1 PETERUS 2:12 - Nanduk Ngget Tul Pidnak Wene

¹² Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 PETERUS 2:12 Iomraidhean Croise

NDAWI ENGGA 37:14

Meya yugwi nap ereba na-nen-e enarengge lak, anggun panggun woragwi ereba na min mot mot nak kwarogolat woragwi ereba na min undurak pem enkabo lit kagolat, ensan-e enambigit kunarak worali-o.

NDANIEL 6:4

Iri yamu, Ndaniel-nen kwaridnag-e ngguberenot min it yik eneyarok woragwi nap erep ereya na min-nen kwarugwi nggal-e lak, mondok konak irit kagaij-o. Iri ala karug-e, nagawan iri na-nen-e at-nen tenagidnak wi ereba na enanggul pem tena unpuruk wolmomtak irit Ndaniel mendak uburak yebet kagaij-o.

MATIUS 10:25

Iri ala-ge, mul tidnak nap iri na-ge at mul toso nap nggal ndak ndak kwat yidnak ala-ge, ndag-er-o. Nde, ndegel poso nap na irit, at ndugurusu nap nggal ndak ndak kwat yidnak ala-ge, ndag-er-o. Nde, o winde na unu nde ’Mbelsebul-o’ luk yugwi ala-ge, at ama woragwi oboksa na iri nggal-et unnu-ge meya lombok yuwa-o.”

MATIUS 5:11

An nebem ala ap-nen insili rak konpogolat, lel mberel konpogolat, enesiget wene bem konpok pogola-ge, kir-e kenalen ker-o.

MATIUS 5:16

Nde, iri nggal-et kit-nen konak nak kwaridnak na karuk yuwarig-e, it-nen-e Kineid aid arem woraso iri erembel wanuwakluk, kit keneyaya-ge ap ennggendumu yaya yuwag-o.”

MATIUS 9:8

Iri kwarosola karuk, ap kwarat na-nen kwiye luk, Mbal Pem Nagawan-nen amawi nggulok iri at wok tidnak ala karuk, Mbal Pem Nagawan erembel waniga-o.

LUKAS 1:68

”At elem nap yongga ondosolat, wisirik enpeyekluk lobok yid Isarael nap Enmbal Pem Nagawan, Nagawan Indo iri nak erembel wanuwog-o.

LUKAS 19:44

It-nen-e kat min kat keleget arem woragwi nap min-e mondok irit lak tak kunpuwa-o. Nde, iri kwat konpogolar-e, kerep ebem lud lud kona pidnak misiger-o luk tet wolma bug-o. Mbal Pem Nagawan-nen kimiri yekluk lobok yosola, yenggerak pigit lak yigen pem, iri nggal kwat kubuwa-o!” luk yij-o.

LUKAS 6:22

Ap Ambara an nebem ala, ap-nen insili rak konpogolat, ap-nen keya konpogolat, pesel konpogolat, ’Kir-e meya kwaroso nab-o’ luk kunnu mbilaro ngin tak pogolat, iri rak konpogola-ge, kenalen ker-o!

YOANES 13:31

Yuras na mborosola karuk, Yesus-nen yosolar-e: ”Yawo-ge Ap Ambara an kek tak nobogolat, an nebem Mbal Pem Nagawan na kek tak obogolat yili-o.

YIDNAK YIDNAK WENE 15:14

Nanduk-net Mbal Pem Nagawan-nen enlem nin nap ennggendumu-nen ap ereb-e at amanggim len inpid wene-ge Simon-nen yak nindid irir-o.

YIDNAK YIDNAK WENE 24:13

Nde, yawo an nebem pili wene iri-ge it-nen-e ebe yoroksa yak kuruwa bug-o.

YIDNAK YIDNAK WENE 25:7

Nde, Paulus na lobok yosola-ge, it Yerusalem-nen mbiga Yawuri nap-nen at kambuk kambuk tak puruk, mendak woragolar-e, wene elem-e lag-et nde, at ebem-e meya wene kwarat pogolat woraiga-o.

YIDNAK YIDNAK WENE 28:22

Alat nde, nin me nin me-nen wene yu wanugwi nap inmin-e wene eyak wat yugwi iri na nenaru me, kat kindi-nen pidnak wene irit kulul-o” luk yak tiga-o.

OROMA 12:17

Ap-nen meya rak konpogola-ge, onggo it meya rak unpurak pug-o. Ap oboksa-nen: ”Konak kwarugwi-ge irir-o” luk peragwi mende iri nak kwarogolat wolmer-o.

OROMA 13:13

Nit-nen-e o lengge-nen kwarugwi konak irit kwarogolat wolmog-o. Meya kwarurak pem nggok sakwi min anggut engen amburu ndonggosa nunggwi min kwami terak ye unpugwi min meya kwarurak nak inndi yugwi min yig pugwi min enlengen ale yugwi iri oboksa-ge kwarurak pug-o.

OROMA 14:18

Nde, iri nggal kwasa Kerisut ndegel ubusu nab-e Mbal Pem Nagawan indi alen tak posolat, ap erep-nen na at kek tak ibili-o.

OROMA 15:9

Nde, Mbal Pem Nagawan-nen it unpud kaidnak pem Yesus-nen-e enlem nin nap min-et Mbal Pem Nagawan kek tak ubugwi rak inpij-o. Mbal Pem Nagawan engga bem-nen yosolar-e: ”Iri bem-e, enlem nin nap ennggendumu-nen an-e kat kerembel wanosolat, ndawi bem kat kunu kek tak posolat woramin-o” luk yij-o.

