1 PETERUS 1:12 - Nanduk Ngget Tul Pidnak Wene

¹² Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.

1 PETERUS 1:12 Iomraidhean Croise

NGGOMO WENE 1:23

An-nen nggomo korosolat met kobosola-ge, kwara kulurag-o. Kit-nen kologola-ge, an-nen-e an narem woraso wene nam tak posolat, an-nen naru yidnag-e mirik konposolat kwarimin-o.

YESAYA 32:15

Alat nde, tuguruk Mbal Pem Nagawan lobok yosolar-e, at amawi bem-nen kwarosolar-e, nembaga karu-t nde, amburu worak tak puruk, yabu rak puwa-o. Nde, yabu ereba-ge ebe-ge kwarat puwa-o.

YESAYA 53:1

Ap enlem iri na-nen onggo yogolar-e: ”Ta-nen nit-nen kulidnak ereba na bem indi angin tubu yamu-o? Tarak inmbiri bem Nagawan Indo amawi-ge nam tak pij-o?

NDANIEL 10:1

Nde, Perisia Nagawan Kores iri na Perisia iri me nagawan men yarik, olengen kenan pem tak posoma-ge, Nagawan Indo-nen wene misig-e Ndaniel, unu misig-e Mbelsasat, iri na nam-et yak tij-o. Wene yak tid iri-ge ndemerer-et nde, wene iri-ge yebet kudtag-e mondok nggesa nggal angin worag-o. Nde, wene iri na-ge ebe-ge iri nggal-o luk, Ndaniel yak tosolar-e, nabi nggal pem-nen yak tij-o.

NDANIEL 12:13

Ndaniel wa-e. Kar-e mondok tugup lak irit worasoma, woroksiyem wok mag-o. Kar-e wat yugun-et nde, woroksiyem-e onggo wanurak pem men-et yugun-o” luk yak nirij-o.

NDANIEL 12:9

Iri yosolukmu, at-nen onggo yak norosolar-e ”Ndaniel wa-e. Wene yeba-ge kura teberak nak irit worasoma iri-net i worok tak puwa tarem wok yurak me, kar-e yawo-t mbiri-o.

NDANIEL 2:19

Nde, iri na tarem-et kubu-ge Mbal Pem Nagawan-nen nabi nggal pem nabi iri na-ge para Ndaniel mirik ibij-o. Iri yosola-ge, Ndaniel-nen-e Mbal Pem Nagawan aid arem woraso iri na erembel wanosolat-nen yosolar-e:

NDANIEL 2:22

At nak-nen wene kura mondok arem-et nde, pugara nam tak posolat, kubu nggwe-nen kwaridnak na ar-e aru-nen yusu-o. At iri-ge yaya iri na abinal-nen muruk tak worasu-o.

NDANIEL 2:47

Iri luk, nagawan-nen yosolar-e: ”Ndaniel wa-e. Ndemeret kat Kembal Pem Nagawan iri-ge mbal pem nagawan erep ereba enggendumu-nen mondok nggok lombok-nen yusu-o. At iri-ge nagawan ereb-e teberag-et nde, ar-e mondok terak minik kek tak-net yusu-o. Kura wene oboksa kilara nam tak poso-nen yusu-o. Kar-e kura wene-t nde, ebe-ge iri nggal-o luk nam para yigen pem-e kat Kembal Pem Nagawan-e an-e mondok naru yusu-o” luk yij-o.

NDANIEL 8:13

Iri luk, an-nen kuliginggal, aid nap misik-nen aid nap misik yak tosolar-e: ”Nabi nggal pem kasu ereba kwat tenak worasolar-e, nunggwirik tarem nggal wolma-o? Nde, o nda yidnak irit wosa Mbal Pem Nagawan amanggim wosa kan pugwi iri na meya nggok kwarogolar-e, nunggwirik tarem nggal wolma-o? Nde, san ombo aid arem woragwi min Nagawan Indo erembel wanugwi o iri min-e nunggwirik tarem nggal lul lul wat tenak wolma-o?” luk yij-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

YOEL 2:28

”Iri kwatluk ombol nggwe-ge ap oboksa enpem nindi-ge nggilara mberak pil mbuwamin-o. Iri yosola, kin kinliap min kinligwami min-e an-nen enpem pidnak wene ap yak ondogolat, kit kennggendumu ap indi worak-nen-e nabi kagolat, sujwe-nen-e nabi nggal pem yik kagolat ma-o.

AMOS 3:7

Nagawan Indo Mondok Kek tak iri na-nen-e at-nen kwarurak piridnak iri na-ge at ndegel ubugwi ene lomboksa yugwi nap ereba kirimbi yak indigit lak-nen-e mondok kwaroso bug-o.

