ZAKHARIA 9:14 - Alkitab Singog In Mongondow Masa In Tanaa

¹⁴ Ki Tuhan in mokipogontongbí kon umat-Nea, naonda bo kilat in piot-Nea mita pinoḷutam-Nea. Ki Tuhan Inta Totok in moḷantud in mogirupbí kon torompet tomponuot monubu bo mayá kon bonu in deḷang nongkon toḷatan.

ZAKHARIA 9:14 Iomraidhean Croise

AYUB 37:9

Nongkon toḷatan ḷumuai in tompot moropot bo nongkon utuan mamangoi in tumping.

MAZMUR 18:14

Bo ki Tuhan in nonggotup nongkon toḷungayá; Ki Inta Totok in Moḷantud nopodongog in singog-Nea.

MAZMUR 18:15

Sia in nopopiot in piot-Nea mita bo noporarit in musung; Sia in nopotampí in kilat nopobui-buimai, bo nodapot in mosia noḷagui.

YESAYA 18:3

Ei, moiko komintan inta nogutun kon dunia! Tondudut aka bandera mita pinopoponikdon kon tudu in buḷud mita! Indongogaidon aka torompet inirupdon!

YESAYA 21:1

Naa in koyow kon Babel: Ná uḷu in tompot motoninsing moitaḻib kon padang gurun, natuata in koangoi in bodito nongkon butá inta motoyang.

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

YESAYA 30:30

Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang.

YESAYA 31:5

Naonda bo ḷagapan tobatú mobuká kon koḻikipnea kon pugadnea sin moḷukad kon i adínea mita, natua doman in Akuoi, ki Tuhan Inta Totok in mokawasa in moḷukad, moduḷu bo moposaḷamat kon Yerusalem.”

YESAYA 66:15

Totuu, ki Tuhan in mamangoibí takin tuḷú; Sia in tumakoibí kon kereta-Nea ná deḷang, sin mopobayá in torú-Nea, bo mongguak moropot.

HABAKUK 3:11

Sindar in piotnea mita moḻikat totok, ginubat-Mu mopouḻi-uḻinag, dá nogogaidon in mata in singgai bo buḷan kon tampatnea.

HABAKUK 3:14

Piot-Mu mita noiḷambai kon itoi in tontara in musung kon tungkuḷ in tontaranea namangoi ná koropot in deḷang, sinbá kami in porariton. Mosia in kinumosing takin ḷunganga in gina naonda bo intau inta umado-adop mondorot kon intau inta bogá.

ZAKHARIA 12:8

Kon singgai tatua Akuoi in mogoḻiung kon intau inta nogutun kon Yerusalem; bo inta totok in moyangkó kon sigad monia in mobaḻí ná koropot i Daud. Mosia in kapitonbí in buí i Daud naonda bo malaekat-Ku, nodapotbí in naonda bo Akuoi tontaní in nokapit.

ZAKHARIA 14:3

Bo ki Tuhan in mayá bo moparang monayow kon bangusa mita tatua, ná inta pinomia-Nea dungkuḷmai.

ZAKHARIA 2:5

Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

MATIUS 24:31

Bo Sia in mopotabá kon malaekat-Nea mita ḷumuai, bo mogirup kon bansí inta mopia totok in singognea sin mosia mosipun kon intau mita inta aindon piniḻí-Nea nongkon popod mita in dunia, bo nongkon popod in ḷangit tobotak modapot popod in ḷangit tobotak doman.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

SURAT I PAULUS KON JAMAAT RUM 15:19

inta mokoherang totok kon intau bo diá in poporupaan. Tua mita in nobaḻí sin kawasa in Roho i Allah. Habar Mopia soaḷ ki Kristus aindon pinohabarku komintan kon intau mita, pinangkoipamai kon Yerusalem nodapot in Ilirikum.

IBRANI 2:4

Koḻikud intua, iniropotan doman i Allah in bayongan inta ain inouman in intau mita tatua takin nopoontong in noyagi-yagimai aid inta mokoherang totok kon intau bo soaḷ mita inta diá in poḻiuan bo poḷat nosila-silai mako kon onu inta pinonotabi in Roho i Allah podudui in ibog-Nea tontaní.

YOSUA 10:42

Tongá komintan noparang, ki Yosua nokotaḷowdon kon bayongan in datu tatua bo nogagow kon bayongan butá inta kon bonu in kawasa monia, sin ki Tuhan, Allah Israel, noparang noyotakin in Israel.

WAHYU 6:2

Dá akuoi in nokoontong kon tobatú kabaḷo nobudó. Intau inta sinumakoi kon kabaḷo tatua in nokadai kon piot, bo sia inogoian doman in tobatú mahkota. Sia minayá in muna saḷaku inta nountung inta minayá notayak kon bá mountung.