1 PETERUS 1:8 - Nanduk Ngget Tul Pidnak Wene

⁸ Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.

1 PETERUS 1:8 Iomraidhean Croise

MATIUS 10:37

Ta-nen nde eid ija enabuwa nggulok tak posolat, an nabuwa marik tak pusu nab-e an nap kwat momtag-e meya-o. Nde, ta-nen nde at ambara nde ara nde nak enabuwa nggulok tak posolat, an nabuwa marik tak pusu nab-e an nap kwat momtag-e meya-o.

YOANES 14:15

Yurug-e, ”Kit-nen nde an nabuwa kagolar-e, an-nen yidnak yidnak nak kwarogolat wolmer-o.

YOANES 14:21

An-nen yidnak yidnak nak wanuruk, irit kwaruwa nab-e, an nabuwa kaso nab-e irir-o. Nde, an Neid-nen-e an nabuwa kasu nap na abuwa kujwa-o. An-nen na at abuwa kasolat, an-net an mirik obosolat yimin-o” luk yij-o.

YOANES 14:24

Nde, an nabuwa kaso buk nap-nen-e an-nen yidnak yidnak kwaroso bug-o. Nde, wene yu yak kindigi yu-ge an-nen yidnak wene-ge lag-o. Are, an wirik nibil lobok yidnak nap Neid iri-nen yidnak wene-nen yusu-o.

YOANES 16:22

Iri nggal, kit yawo-ge kinndi puru pera yili-t nde, abok kendam wok yimin nggal-e, kenalin kenalen kwarat kamin-o. Nde, kenalen kagwi iri-ge ap misiger-o luk tet-nen kit kinndi arem-nen mengga wanurag-e meya-o.

YOANES 20:29

Yak tosoloma-ge, Yesus-nen at yak tosolar-e: ”Kat kerengen-nen an neyaruk, kat kindi angin tubu yigen-o. Nde, enlengen-nen an neyagit lag-et nde, an nebem inndi angin tubu yili nab-e enalen kujwa-o” luk yak tij-o.

YOANES 8:42

Yogolikma-ge, Yesus-nen it yak ondosolar-e: ”Kir-e ndemeret Mbal Pem Nagawan ilirak-nen yili nggal-e, kir-e an nabuwa kaleb-o. Nde, an-e Mbal Pem Nagawan eram-nen lobok yigirik, yawo yu me worasu-o. An-e an nindi-n pidnak pem lobok yigit lag-o. Are, Mbal Pem Nagawan-net wirik nibil lobok yij-o.

YIDNAK YIDNAK WENE 16:34

Iri lug-e, mberen nab-e at ama inmin mberarig-e, nunggwi mende mak indij-o. Nde, it inndi-ge Mbal Pem Nagawan ebem angin tubu yidnak me, at min at ama woragwi nap min-e enalin enalen kaiga-o.

OROMA 14:17

Nde, Mbal Pem Nagawan-nen tenagaidnak wi-ge nunggwi mende min yi min erep kundig-e lag-o. Are, Konak Indi-nen wok ondoso luk tak nak kwarugwi elem min yamuksa woragwi elem min enalin enalen kagwi min erep kundik-nen yusu-o.

OROMA 15:13

Ap inndi ebem mbung mbung tak wolmomtak elem-e Mbal Pem Nagawan-nen yusu-o. Kit kinndi-ge at ebem angin tubu yidnak me, at-nen-e enalin enalen kagwi elem min lambuksa woragwi elem min kobong tak kunpuwag-o. Iri ala, Konak Indi amawi bem-e kit kwara Mbal Pem Nagawan ebem kinndi mbung mbung tak worabokluk kobong tak kunpuwag-o.

1 KORINTUS 16:22

Nagawan Indo abuwa kaso buk nap perak nde, imbiri lamut mag-o! Maranata! yogolar-e: ”Nenagawan Indo wa-e. Lobok yi-o!”

2 KORINTUS 1:22

at arengge rak nonposolar-e, yenggerak purak mende nenpem posolat, abok-nen kwat nunpurak wene urul pidnak nggal Konak Indi-ge nit nenarem wolmakluk wok nondosolat yij-o.