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 16:17

Yosoloma-ge, Yesus-nen wene erep nggarosolar-e: ”Yunus ambara Simon wa-e. Wene iri-ge nggweyak ma nap-nen yak kiriga-ge lag-o. An Neid aid arem woraso-nen yak kiridnak me, kar-e kalen kasu-o.

MARAKUS 16:15

Met unpuruk, Yesus-nen it yak ondosolar-e: ”Kir-e yi wi ndi wi ap pidsa aid wene yak indil mberer-o.

LUKAS 15:10

An yak kendeyeg-o. Iri nggal, meya yoso nap misik at meya yidnak keya buruk, kondok yosola-ge, Mbal Pem Nagawan-nen idnak aid nap-e kijik kijak kwarat witli-o” luk yij-o.

LUKAS 2:26

Nde, Konak Indi-nen at para yak tosolar-e: ”Nagawan Indo-nen urul pidnak Kerisut iri na kerengen kagit lak ma-ge wat yugun pug-o” luk yak tij-o.

LUKAS 9:6

Yak ondosoloma, at owosirak na mborogolar-e, o siri marik ereba na nggwe nogolar-e, aid wene yak indil nogolat ap ki rak onpogolat kwaril niga-o.

YOANES 15:26

Nde, an Neid eram-nen Yongga Kundurak Nap na ibil mbuwamin-o. At iri-ge Konak Indi ndemeret Mbal Pem Nagawan Mirik Konposo irir-o. Nde, at lobok yuwarig-e, at-nen an nowene kenggel kondosolat wolma-o.

YIDNAK YIDNAK WENE 10:44

Nde, Peterus na-ge wene iri na yosolat worasoma ereya na-net wene iri kologolat woraiga nap pidsa enpem-e Konak Indi mbuwagaij-o.

YIDNAK YIDNAK WENE 16:10

Nde, Paulus na-nen nabi nggal iri kasoloma ereya na-net Mbal Pem Nagawan-nen aid wene it yak unduwakluk yonggo ninpij-o luk ninndi yebet karug-e, nir-e ndaget nak Makeronia iri me mburuwokluk yige-o.

YIDNAK YIDNAK WENE 2:33

Iri bem-e, Yesus na Mbal Pem Nagawan inggi kigit nggwe-nen kek tak puruk, Eid-nen obok yak tidnak Konak Indi-ge at wok turuk, tak purug-e, at-nen nit nenpem nggilara pil mbuwasola-ge, kit-nen kagolat, kologolat kwatli yur-o.

YIDNAK YIDNAK WENE 4:31

Tepan yogolikma-ge, it ndok worak woraiga o na-ge yuk lenak mbosolar-e, Konak Indi-ge it enarem yebet yosolar-e, Mbal Pem Nagawan-nen yidnak wene-ge kwiye lag-et yogolat woraiga-o.

YIDNAK YIDNAK WENE 4:8

Yogolikma-ge, Konak Indi-ge Peterus arem kobongsa woralat-nen yosolar-e: ”Kit ap nagawan nagawan min ogore yidnak nap min wa-e.

YIDNAK YIDNAK WENE 8:25

It enlengen-nen kaidnak wene min Nagawan Indo-nen yidnak wene min kenggera yak undurug-e, unuwok lem Yerusalem mborogolar-e, Samaria nap unuwi siri kwarat na me-ge aid wene yak indil indil mbiriga-o.

OROMA 1:15

Iri bem-e, kit Oroma woragwi nap min-et aid wene yak kundurak nindi pigirik worasu-o.

OROMA 1:17

Aid wene na-nen-e Mbal Pem Nagawan-nen at ondomok imin ap mot tak onposo wene iri nam tak pij-o. Mot tak onposolar-e, it inndi angin tubu yidnak kuri-net woroksiyem-e inndi angin tubu yidnak pem nak wolma nab-e Mbal Pem Nagawan engga mbarak pem-nen yosolar-e: ”Inndi angin tubu yidnak pem Mbal Pem Nagawan-nen lud tak nak inpidnak nab-e unlug-et wolma-o” luk yid iri nggal-nen yusu-o.

OROMA 10:15

Nde, ap nde wirik inpigit lak ma-ge, nggesa-nen aid wene yak undurag-o? Mbal Pem Nagawan engga mbarak pem-nen yosolar-e: ”Aid wene waruk mbitli nap iri-ge mondok konak lombog-o” luk yij-o.

OROMA 15:19

kwaril nosolar-e, yenggerak purak mende amawi min kwiye worak mende amawi bem-nen na iri pidsa Konak Indi amawi bem-nen kwaril nigi-o. Iri nggal kwaril nosolar-e, o Yerusalem-nen Kerisut-nen idnak aid wene na-ge kwara timbiril timbiril Ilirikum kuri pigi-o.

