ZAKHARIA 9:6 - Alkitab Singog In Mongondow Masa In Tanaa

⁶ Asdod in pogutunanbí in intau mita nongkon bangusa mita inta noyagi-yagimai. Ki Tuhan in noguman, “Intau in Pilistin inta moḷoḷatú in yompaton-Kubí.

ZAKHARIA 9:6 Iomraidhean Croise

MOHOHUTUBA 6:2

Moiḷanuimai ogoian i Allah in kaoyúonan, kahoromatan bo kapunyaan kon intau tobatú, modapot in diádon in koibognea. Táe diá inogoian i Allah in wakutu in sia mopomaké in bayongan inta inogoi tatua. Tompobuinea, intau inta diá kinotaauan-Nea mopomaké in kaoyúonan tatua. Dá tua komintan diá in mangaḻenea bo mokonakit kon gina.

YESAYA 23:9

Ki Tuhan Inta Totok in mokawasa, Siabí inta ain nonantú tatua. Sia in nonantú kon momaḷutdon kon kaḷakuang in intaunea kon bayongan inta bungai in oaidan inta ain nouḻí monia, bo mopoompá kon intau mita inta ihoromat kon dunia.

YESAYA 28:1

Moboditodon in kotá inta kino ibo-ibog in intau mita moḷoḷoḷangu in Israel! Kogaganea in mopopatdon naonda bo bungang inta noḷaḷow kon tudu in uḷu monia. Moboditodon in kotá inta noḷantud monik kon yuak in ḷopá inta noḷumbá, inta kinosanang in intau mita inta nongoḷoḷangudon totok.

YEREMIA 47:1

Kon dodai in datu in Mesir diápa nonubu kon Gaza, ki Tuhan in nogumandon kon inakó soaḷ butá in Pilistin.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

AMOS 1:8

Intau mita bo mongongawasa in kotá in Asdod bo Askelon in inggamáan-Kubí. Kotá in Ekron in hukumon-Kubí bo bayongan in ki agat in intau in Pilistin in yompaton-Kubí komintan.”

ZEPANYA 2:10

Natuata in intau in Moab bo Amon hukumon popisí in koḷoḷatú bo kododia monia, bo popisí in mosia ain noningkuḻe kon umat i Tuhan Inta Totok in mokawasa.

ZEPANYA 2:4

Kon kotá in Gaza diá in tobatúmai in intau in posaḷamaton. Askelon in moingongowdon diádon in mogogutunnea. Intau in Asdod in poguntunon kon wakutu in daḻíon tubuon kon dodai in moutu in singgai bo intau in Ekron in potabá mayá nongkon kotá monia.

ZAKHARIA 9:5

Kotá in Askelon bo Gaza in mokoontongbí kon inia bo angoian in ondok. Ekron in mokoontongbí doman bo kobuḻian in bayongan in kamangnea. Gaza in kobuḻian in datunea, bo Askelon in mobaḻí moingongow diá in mogogutun.

ZAKHARIA 9:7

Mosia in diá bidon mokaan bui kon ponoyá inta oyúonpa in dugú andeka kaanon ibanea inta pinoton. Bayongan intau inta kiagatneapa in mobaḻí umat-Ku bo inanggap kiagat in suku in Yohuda. Ekron in mobaḻídon umat-Ku, naonda bo intau in Yebus kon dungkuḷmai.

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”