ZAKHARIA 9:1 - Alkitab Singog In Mongondow Masa In Tanaa

¹ Naa in koyow i Tuhan. Sia in nonantúdon kon mohukum kon negara in Hadrakh bo kotá in Damsyik. Deemanbí tongá suku mita in Israel, táe ibukotá in Siria in ki Tuhan kitogi.

ZAKHARIA 9:1 Iomraidhean Croise

KINOBAḺIAN 14:15

Kon tua ki Abram nopoyosilai in intaunea mita kinolo-kolompó, bo dongka nonubu kon musung kon dodai in doḷom bo nonaḷow kon i monia. Sia in nogaḷow kon i monia nodapot kon Hoba kon dotá in utuan kotá in Damsyik.

TAWARIKH 2 20:12

Ikobí in ki Allah nami! Hukumdon in mosia, sin kami in diádon mokopongonu in monayow kon tontara inta mobayong tatua, inta monubu kon inami. Diábí kotaauan nami mongo onupa in pomiaan nami, tuamai in mamangoi in kami kon ini-Mu mokituḷung.”

MAZMUR 145:15

Bayongan inta nobiag in mongamangbí mako kon ini-Mu; Inogoian-Mu in mosia in kaanon kon wakutunea.

MAZMUR 25:15

Mataku in umuranbí moindoi kon i Tuhan, sin Sia in noposaḷamat kon inakó nongkon anib.

YESAYA 13:1

Naa in koyow i Allah, inta sinarima i Yesaya adí i Amos soaḷ Babel:

YESAYA 52:10

Ki Tuhan in nopoontong in kawasa-Nea kon tayowon in mata in bayongan intau. Dá bayongan butá in mokoontongdon kon kasaḷamatan nongkon i Allah naton.

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

YEREMIA 32:19

Tomayá-Mu mita in motoyang, bo aid-Mu mita in mokoherang; Iko in nokoontong kon bayongan inta inaidan in intau, bo motuḻí kon i monia podudui in aid monia.

AMOS 1:9

Ki Tuhan in noguman, “Intau in Tirus ain nopobui-buimai in binaradosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú komintan pinobayá in pinoḷumbúan, bo nobogoi kon Edom; mosia in iḻimimpatdon kon dodandian yoyobayatan.

AMOS 3:12

Naonda bo gombala tobatú inta tongádon nokouḻí bui kon doyowa nosimpaḷ in sioḷ andeka bongoḷan tobatú in dombanea inta ain dinomok in singa, natua doman tongábí topiḻik in kotaḷáan in intau in Samaria inta tanaa pia-pia mako in mosiug kon tosiugannea inta mopia.”

NAHUM 1:1

Naa in koyow i Allah soaḷ Niniwe. Koyow tatua in pinoniata pinongin oontongon inta inogoi kon i Nahum, tobatú nabi inta nongkon Elkos.

ZAKHARIA 5:4

Ki Tuhan Inta Totok in mokawasa in noguman kon kutukan tatua in popouma kon batúan in baḷoi in mononakow bo baḷoi in intau inta nongibot kon diá totuu. Baḷoi mita tatua in tantú kotugatan in kutukan tatua modapot in mobaḻídon apug mita.”

MALEAKHI 1:1

Naa in koyow i Tuhan kon i Maleakhi kon umat in Israel.