1 KORINTUS 2:10

Alat nde, Mbal Pem Nagawan-nen-e kura bidnak wene na-ge Konak Indi bem-nen mirik ninpij-o. Nde, Konak Indi iri-ge yi mende ndi mende pidsa mbenaroso me, Mbal Pem Nagawan arem-nen yebet kaso mende na irit mbenarusu-o.

2 KORINTUS 1:22

at arengge rak nonposolar-e, yenggerak purak mende nenpem posolat, abok-nen kwat nunpurak wene urul pidnak nggal Konak Indi-ge nit nenarem wolmakluk wok nondosolat yij-o.

2 KORINTUS 6:6

Nit-nen kwarugwi-ge yu nggal-o: Ninndi mbek tak pem na, nenaru yidnak pem na, ninndi mamak puruk woragwi bem na, ninndi lubug-et kwarugwi bem na, Konak Indi nit nenarem worasu bem na, ndemeret ap enabuwa kagwi bem na,

NGGALATIA 1:12

Wene iri-ge ki nap-nen wok nirigit lag-o. Ap-nen mirik nubugwi na lag-o. Are, Yesus Kerisut at-net nam yaga mirik nibij-o.

NGGALATIA 1:16

Nde, an-e owene-ge enlem nin nap yak unduwakluk Mbal Pem Nagawan indi-n puruk, at Ambara-ge an narem-nen nam tak posola-ge, an-e ki nap inmin-e ”Ngge kwarimin-o?” luk wene mbarigit lak,

EPESUS 3:10

Kura woragaid iri-ge, yawo-nen-e lambuk tak inpidnak nap-nen-e Mbal Pem Nagawan indi nggat nggat elem nin tak nan tak iri-ge aid arem pemerinta min aid arem tena woragwi min mirik unpuwakluk yij-o.

1 TESALONIKA 2:9

Nennggamirak wa-e. Nir-e nondomok neneyabu wanogolat siri mbige iri-ge kir-e yebet yebet tak worali-o. Nir-e Mbal Pem Nagawan-nen idnak aid wene yak kondogolat woragolar-e, angin tak kunpul naru, lengge-nen kubu-nen neneyabu wanogolat woraige nar-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

IBERANI 11:13

Nde, it ap iri oboksa-ge inndi angin tubu yogolat-net wat yikma-o. Nde, Mbal Pem Nagawan-nen urul paga yak indidnak iri-ge ir-e wanigit lag-et nde, wanurak mende iri-ge erepma-nen yik karuk, iri-net yusu-o luk, enalen kagolat woraiga-o. Iri bem-nen it-nen nam-et yogolar-e: ”Nir-e nggweyak ma yu me worali yu-ge ap sal, luru lobok yidnak irit worali-o” luk yiga-o.

IBERANI 2:4

Iri kwarogola ereya na-net it-nen kinggiridnak wene lomboksa Mbal Pem Nagawan-nen na kenggera yak nondosolar-e, yenggerak purak mende kwatlik, kwiye worak mende kwatlik, kagwi buk mende kwarat kwatlik kwarosolar-e, at indi-n pidnak pem-net Konak Indi-nen we wok ondoso mende na tembesa wok ondoso-o.

IBERANI 4:2

Nde, konak wene iri-ge it-nen kuliga na nggal-et nit na kulige-o. Nde, wene iri kologolat woraiga-t nde, wene na bem inndi angin tubu yigit lak yigarik me, wene na-ge it enmanggim-e ebe lak mende nggal yij-o.

1 PETERUS 1:25

Nagawan Indo-nen yidnak wene-ge pem-et woralik nalik wolma-o” luk yij-o. Nde, wene iri-ge kit yak kindidnak aid wene-net yusu-o.

1 PETERUS 4:6

Iri yuwa bem-e, wat yidnak nap na irit aid wene yak indij-o. Ap pidsa enpem wene mbarugwi nggal, wat yidnak nap iri na-ge enpe unluk woragola, it enpem na wene mbarij-o. Nde, aid wene yak indid iri-ge, Mbal Pem Nagawan-e urug-et worasu nggal it inndi unluk wolmomtak pem yak indij-o.

NAM PARA WENE 5:11

Iri luk, an-nen tuguruk yik kaginggal-e, aid nap kwarat, mondok wonarurak puk nggal iri na enne anggu kuligi-o. It iri na-ge nagawan koreyak woraso ondoro na min untugup worak mende empat ereya na min enne kulugwi nap ereya na min lop lop indigarik, mendak woragolar-e,