ZAKHARIA 9:12 - Alkitab Singog In Mongondow Masa In Tanaa

¹² Pobuidon ei intau mita iḷumbú, tanaa in oyúondon in kamang monimu. Pobuidon kon pononiunganmu Akuoi in umuranbí momarakat kon i monimu. Indongogaika: Kodua noguntuḷ in kobayongnea ogoi-Ku in barakat popisí in bayongan roriga inta ain kinorasaan monimu.

ZAKHARIA 9:12 Iomraidhean Croise

AYUB 42:10

Onda intua, naonda in sinambayangan i Ayub in yobayatnea taya toḷu, binaḻí i Tuhan in sia nooyúondon totok bo nobogoi bui kon inia kodua in bayongnea nongkon bayongan in kapunyaannea inta dungkuḷ.

YESAYA 24:22

Mosia in sipunonbí moyotakin naonda bo intau mita in ponjara kon bonu in bubú, bo pobonu kon ponjara modapot in moiangoi in wakutunea hukumon.

YESAYA 38:18

Kon bonu in popatoi diábí in modayow kon ini-Mu, intau minatoi in diábí umandoḷ mako kon kososatia-Mu.

YESAYA 40:2

Poonowdon in gina in intau in Yerusalem, pogumandon kon pononggataan kon i monia in nopaḷutdon. Taḷá monia in inampungan-Kudon, dosa mita monia in ihukum-Kudon kodua noguntuḷ.”

YESAYA 49:9

Intau inta pinonjara pinoki poḷuaian-Ku; inta kon tampat mosindip diaan-Ku mayá in mobayag. Nodapot in inta kon tombuḷud inta noḷogat mosia in diábí kodaitan, kon kinoouput in daḷan oyúonbí in kaanon.

YESAYA 52:2

Sindogdon nongkon ḷobud, ei Yerusalem, ponopirdon in ḷobud inta noikompit kon inimu. Ḷuatdon in rante inta pinotokig kon sigogowmu, ei intau in Sion inta dinakop!

YESAYA 61:7

Popisí in moiko ain pinokopo oyámai totok, bo tamak takin inta nohina ain nobaḻí silaimu, dá moiko in mokouḻí kon warisan kodua in kobayongnea kon butámu bo mokouḻí kon ḷunganga in gina mononoi.

YEREMIA 14:8

Tongábi Iko tontaní in nobaḻí kamang Israel, inta noposaḷamat kon inami nongkon anib. Táe nongonu sin Iko in naondabí bo intau ango-angoi kon butá nami, naonda bo mobobayá inta tongá nongandup togobii bo minayá bui?

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

YEREMIA 17:13

Tuhan, Ikobí in inandoḷan in Israel, umat-Mu; Bayongan inta nonaḷámai kon ini-Mu in mooyábí. Mosia in moinggamábí nongkon dunia naa bo mayá in dunia in intau minatoi. Sin, Iko in bokaká in tubig kobiagan in sinaḷáandon monia, o Tuhan.

YEREMIA 31:17

Oyúon in kamang kon inimu in kobiagan moiduduimai; ki adímu mita in mobuibí kon ḻipú tontaní.

YEREMIA 31:6

Totuu, moiangoibí in wakutunea in moḷoḷukad mita kon kotá in momaḷú kon buḷud in Epraim, ‘Koḻigai in kita motakod kon Sion, kon i Tuhan Allah naton.’ ”

YEREMIA 50:28

Intau mita inta noḷagui minayá in Yerusalem nongkon Babel nongonguman kon naonda in ki Tuhan Allah naton notuḻí kon pinogogaid in intau in Babel kon Baḷoi Tuhan.)

YEREMIA 51:10

Umat i Tuhan in noguman, “Pinoontongdon i Tuhan kon kita in kon dotábí in inta nobanar. Igai mayá in kita in Yerusalem bo oumanon kon tua in onu inta ain inaidan i Tuhan Allah naton.”

YEHEZKIEL 37:11

Ki Allah in noguman kon inakó, “Ei intau ilo-ilow, tuḷan mita tanaa in nobaḻí tomponuot kon bangusa in Israel. Mosia in mogamui kon mosia in noingkag, diá kokamang bo diá in kobiagan mopia kon singgai moiduduimai.

HOSEA 2:15

Gobá mita in anggurnea in pobuion-Kubí bui kon inia, bo Ḷopá in Roriga in baḻíon-Ku ngara pongamangan. Kon tua sia in motomu kon i-Nakó ná kon tungkuḷ in sia noguodpa, kon tungkuḷ in sia bagu iḻumuai nongkon Mesir.

YOËL 3:16

Ki Tuhan in nopodongog in singog-Nea noḷangon nongkon Sion, buḷud-Nea; nongkon Yerusalem modoradádon in singog-Nea. Ḷangit bo butá moḻiai popisí-Nea. Táe ki Tuhan in umuranbí moduḷu bo moḷukad kon Israel, umat-Nea.

MIKHA 4:8

Bo iko Yerusalem, tampat pinoḷukadan i Allah kon umat-Nea naonda bo gombala noḷukad kon paanan in dombanea, iko in buibí mobaḻí ki iná in kotá in dodatuanmu ná dungkuḷmai.

NAHUM 1:7

Ki Tuhan tua in mopia, Sia in moḷukad kon umat-Nea kon tungkuḷ in mosia mosusa, Sia in moḷukad kon intau inta mamangoi kon i-Nia.

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.

IBRANI 6:19

Onu i harap mako naton tua in naonda bo jangkar inta noikanom mako kon tampat inta modaḷom totok bo nobaḻí kokadaian inta moropot totok bo mokoaman kon kobiagan naton. Onu inta iharap mako tua ain noidapot in yuang inta totok in motusi kon Baḷoi Tuhan kon soroga.