1 PETERUS 2:1 - Nanduk Ngget Tul Pidnak Wene

¹ Iri bem-e, onmbol pem lagwi min inndi-net enmberel pugwi min enlengen ale yugwi min onpok pugwi min yi meya ndi meya kwarugwi iri-ge pidsa mbo ber-o.

1 PETERUS 2:1 Iomraidhean Croise

NDAWI ENGGA 32:2

Nagawan Indo-nen at meya yidnak wonaroso buk nap min ap enmberam laso buk nap min-e enalen kagolat wolmag-o.

NDAWI ENGGA 34:13

Kit kenemndam nggwe-nen-e meya wene wirik pogolat, ap enmberam na lagolat yurak pug-o.

NDAWI ENGGA 37:1

Meya kwarugwi nap-nen kwaridnak pem ”O, iri kwarij-o” luk, kinndi kabak yurak pug-o. Ap-nen lugud tak kwaridnak pem kenlengen ale yurak pug-o.

NDAWI ENGGA 73:3

Iri kwarigi iri-ge an-nen yik kasoma, inndi-nen kek yugwi nap ininggem-e ebe worak ala karuk, ”Ar-e iri nggal-et nde, an-e noluk-nen-o?” luk nerengen ale yosoma, iri nggal kwat yigi-o.

NGGOMO WENE 24:1

Meya yugwi nap-nen kwarugwi ereba na ”An nggal kwatleb-a!” luk yurak pug-o. It inmin yagiga kundurak kindi yurak pug-o.

NGGOMO WENE 24:19

Meya yugwi nap enpem kinsilepma pilik, it-nen kwarugwi ereba na ”An nggal kwatleb-a!” luk yilik yurak pug-o.

NGGOMO WENE 3:31

Ap enpem mbud yugwi nap inmin-e it-nen kwarugwi nggal kwarurak puruk, kerengen ale yurak pug-o. It-nen kwarugwi enpage na mondok wanurak pug-o.

MATIUS 15:7

Kenesiget siget kwarugwi nap wa-e! Yesaya-nen kit-nen kwarurak urul pid na-ge ndemeret yij-o. At-nen yosolar-e:

MATIUS 23:28

Kit na iri nggal-et worali-o. Ap-nen yik keneyagolar-e, konmbol nggwe-ge lud tak nak kwarugwi nggal yik keneyali-t nde, kinndi arem-e kenesiget siget kwarugwi nde meya nak kwarugwi nde mondok kobong tak worasu-o.”

MATIUS 24:51

eid na-nen-e ndegel poso nap iri na mbarep parepsa keya buruk, enesiget siget kwarugwi nap ennggendumu lesa wirik puwa-o. Iri me-ge sa nggwa mbogolat, eneyak nggirit marogolat wolma-o” luk yij-o.

MATIUS 7:5

Ken ambik konmbol pem lagwi nap wa-e. Kit kondomok kenlengen arem worasu e ebis nggugurik iri nanduk waber-o. Kit kenlengen op-net kit kennggam erengen arem worasu kopkap iri konag-et wabobok-nen.

MARAKUS 12:15

Alat nde, Yesus na-ge it inndi nin woragolat-nen kin wok ibiga iri na yenggerak eneyaruk, at-nen it yak ondosolar-e: ”Kir-e noluk-nen an nare pili-o? Kerep tol misik an kayek-nen nuk kil lobok yer-o” luk yak indij-o.

LUKAS 11:44

Parisi nap kenpem mbuwa mende bem kenabuwa-o! Kir-e yapma unpuruk yenggerak purak mende pigit lak me, yapma inpidnak pem enaru buk me unuwok pugwi iri nggal-nen yili-o” luk yij-o.

LUKAS 12:1

Iri kwarukmu-ge, ap kere kwarat irit ndok worogolar-e, anggam-nen anggam yumundosola, anggam-nen anggam yumundosola, kwarogola-ge, Yesus-nen nandug-et at owosirak na yak ondosolar-e: ”Parisi nap-nen idnak oroti lomboroso mende iri abiyem-o luk kwara wolmer-o. Nde, iri-ge Parisi nap-nen enaru-net nde, enesiget siget enaru buk nggal yugwi iri na nde yigi-o.

