ZAKHARIA 9:8 - Alkitab Singog In Mongondow Masa In Tanaa

⁸ Ḷukadan-Kubí in butá-Ku bo ḷonggaian-Kubí in tontara mita ango-angoi inta tumaḻib kon tua. Diá bidon ogoi-Ku in monondorot mononggata kon umat-Ku. Sin roriga monia in inontong-Kudon.”

ZAKHARIA 9:8 Iomraidhean Croise

SAMUEL 2 16:12

Degá bo umuranbí indoian mako i Tuhan in roriga tanaa bo momarakat kon inakó nobaḻí toḻiu in odi-odi tatua.”

DATU MITA 2 19:34

Kotá in Yerusalem in tuḷungan-Kubí bo ḷukadan-Ku sin moḷukad kon tangoi-Ku bo podoyon doman kon dodandian-Ku takin in mogogundoi-Ku ki Daud.’ ”

DATU MITA 2 24:1

Kon bonu in pinomarentaan in Datu Yoyakim, ki Nebukadnezar datu in Babel nonubu bo nopotungkud in Yohuda. Toḷu notaong in koonggotnea ki Yoyakin in sinumungkud kon i Nebukadnezar, táe noiduduimai kon tua nomarontak in sia.

MAZMUR 34:7

Intau nororiga in nokuani bo sinubagan i Tuhan, nopoḷuat kon inia nongkon bayongan in roriganea.

MAZMUR 72:4

Igumon mako ki Tuhan in moduḷu kon hak in intau inta dinorot, motuḷung kon intau mita nobogá bo moyompat kon intau mita inta nondorot kon i monia.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

IḶUAIAN 3:9

Amui in bangusa Israel dinongog-Kudon, bo inontong-Ku doman naonda in pinononggata in bangusa Mesir kon i monia.

AMSAL 3:25

Dika bidon in iko moondok kon bodito inta modaḻí moiangoi naonda bo deḷang, bo mondumpak kon intau moraat.

YESAYA 26:1

Kon dodai intua intau mopodondong in dondong tanaa kon butá in Yohuda “Totuu moroton in kotá naton; ki Allah tontaní in noposindog in benteng-Nea, kon naa mosaḷamat in kita.

YESAYA 31:5

Naonda bo ḷagapan tobatú mobuká kon koḻikipnea kon pugadnea sin moḷukad kon i adínea mita, natua doman in Akuoi, ki Tuhan Inta Totok in mokawasa in moḷukad, moduḷu bo moposaḷamat kon Yerusalem.”

YESAYA 4:5

Bo kon tudu in Buḷud in Sion bo bayongan in intau noyosipun kon tua ki Tuhan in momaḻí kon goḷom kon dodai in singgai, poyok bo sindar in bayag kon dodai in doḷom. Ki Allah tontaní pongin kawasa-Nea mogoḻiung bo moḷukad kon bayongan in kotá.

YESAYA 52:1

Pobangondon, ei Yerusalem, pobangondon! Korigon in ginamu! Paké in ḷambung kahoromatanmu! Ei Yerusalem, kotá inta motusi, intau nonajis in diá bidon tumuot mongin bonawangmu.

YESAYA 52:12

Moiko in diábí ḻimika-ḻikat in mayá, bo diábí ná intau inta moḷagui. Sin ki Tuhan in modiabí kon i monimu: ki Allah in Israel in mogoḻiungbí kon i monimu nongkon bayongan tampat.

YESAYA 54:14

Iko in pinosindog pinodoyon kon koadilan, pinoyayú nongkon inta mokoondok bo pinondorotan.

YESAYA 60:18

Diá bidon in habar soaḷ aid diá mopia kon butámu, soaḷ korimumudan bo kogoguyaatan kon wilayahmu. Naonda bo dinding Akuoi in mogoḻiung kon inimu, bo iko in modayowbí kon i-Nakó nobaḻí Mopoposaḷamatmu.

YEREMIA 31:12

Mosia in mamangoi in Tombuḷud in Sion takin pogot motamburiang, poḷat modondong takin pia in gina popisí in bayongan inta inogoi-Ku kon i monia, gandum, ḷana, anggur, sapi bo domba. Mosia in mobaḻídon naonda bo taman inta mobayong in tubignea, bo diábí kodaitan in onu bo onu.

YEREMIA 46:13

Kon dodai in ki Nebukadnezar datu in Babel namangoi nonubu kon Mesir, ki Tuhan in noguman kon inakó, kai-Nia,

YEREMIA 46:2

pinangkoi kon Mesir. Sia in noguman kon inakó soaḷ tontara i Nekho datu in Mesir, inta sinaḷow kon Karkemis kon diug in Ongkag in Eprat i Nebukadnezar datu in Babel kon taong noginggopat pinomarentaan i Yoyakim, datu in Yohuda. Naa in pinoguman i Tuhan soaḷ tua,

YEHEZKIEL 39:29

Akuoi in mopogonúbí in Roho-Ku kon bangusa in Israel, bo diá bidon monaḷámai bui kon i monia. Akuoi, ki Tuhan, Inta Totok in moḷantud ain nosingog.”

AMOS 9:15

Popoutun-Kubí in umat-Ku kon butá inta ain inogoi-Ku kon i monia. Mosia in diá bidon rabuton nongkon tua. Akuoi ki Tuhan Allah monia ain nosingog.”

ZAKHARIA 12:4

Kon singgai tatua bayongan in kabaḷo potoboḻinguon-Kubí bo tumotakoinea mita in pobundaion-Ku, intau in Yohuda in ḷukadan-Ku, táe bayongan in kabaḷo in musungnea in bilogan-Kubí.

ZAKHARIA 12:8

Kon singgai tatua Akuoi in mogoḻiung kon intau inta nogutun kon Yerusalem; bo inta totok in moyangkó kon sigad monia in mobaḻí ná koropot i Daud. Mosia in kapitonbí in buí i Daud naonda bo malaekat-Ku, nodapotbí in naonda bo Akuoi tontaní in nokapit.

ZAKHARIA 14:11

Intau mita in mogutundon moodom kon kotá tatua, takin diá bidon in gogondok koyopúan.

ZAKHARIA 9:7

Mosia in diá bidon mokaan bui kon ponoyá inta oyúonpa in dugú andeka kaanon ibanea inta pinoton. Bayongan intau inta kiagatneapa in mobaḻí umat-Ku bo inanggap kiagat in suku in Yohuda. Ekron in mobaḻídon umat-Ku, naonda bo intau in Yebus kon dungkuḷmai.

OUMAN IN RASUL MITA 7:34

Inontong-Kudon bo umuran-Kudon sinaridimai in roriga in umat-Ku kon Mesir. Dinongog-Kudon in amui monia, dá moponag in Akuoi bo mopoḷuat kon i monia. Tanaa, koḻigai! Potabá-Kudon bui in iko mayá in Mesir.’

WAHYU 20:9

Dá mosia irumangkap kon bayongan in dunia bodongka nongopung kon ḷoḷaigan in umat i Allah bo kon kotá inta kinotabi i Allah. Táe tuḷu in noponag nongkon ḷangit bo nomokak kon i monia.