1 PETERUS 1:5 - Nanduk Ngget Tul Pidnak Wene

⁵ Kir-e Mbal Pem Nagawan ebem kinndi angin tubu yidnak me, iri yidnak silobulo iri-ge pidsa kenmanggim worasu-o. Worok tak puwa tarem-nen kinmiri yidnak mondog-et nam tak puwa tarem kinmiri yidnak iri na wanobokluk, Mbal Pem Nagawan amawi bem-nen kontowarak worasu-o.

1 PETERUS 1:5 Iomraidhean Croise

AYUP 19:25

Aid arem-e an nambigit yurak nab-e worasur-o luk naru worasu-o. Abog-e an yongga nururak pem-e lobok yuwar-o.

NDAWI ENGGA 37:28

Nagawan Indo-nen-e konak mot mot kwarugwi iri-ge mondok indi kundik me, ap tugup lak at-nen yidnak yidnak kwarugwi iri-ge we kasa ereba-t liringsa keya onposo bug-o. Ar-e pem irit nggetlel unpuruk irit woraso-o. Alat nde, meya yugwi nap-nen wigarag-e mondok lak tak unpuwa-o.

YESAYA 45:17

Alat nde, Nagawan Indo-nen-e Isarael nab-e inmiri yuwa-o. Nde, at-nen inmiri yidnak iri-ge mondok pem inmiri mbarak irit wolma-o. Pem irit woragolat nagolat nggweyel na kinpigit lak, kinnggiri na wirigit lak irit woragub-o’ luk yak kunduwa-o” luk yij-o.

YESAYA 54:17

Alat nde, kat kuruwokluk tup san konuwa oboksa-ge ereba na bem-nen kat kururag-e meya ma-o. Kat kebem wene puwa ereba na-ge wene mbenarugwi sa-nen mbenarugundig-e, ebe lak wene nde kagun-o. An-nen-e ndegel nubugwi nab-e we irit ombol nggwe yugwi elem wok indimin-o” luk Nagawan Indo-nen yij-o.

YESAYA 66:22

Mbal min nggweyak min ngget ndak worak pidnak an namawi-nen kondok tak puruk wolma iri nggal-et, kit-nen wigarak min kit kunnu min-e pem irit wolma-o.

YEREMIA 23:4

An-nen-e it ndegel onpogolat wolmomtak nap lenak inpimin-o. Iri yumu, an nilirak-nen-e kwiye na lak, kwiye-nen lele yugwi na lak irit wolma-o. It ennggendumu-nen ap misiger-o luk tet mondok lak ma bug-o. Nagawan Indo an-net yusu-o” luk yij-o.

YOANES 12:48

An isili rak nuburuk, an-nen yidnak wene kulusu buk nab-e at ebem wene mbarurak nab-e worasu-o. I woronosolat tarem an-nen yidnak wene-net ap iri ebem wene mbaruwa-o.

YOANES 17:15

An-nen-e: ’Nggweyak ma yu me wolma naru, wok inpi-o’ luk kemengen mbarusu bug-et nde, ’Meya Yoso Nap-nen it meya rak unpuwa naru, kwara untum wiri-o’ luk kemengen mbarusu-o.

YOANES 4:14

an-nen kenangga mak timin yi nujwa nab-e pempa pempa yi nere kujwa bug-o. Nde, an-nen kenangga mak timin yi iri-ge at arem-nen unlug-et wolmomtak yi urusu kundik mborosolar-e, urug-et woralik nalik wolmomtak elem wok tuwa-o” luk yij-o.

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

OROMA 11:20

Iri-ge ndemeret nde, it iri na-ge inndi angin tubu yigit lak pem-nen mbarak inpij-o. Nde, kit kinndi angin tubu yigep pem-e, kundik tugup lak worali-t nde, iri bem kit kondomok kek yurak pug-o. Are, mondok kwiye min-et wolmer-o.

OROMA 8:18

Nde, an nindi-n perasolar-e, nit yawo andi bandi kali iri-ge marig-o. Nde, abok-nen mirik nunpuwa abinal iri min ndak ndag-e lag-o. Terak minik-net yusu-o.

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

2 KORINTUS 1:24

Nit-nen-e: ”Kinndi angin tubu yili iri na, yu nggal, iri nggal” yak kundul pug-o. Kit kinndi angin tubu yidnak pem-net mondok tugup lak worali-o. Are, kit kenalin kenalen worabok-nen yongga kindili-o.