1 KORINTUS 14:25

at arem-nen kura woraso mende na para nam tak posola-ge, at iri-ge erare nggwe tud luk, Mbal Pem Nagawan erembel wanosolat-nen yosolar-e: ”Mbal Pem Nagawan-e ndemeret kit kennggendumu worasu-o” luk para yuwa-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

2 KORINTUS 13:7

Kit meya kwarugup naru, nir-e Mbal Pem Nagawan eram tepan yili-o. Iri yili iri-ge, nir-e ombol nggwe yidnak nap nggal yik niniyujwaklug-e lag-o. Are, nir-e mborok tak pugwi nap nggal tak nonpogola-t nde, kit konak nak kwarobog-o luk-nen yili-o.

2 KORINTUS 8:21

Nir-e Nagawan Indo indi aye nak-nen kwatli-ge lag-o. Are, ki nap inndi aye min-et kagolat-nen nir-e mot mot nak kwatli-o.

EPESUS 2:3

Nde, ndemeret nit oboksa-nen na nandug-e it worali nggal-et woraige-o. Iri nggal woragolar-e, nit nenpe-nen ukwe ukwe yugwi mende nak kwarogolar-e, nit nenpe min nit ninndi meya iri-nen ukwe yidnak mende na kwarogolat woraige-o. Iri kwarogola-ge, Mbal Pem Nagawan isilepma-ge it erep enpem pusu iri nggal, nit nenpem na purag-et woraige-o.

EPESUS 4:22

Iri bem-e, kir-e nanduk-nen kwarogolat woragwi kenpage iri na mondok keya ber-o. Nanduk-nen kwarugwi kenpage iri-ge at-nen ukwe ukwe yoso bem-e at na at-net kabak tak obosolat, meya yik korasu-o.

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

PILIPI 4:8

Nowe nowosi wa-e. Worok tak posolar-e, wene yu yak kendeyeg-o. Kit kinndi-nen yebet kagolar-e, lud tak kwarugwi min entembel wanugwi min mot mot nak kwarugwi min marak nak woragwi min konak mende min konak kulugwi mende min oboksa iri-ge kinndi konak tak purak mende worasola na, kek tak unpurak mende worasola na, iri mende oboksa bem nak kinndi-nen yebet kagolat wolmer-o.

1 TESALONIKA 4:12

Kit nde iri nggal kwarogola-ge, kit kenambik kininggi bem-et woragola-ge, it inndi angin tubu yigit lak nap-nen kit kinmin-e ”Iri-ge mot mot nak kwaroso nab-o” luk kunpurujwa-o.

1 TIMOTIUS 2:2

Nir-e yamuksa wene lak Mbal Pem Nagawan-nen kwaroso nggal konak nak wolmoklug-e, nagawan nagawan min ap yulok nggulok pidsa min enmanggim tepan yogolat wolmer-o.

1 TIMOTIUS 4:12

Kar-e ap sugwe me, ap misiger-o luk-nen te rak kuburag-e meya-o. Are, kat-nen inndi angin tubu yidnak nap kat kebage mirik onposolar-e, wene yoso bem-nen na, kat-nen kwaroso bem-nen na, enabuwa kaso bem-nen na, mot mot nak kwaroso bem-nen na, mbek tak woraso bem-nen na kat kebage irit it-nen kwaruwakluk mirik onposolat wolmin-o.

1 TIMOTIUS 5:10

konak nak kwaroso bem ap pidsa enaru ala, ilirak kwara ndegel onposo ala, ap sal enal paroso ala, anggamirak inndi angin tubu yidnak nap unuwok maroso ala, anggun panggun woragwi nap yongga ondoso ala, wene poro bem yogolar-e, pempa konak nak kwaroso ala, unnu mbarurag-o.

IBERANI 13:18

Nit nenmanggim tepan kundugu wolmer-o. Nir-e pempa konak nak kwat tenak wolmomtak nindingen me, nit-nen yebet kagwi ninndi iri-ge konag-et worasu-o luk perali-o.

IBERANI 13:5

Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.

YAKOBUS 3:13

Kit kennggendumu ap mbi indi tenggerak, indi nggat nggat worak mbi worala-ge, at-nen woraso abage konak iri na bem-nen nam tak posolar-e, konak nak kwarosolar-e, indi teberak, indi nggat nggat worak irit kwarosolat wolmag-o.

1 PETERUS 2:15

Kit-nen konak nak kwarugwi iri-nen kasa kasa wene yugwi nap enne pok tak purak iri-ge Mbal Pem Nagawan indingen-o.

1 PETERUS 3:16

Alat nde, kinndi yanggonak, teberak pem-net kit kinndi mbek tak woragolat-nen wene onggo yurag-o. Iri kwarogola-ge, kir-e Kerisut ebem woragolat-nen konak nak kwarugwi me, kit konpok pili nap na innggiri ma-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.

2 PETERUS 3:11

Nde, yi mende ndi mende lak tak posolar-e, iri nggal kwasa lak tak puwa me, kir-e mondok marak woragolat, Mbal Pem Nagawan-nen yidnak yidnak nak kwarogolat wolmer-o.

URUT 3:14

Yosoloma-ge, Urut na-ge Mboas ijok unggutmu iri na me-t nene yij-o. Nde, kub-e Mboas-nen perasolar-e: ”Urut na Mboas eram lobok yarig-o” luk ap-nen enaru yurak iri-ge isili me, Urut na-ge ap-nen kujwa naru kubu kabu irit men yij-o.