1 PETERUS 1:6 - Nanduk Ngget Tul Pidnak Wene

⁶ Iri bem-e, kir-e kenalin kenalen wolmer-o. Kit luru ya woragola, inndi ngaroso mende nin tak nan tak kenpem mbosola, mondok kinndi puru pera min woragub-et nde, kenalin kenalen wolmer-o.

1 PETERUS 1:6 Iomraidhean Croise

NDAWI ENGGA 34:19

Konak kwarugwi nap enpem mboso andi bandi elem-e kwarar-et nde, Nagawan Indo-nen andi bandi ereba na oboksa arem-nen inmiri yoso-o.

NDAWI ENGGA 69:20

Nggweyel nobogola, nindi abi kalok yosolat, nindi kabak yusu-o. An nubud kudtak kore yigi-t nde, an nubud kagit lag-o. An nindi yanggunurak kore yigi-t nde, nindi yek tak pigit lag-o.

NDAWI ENGGA 95:1

Nagawan Indo ebem ndawi wanuwog-o! Nenalen pem nit Ninmiri Yoso Nap erembel wanogolat ndawi yuwog-o!

YESAYA 61:10

Yosoloma, Yerusalem-nen yosolar-e: ”An-e Nagawan Indo ebem nalin nalen kasu-o. Mbal Pem Nagawan ebem an nindi-ge kijik kijak wurusu-o. Kwe min ap min wok kerak mburak pem inmirik unmuruk konak nak yitli iri na nggal Nagawan Indo-nen an yirik nobosolar-e, inmiri yoso sum min ombol nggwe yugwi sum min yirik nibij-o.

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

MATIUS 11:28

Kenpabok lak yugwi nap min angin worak mende pijanuruk nugwi nap min-e kit pidsa an neram lobok yer-o. An-nen-e kenpabok kwasa wok kindimin-o.

MATIUS 26:37

Yurug-e, Peterus min Sebendeus ilirak mberen na min inmin luk mbirij-o. Mberarig-e, at indi puru kwarat luk, yane worosolat-nen

MATIUS 5:12

Kit woragit lak ma-nen nanduk Mbal Pem Nagawan ene lomboksa yugwi nap na iri nggal-et lel mberel inpikma me, aid arem-nen kit wok kundurak onggo nggulok worasu me, kenalen pen-et woragolat, kijik kijak wolmer-o.”

LUKAS 1:47

Mbal Pem Nagawan iri-ge an Nimiri Yoso ala, an nindi alin alen yusu-o.

LUKAS 10:20

Irit nde, kugi-nen kit-nen yidnak yidnak kwaruwa iri bem nak kenalen kudtak pug-o. Are, ’Nit nunnu aid arem mbarak worasu-o’ luk-nen kenalen kagolat wolmer-o” luk yak indij-o.

LUKAS 2:10

Yogolikma-ge, aid nap iri-nen it yak ondosolar-e: ”Kwiye kali-ge meyog-o! Yi nap ndi nap oboksa enalen tak purak konak wene irit yak kindil lobok yigi-o.

YOANES 16:22

Iri nggal, kit yawo-ge kinndi puru pera yili-t nde, abok kendam wok yimin nggal-e, kenalin kenalen kwarat kamin-o. Nde, kenalen kagwi iri-ge ap misiger-o luk tet-nen kit kinndi arem-nen mengga wanurag-e meya-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

OROMA 12:12

Kenalin kenalen pem-et kinndi-ge at ebem mbung mbung tak wolmer-o. Anggun panggun kenpem mbosola-t nde, kinndi luruk puruk, tepan nak kundugu yogolat wolmer-o.

OROMA 5:11

Nde, ninmiri yurak iri nag-e lag-o. Are, Nenagawan Indo Yesus Kerisut ebem-nen Mbal Pem Nagawan ebem-e nenalin nenalen kali-o. Yesus ebem-net Mbal Pem Nagawan imin kundik ninpij-o.

OROMA 5:2

Nit ninndi angin tubu yidnak pem nir-e Mbal Pem Nagawan-nen idnak we wok ondoso elem pem worali-o. ”Mbal Pem Nagawan unu kek tak pogola, at ondok yul-o” luk iri kwarurak pem ninndi mbung mbung tak woragolar-e, nenalen kali-o.

OROMA 9:2

An nowe nowosi, an nelem nap iri enabuwa-nen an nindi puru pera kwarat luk, pempa pempa nindi puru rak worasu-o.

2 KORINTUS 4:17

Nde, yawo luru nenpem mbusu andi bandi mende te iri-nen-e woralik nalik momtak kek tak mende terak minik irit kwarak nunpusu-o.

2 KORINTUS 6:10

Ninndi puru pera yili-t nde, nir-e pempa nenalin nenalen yili-o. Ninsilobulo na lak nab-et nde, nir-e ap kwarat insilobulo worak tak inpili-o. Nit nenarengge lag-et nde, nir-e yi mende ndi mende oboksa winde-nen yili-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

PILIPI 2:26

At iri-ge kit oboksa kiniyudtak pem indingen kwarat kasu-o. Nde, at iri kugi wiridnak kuligep na bem at indi andi kwarat agaij-o.

PILIPI 3:3

Nir-e at Indi ebem Mbal Pem Nagawan erembel wanogolat, Kerisut Yesus ebem nunluk worali iri bem nenalen kagolat yili nap nit perak nde mondok ndemeret iniye ambasap wabidnak nap-net yili-o. We nenaboro mbaridnak iri na bem ninndi mbung mbung tak worali-ge lag-o.

PILIPI 4:4

Nagawan Indo ebem pempa pempa-t kenalin kenalen kagolat wolmer-o. Nde, tuguruk yak kendeyeg-o. Kenalin kenalen-et kagolat wolmer-o.

1 TESALONIKA 1:6

Kir-e nit min Nagawan Indo min-nen kwarugwi nggal kwat yigeb-o. Nde, kit kenpem angin worak mende kwarat mbij-et nde, aid wene iri wanogolar-e, Konak Indi-nen wok ondoso enalen iri na bem-net wanigeb-o.

YAKOBUS 1:2

Nowe nowosi wa-e. Kit kinndi ngarurak mende nin tak nan tak iri kenpem mbosola-ge, nir-e imbiringgat tak nunpusu-o luk yebet kudtag-o.

YAKOBUS 1:9

Nde, arengge lak teberak woraso nab-e Mbal Pem Nagawan-nen kek tak obosola-ge, alen min-et wolmag-o.

YAKOBUS 4:9

Kir-e niri nera-o luk, kinndi puru yogolat, yip ter-o. Nda tugwi na keya buruk, yip togolat, kenalin kenalen woragwi na keya buruk, kinndi puru yogolat mer-o.

1 PETERUS 3:17

Mbal Pem Nagawan indi-n pidnak pem kit-nen konak nak kwarogola-nen andi bandi kagup iri-ge ob-o. Nde, kit-nen meya yidnak pem andi bandi kudtak iri-ge meya-o.

1 PETERUS 4:7

Yi mende ndi mende pidsa lak momtak tarem panggo yusu-o. Iri bem-e, tepan yobok-nen kit kondomoktak kinndi tena woragolat, kwil kwalsa wolmer-o.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.

1 SEMUEL 2:1

Ana-nen tepan yosolar-e: ”Nagawan Indo-nen an nindi alen tak pij-o. Ndemeret Mbal Pem Nagawan-nen an yongga niridnak me, nalen min-et nuwim nap pesel unpusu-o.