NGGALATIA 2:20

An nuruk worasu yu-ge an-nen nuruk worasu-ge lag-o. Are, Kerisut perak nde an narem uruk worasu-o. Nde, yawo an nuruk worasu yu-ge, an nabuwa-nen at-net at ambikpebe iminep wesel koragaid nap, Mbal Pem Nagawan Ambara ebem nindi angin tubu yidnak pem-net nuruk worasu-o.

EPESUS 2:8

Nde, kinndi angin tubu yogola, Mbal Pem Nagawan-nen we wok ondoso elem pem-net kinmiri yid iri-ge kit-nen kwaridnak pem kinmiri yij-e lag-o. Are, Mbal Pem Nagawan-nen we wok kindidnak pem-ner-o.

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

PILIPI 1:6

Kit kenarem konak eyabu tel kwirid Mbal Pem Nagawan-nen-e eyabu iri na wok tenag-et worasoma, Kerisut Yesus lobok yuwa tarem-nen worok tak puwar-o luk an-e mondok naru worasu-o.

PILIPI 4:7

Iri kwarugup ala-ge, ki nap inndi nggat nggat iri-ge teberag-o. Nde, Mbal Pem Nagawan-nen idnak lambuksa woragwi elem terak minik iri-nen Kerisut Yesus ebem-nen kit kinndi min yebet kagwi min-e parugu wolma-o.

2 TIMOTIUS 3:15

Kar-e la marik pem-net Mbal Pem Nagawan engga karu woraigen iri-ge mondok yeberak wolmin-o. Mbal Pem Nagawan engga-nen-e Kerisut Yesus ebem kindi angin tubu yusola, kimiri yuwakluk kat kindi nggat nggat worak tak purag-e ndag-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

IBERANI 6:12

Nde, kir-e kenperari yurak iri-ge ninsili-o. Are, it inndi angin tubu luk, Mbal Pem Nagawan-nen urul pidnak na wanul-er-o luk mamak puruk towarak worali nap iri nggal woragup iri-ge nindingen-o.

IBERANI 9:28

Iri nggal-et Kerisut-e ap kwarat-nen meya yogolat woraidnak iri lak tak peyekluk, misiget pem nak at eyabi-ge Mbal Pem Nagawan amanggim pamu-o. Nde, ar-e mberen pem tak posolat abok nam marig-e, ap-nen meya yogolat woraidnak waneyekluk nam ma-ge lag-o. Are, at lobok yuwa-o luk yik karok woraidnak nap inmiri yurak pem nam ma-o.

1 PETERUS 1:13

Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.

1 PETERUS 4:13

Are, Kerisut andi bandi kagaid na nggal-et an-e at imin andi bandi kasu-o luk, kenalen ker-o. Iri kwarugup ala-ge, at kek tak woraso nam tak puwa tarem-e kit kenalin kenalen kwarat kagub-o.

1 PETERUS 5:1

An-nen na ogore yidnak nap-net yusu me, kit kennggendumu enne kulugwi ogore yidnak nab-e wene yu kwara kuluwag-o. Kerisut andi bandi kagaid iri-ge an nimbiri bem-et kagaij-o. Nde, Kerisut na kek tak woraso iri nam tak puwa tarem-e an totno kek tak nubuwa me, an-e kiri keresa yak kundusu-o:

2 PETERUS 1:3

Nir-e at ondomok unu kek tak woraso min at lud tak nak kwaroso min at imin winde yuwakluk wene mbo ninpid nap na nenaru yidnak pem nir-e Mbal Pem Nagawan indi konak-nen kwaroso na ndak kwaruwakluk, Mbal Pem Nagawan-nen idnak amawi-nen-e yi mende ndi mende pidsa wok nindid irir-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.

YURAS 1:1

Yesus Kerisut ndegel oboso nap, Yakobus owot Yuras an-nen-e Nineid Mbal Pem Nagawan ebem-nen kenabuwa worak nap, Yesus Kerisut amanggim ndegel konposolar-e, Mbal Pem Nagawan-nen wene mbo kinpid nap kit kenmanggim engga yu mbarusu-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,

1 SEMUEL 2:9

Nde, tugup lak woragwi nab-e Nagawan Indo arem yamuksa worali-o. Alat nde meya yugwi nab-e ndamuk arem yabera lak yili-o. Nggweyakma nap ondomok enmawi bem-nen-e ombol nggwe-ge yugwi bug-o.