ZAKHARIA 9:3 - Alkitab Singog In Mongondow Masa In Tanaa

³ Tirus in noposindogdon in dinding mita pogoḻingoi kon inia bo nomontuyung kon buḷawan bo saḷaka kino bayong totok dá naondadon bo pakakat biasa ná bungaion bo yoná kon daḷan.

ZAKHARIA 9:3 Iomraidhean Croise

SAMUEL 2 24:7

Nongkon tua in mosia minayá ná toḷatan kon Tirus kotá inta oyúon in tampat poḷoḷukadan tua. Noiduduimai kon tua mosia minayá in bayongan kotá in intau in Hewi bo intau in Kanaan, bo imbuitnea in kon Bersyeba, kon dotá in toḷatan in Yohuda.

DATU MITA IMITÁNEA 10:21

Komintan pakakat pongonginuman i Salomo in pinomia nongkon buḷawan, bo bayongan in pakakat kon Baḷoi Kayuon in Libanon in pinomiabí doman nongkon buḷawan taakan. Diábí in pinomia nongkon saḷaka, sin kon tungkuḷ i Salomo saḷaka tua in anggaponbí in intau diá in mangaḻenea.

DATU MITA IMITÁNEA 10:27

Kon bonu in pinomarentaan i Salomo, saḷaka in nobaḻíbí pakakat inta biasamai tongádon naonda bo batu, bo kayu ḷokuyú in mobarong doman totok naonda bo kayu ara biasa.

AYUB 22:24

Ḷumbúdon in buḷawanmu inta totok in nopira; pogambatdon kon gantog in ongkag inta diádon in tubig.

AYUB 27:16

Aka sia in nosipun kon saḷakanea mobayong bo ḷambungnea in moguntu-guntuḷ,

AYUB 3:15

Akuoi in noḷoḷot naonda bo ki adí ḷoḷaki in datu, inta nosipun kon saḷaka taakan kon bonu in baḷoinea.

YESAYA 23:11

Ki Tuhan ain nopoyopa in ḻima-Nea kon ḻimonikan in dagat bo mopoḷabúdon kon dodatuan mita. Sia in nomarenta sinbá poḷoḷukadan mita kon Penisia in yompatondon.

YESAYA 23:8

Deemanbí mododagangnea mita degá inta intau mita moḷoben inta totok in ihoromat kon dunia? Ki ine in nonantú kon mopoḷabú kon Tirus, kotá inta totok in mokawasa tanaa?

YEHEZKIEL 26:12

Musungmu mita tatua in mogagowbí kon bayongan in kaoyúonan bo daganganmu. Mosia in morumbunbí kon dindingmu mita bo mogumpag kon baḷoimu mita inta mogaga totok. Gamáanbí monia in batunea mita, dopí mita bo butánea, bodongka pogambat kon bonu in dagat.

YEHEZKIEL 27:27

Bayongan in pakakat dagangan inta dinatogmu, komintan in ḷumoḷeag takin intaumu mita, bayongan in mogogimok bo mopopotaḷuimu, pomuḷoi in tontara kon kapaḷ tatua, mosia in komintan nobuḻi noḷomot kon tungkuḷ in noitaḷom in iko.

YEHEZKIEL 27:33

Kon tungkuḷ in baḷangon iḷoḷananmu takin nopuḻing in datog, dinatoganmu in inta pakéon in bangusa mita, nodapot in datu mita binaḻímu nooyúon.

YEHEZKIEL 27:34

Tanaa noitaḷomdon in iko, norimumud kon apad in dagat. Bayongan in intaumu bo bayongan in datog nobuḻi noyotakinmu kon yuak in dagat.’

YEHEZKIEL 28:1

Ki Tuhan in noguman kon inakó,

AMOS 1:9

Ki Tuhan in noguman, “Intau in Tirus ain nopobui-buimai in binaradosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú komintan pinobayá in pinoḷumbúan, bo nobogoi kon Edom; mosia in iḻimimpatdon kon dodandian yoyobayatan.

YOSUA 19:29

Nongkon tua botok in sigad tatua nomurow ná Rama nomoḷat nodapot kon kotá in Tirus, tobatú kotá inta oyúon in benteng; onda intua botok sigad tatua nomurow bui ná Hosa bo nopaḷuput kon Dagat Toyuak. Kon sigad mita tatua noibonu in Mahalab, Akhzib,