene lud tak nak mbarurak tarem-e ndak worak pidnak worasu-o. Nde, ap enpem wene mbaruwakluk at-nen-e ap misik mendak pij-o. Iri yidnak nab-e wat yidnak nap ennggendumu-nen uruk tak pamu me, nenpem wene mbaruwa-o luk ap pidsa enaru rak pij-o” luk yij-o.

YIDNAK YIDNAK WENE 4:29

Nagawan Indo wa-e. Yawo-ge it enne amawi min-et watsa yak nindidnak wene iri-ge yebet ki-o. Yebet karug-e, kat ndegel kubugwi nap nir-e kat-nen yidnak wene yik tenak wolmok-nen kwiye kagwi buk elem wok nindi-o.

YIDNAK YIDNAK WENE 7:59

Nde, it na-nen kerep pem Sepanus worogola ereya na-net at-nen tepan yosolar-e: ”Nagawan Indo Yesus wa-e. An nindi-ge kat wani-o” luk yij-o.

YIDNAK YIDNAK WENE 9:1

Iri kwarukmu-ge, Saulus na-nen-e: ”Nagawan Indo ene wanugwi nap indimin-o” luk yik tenak worasolar-e, tepan ombo nggulok eram mbutlug-e,

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

EPESUS 6:9

Kit nagawan nagawan wa-e. Kit-nen na iri nggal-et ndegel kunpugwi nap inmin-e: ”Kindimin-o” yugwi iri keya ber-o. Kit min ndegel kunpugwi nap min-e Kineid aid arem worasu iri-nen-e ap entare lombonoso bug-o luk kinndi yebet ker-o.

2 TESALONIKA 1:5

Iri kwatli iri bem-nen Mbal Pem Nagawan-e mot mor-et ap enpem wene mbaroso-ge nam-et yenggerak kali-o. Nde, kir-e Mbal Pem Nagawan-nen tenagaidnak wi iri-nen ndowaga anggun panggun kali me-ge, kir-e Mbal Pem Nagawan-nen tenagaidnak wi winde yurag-e ndak-nen yusu-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

IBERANI 12:3

Meya yugwi nap-nen Yesus na-ge insili min mondok kwarat lel mberel obogola, indi mamak puruk woragaid iri-ge kinndi yebet ker-o. Iri yebet kagup pem-e, kinndi pok luk nggeyok yugup pug-o.

1 PETERUS 3:9

Mbal Pem Nagawan-nen wene mbo kinpid iri-ge, at-nen idnak imbiringgat mende wok kendeyekluk wene mbo kinpidnak me, ap-nen meya rak konpogola, onggo it meya rak unpurak pug-o. Ap-nen meya wene yak kondogola, onggo meya wene yak undurak pug-o. Are, inmbiringgat tak enper-o.

1 PETERUS 4:19

Iri bem-e, Mbal Pem Nagawan indi-n pidnak pem andi bandi kagwi nap mbi woragolar-e, lud tak nak kwarogolat, it ndak wat inpidnak nap iri na ebem inndi angin tubu yogola-ge, at-nen urul yak indidnak na-ge ndak ndag-et kwarosolat wolma-o.

NAM PARA WENE 19:11

Iri luk, an yik kaginggal-e, aid arem tu kuwak yosolar-e, kuda wam loro misik kagi-o. Nde, kuda wam iri ombolwak pem koreyak iri unu-ge Yidnak Yidnag-et Kwaroso, Lud tak Nak Kwaroso irir-o. At iri-nen ap enpem wene mbarosolat na, wim posolat na, mot mor-et kwaroso irir-o.