LUKAS 6:42

Kit kenlengen ma nggwidnak e ebis nggugurik na limbinigit lak-net nde, kir-e kennggam yak togolar-e: ’Nanggam wa-e. Kopkap kerengen ma nggwidnak iri-ge wabeyeg-o’ luk nggesa-nen yak tugub-o? Kenesiget siget yugwi nap wa-e. Nandug-et kit kenlengen ma e ebis nggugurik na wabogoluk-nen kit kennggam erengen ma nggwidnak kopkap iri-ge kwara kagolat-nen waburag-o” luk yij-o.

YOANES 1:47

Nde, Natanael na Yesus eram lobok yosola karuk, Yesus-nen at imin yosolar-e: ”Ndemeret Isarael nap yu nde ker-o! At arem-e enesiget wene na yoso bug-o!” luk yij-o.

OROMA 1:29

Keya onposola-ge, it enarem-e yi meya ndi meya yu-nen yebet tak worasolar-e, meya kwarugwi mende min ukwe ukwe yugwi mende min emben to rak mende min enlengen ale nak yurak min ap undugwi min yig pugwi min ap enmberam lagwi min mabin puruk woragwi min ap onpok pugwi min

1 KORINTUS 14:20

Nanggamirak wa-e. Kit-nen yebet kagwi-ge li marik-nen yebet kagwi nggal yebet kudtak pug-o. Meya kwarugwi bem-e li marik nggal kwat yer-o. Alat nde, kit-nen yebet kagwi bem-e kinndi amburu mbarak wolmer-o.

1 KORINTUS 5:8

Iri bem-e, nir-e sakwi tarem iri igijak worogolar-e, nanduk-nen lomboroso mende, meya yugwi min uwingga mbarugwi min yidnak lomboroso mende arem pidnak oroti iri imin igijak wururak pug-o. Are, lomboroso mende arem pigit lak oroti, mbek tak pidnak oroti, ndemeret wene bem yidnak oroti iri nak igijak wuruwog-o.

2 KORINTUS 12:20

An-e kit kendam wok yimin nggal-e, an nindi-n peraidnak kwarigit lak nde keneyamin-o luk numud kasu-o. Nde, iri nggal-et an-nen na kit kinndi-nen peraidnak mende kwarigit lak niyudtak iri-ge numud kasu-o. An yik keneyamin nggal-e, yuk puk yugwi nde, enlengen ale yugwi nde, insilepma yugwi nde, kuri wat wat woragwi nde, nobokpe kobokpe pugwi nde, yagap yagap pem ap onpok pugwi nde, inndi-n kek tak pugwi nde, narop karop kwarugwi nde kwarogolat woragola keneyamin-o luk, numud kasu-o.

EPESUS 4:31

Wene nggutlugwi min insilepma-nen onmbol pem pak yurak puk kwarugwi min insilepma yugwi min ngguno nggugwi min ap onpok pugwi min keya bogolar-e, meya kwarugwi mende erep min-et keya ber-o.

1 TESALONIKA 2:3

Nde, nit-nen nggomo kindili wene yu-ge kabak tak unpugwi wene na lak, ninndi mberen pem yak kindili na lak, kenmberam lokluk-nen yili na lag-o.

1 TIMOTIUS 3:11

Iri nggal-et it onkwerak na konak nak kwarugwi kweyap, ap onpok na pugwi buk kweyap, ondomok inndi mamak puruk woragwi kweyap, yi mende ndi mende bem mot mot nak kwarugwi irit mag-o.

TITUS 2:3

Nde, iri nggal-et kweyap indi worak yak ondosolar-e: ”Mbal Pem Nagawan indi aye worak kweyap-nen woragwi irit woragolar-e, kenpage marak irit wolmer-o. Ap erep unnu meya rak purak pug-o. Anggut engen amburu na ndonggosa norak pem iri ndegel pugwi kweyap yurak pug-o.