2 KORINTUS 12:4

At iri na-ge o Pirandaus ibil lasola, iri me-nen kulidnggal-e, ki nap enmende nggwe-nen yugwi buk wene, wene yurak puk irit kulij-o.

2 KORINTUS 4:18

Nit nenlengen-nen kwara yik kagolar-e, enlengen-nen kagwi mende-ge kali bug-o. Are, kagwi buk mende irit yik kali-o. Enlengen-nen kagwi mende-ge luru wolmomtak-nen yusu-t nde, kagwi buk mende-ge woralik nalik momtak-nen yusu-o.

2 KORINTUS 5:7

Nde, nit yawo mbitli yu-ge, nenlengen-nen kagwi mende bem mbitli-ge lag-o. Ninndi angin tubu yidnak pem-net mbitli-o.

2 KORINTUS 9:15

Mbal Pem Nagawan-nen we wok ondoso mende wonarurak puk iri bem-e nir-e Mbal Pem Nagawan wa yak tuwog-o!

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

EPESUS 3:19

At-nen nenabuwa kaidnak iri-ge mondok nenaru momtag-e meya-t nde, Kerisut-nen ap enabuwa kaso elem na kenaru yugupndig-e, Mbal Pem Nagawan arem kobong tak woraso mende iri-ge kit kobong tak kunpuwakluk tepan yoso-o.

EPESUS 6:24

Nenagawan Indo Yesus Kerisut abuwa kagolar-e, mondok lak yoso buk abuwa iri na bem abuwa kali nap oboksa enpem-e Mbal Pem Nagawan-nen we wok ondoso elem-e it inmin wolmag-o.

PILIPI 1:25

Iri-ge mondok nindi yebet kagirik me, nurug-et woramin-o luk naru yusu-o. Kit kinndi angin tubu yidnak pem kwara woragolat, kenalen kwarat kabokluk, kit pidsa kinmin woramin-o.

PILIPI 3:3

Nir-e at Indi ebem Mbal Pem Nagawan erembel wanogolat, Kerisut Yesus ebem nunluk worali iri bem nenalen kagolat yili nap nit perak nde mondok ndemeret iniye ambasap wabidnak nap-net yili-o. We nenaboro mbaridnak iri na bem ninndi mbung mbung tak worali-ge lag-o.

PILIPI 4:4

Nagawan Indo ebem pempa pempa-t kenalin kenalen kagolat wolmer-o. Nde, tuguruk yak kendeyeg-o. Kenalin kenalen-et kagolat wolmer-o.

IBERANI 11:1

Inndi angin tubu yugwi-ge yu nggal-o: Inndi ebem mbung mbung tak woragwi na-ge ndemeret wanul-er-o luk peragwi irir-o. Nde, nit nenlengen-nen kagit lag-et nde, ndemeret kul-er-o luk peragwi irir-o.

IBERANI 11:27

Nde, Musa na indi angin tubu yidnak pem-net Pirayon isilepma at ebem posola-t nde, kwiye lag-et Mesira wi keya buruk mbirij-o. Enlengen-nen kagwi buk Mbal Pem Nagawan iri-ge at-nen-e kaidnak nggal kwarosolar-e, at indi-n pidnak sa irit mboroso komo nak yij-o.

1 PETERUS 1:6

Iri bem-e, kir-e kenalin kenalen wolmer-o. Kit luru ya woragola, inndi ngaroso mende nin tak nan tak kenpem mbosola, mondok kinndi puru pera min woragub-et nde, kenalin kenalen wolmer-o.

1 PETERUS 2:7

Kerep iri na bem kinndi angin tubu yili nap kit kenmanggim-e ebe worak mende-nen yusu-t nde, at ebem inndi angin tubu yili buk nap enmanggim-e engga wene ya-nen yidnak ndak ndak kwat yusu-o: ”O wurugwi nap-nen mbo biga kerep iri na-ge o unggut paro pidnak kerep irit agaij-o” lug-e,

1 PETERUS 5:4

Iri kwat yugup pem-e, Lomba Wam Winde Kek tak na lobok yosolar-e, abinal lak momtak puk wirik irit wanugub-o.