IBERANI 12:1

Iri bem-e yik neneyarok worali nab-e mondok kwarat kambuk kambuk tak nunpuruk worali me, angin tak nunpurak mende oboksa keya buruk, puk tak nunpurak meya yogolat woragwi mende na keya buruk, nir-e kondok yil mburugwi sa iri me pong kil mborogolar-e, pong tenak nak wolmog-o.

YAKOBUS 1:21

Iri bem-e kop kap tobok tak poso mende pidsa min meya kwarat kwarugwi mende oboksa min mbo buruk, Mbal Pem Nagawan-nen kit kinndi arem aid wene yagaid na-ge kinndi teberak pem-nen wanogolat wolmer-o. Aid wene na-ge kit kinmiri yurak pem amawi mondok ndak-nen yusu-o.

YAKOBUS 3:14

Alat nde, kir-e kenlengen ale yogolat, kinsilepma yogolat, kondomok kenmanggim nak nggok tak pogolat yugwi ala-ge, kir-e kenambikpebe kek yogolat, ndemeret wene na imin kenesiget yili-ge meyog-o.

YAKOBUS 4:11

Nanggamirak wa-e. Kit na kit-net nobokpe kobokpe yurak pug-o. Ta-nen nde anggam obok posolat, anggam ebem wene mbarosolat yoso ala-ge, at iri-nen-e imiri mbarak pidnak wene na meya rak posolat, imiri mbarak pidnak wene iri na ebem wene mbaroso nap-nen yusu-o. Alat nde, kar-e imiri mbarak pidnak wene iri na ebem wene mbaroso ala-ge, kar-e imiri mbarak pidnak wene-nen yidnak yidnak kwaroso nab-e lag-o. Are, imiri mbarak pidnak wene iri na ebem wene mbaroso nap-nen yusu-o.

YAKOBUS 4:5

Mbal Pem Nagawan engga bem-nen wene misik yosolar-e: ”Mbal Pem Nagawan-nen nit nenarem pid indi iri-ge mondok ukwe ukwe nak yoso indi irit pamu-o” luk yid iri-ge we ereya-t yij-e lag-o.

YAKOBUS 5:9

Nanggamirak wa-e. Mbal Pem Nagawan-nen kit kenpem wene mbaruwa naru, kit na kit-net nobokpe kobokpe yurak pug-o. Yebet ker-o. Ap enpem wene mbaroso nab-e lobok eyekluk ijok tumende bem pil wagarik worasu-o.

1 PETERUS 2:16

Kir-e weserak woragwi nap nggal wolmer-o. Alat nde, wisirik woragwi iri na bem-nen kit meya yidnak lumururak pug-o. Are, Mbal Pem Nagawan ndegel ubugwi nap kenpage irit wolmer-o.

1 PETERUS 2:22

At iri-ge meya mbi kwaroso buk, at emnde nggwe-nen enesiget wene mbi wirik poso bug-o.

1 PETERUS 3:10

Mbal Pem Nagawan engga bem-nen yosolar-e: ”Ta-nen nde nalen min-et neyaruk woralat, konag-et worayeg-o peraidnak nap-nen-e meya wene min enesiget wene min yimin naru, emnde nggitlik puruk wolmag-o.

1 PETERUS 4:2

Iri bem-e, we yawo ya woragolar-e, ki nap-nen ukwe ukwe yugwi langgal luk mbururak pug-o. Are, Mbal Pem Nagawan indi-nen pidnak irit langgal luk mberer-o.

1 PETERUS 4:4

Nde, yawo-ge Mbal Pem Nagawan enaru buk nap-nen-e kir-e it-nen meya kwatli mende na inmin kwarugwi na kwarigit lak ala karuk, ir-e inndibok yili-o. Iri kwarugwi keya bigep pem-e met kinpili-o.

NAM PARA WENE 14:5

It iri enmende nggwe-nen-e enesiget wene mariget tet wirik pugwi bug-o. Nde, meya mariger-o luk tet it enpem-e mondok lag-o.