ZAKHARIA 8:9 - Alkitab Singog In Mongondow Masa In Tanaa

⁹ Ki Tuhan in noguman kon umat-Nea, “Koropot in ginamu! Tanaa moiko in nokodongogdon kon tosingogon mita inta ain doman siningog in nabi kon dodai in dodatoḷan inukat, sin moposindog bui in Baḷoi-Ku.

ZAKHARIA 8:9 Iomraidhean Croise

TAWARIKH 1 22:13

Aka iko dumudui kon bayongan in hukum inta inogoi Tuhan kon i Musa kon bangusa in Israel, yo iko in mokodapotbí kon onu inta nobaḻí niat. Iko in mustibí moyakin bo mobarani. Dika moondok in moyogintayow in onukabí.

TAWARIKH 1 28:20

Onda intua ki Datu Daud noguman bui kon i Salomo adínea ḷoḷaki. “Iko in musti mokopoyakin bo mokopobarani. Pangkoidon in oaidan tatua bo dika moondok kon onuka. Ki Tuhan Allah inta sinumbaku in motuḷungbí kon inimu. Diábí in Sia monaḷámai kon inimu. Umuran-Neabí takinan in iko modapot in moḷapatdon komintan in oaidan tatua.

TAWARIKH 2 15:7

Táe moiko in mustibí mokoporoton kon gina bo mokopobarani. Onu in totayakmu in kodapotanmubí.”

EZRA 6:14

Binantungan i Nabi Hagai bo i Zakharia, itoi mita in Yahudi nongingguput kon pinogaidan kon Baḷoi Tuhan tatua. Mosia in ḷagi noginḷapat kon Baḷoi tatua podudui in parenta i Allah Israel bo i Kores, i Darius bo i Artahsasta, datu mita in Persia tatua.

YESAYA 35:3

Koropot in ḻima inta moyangkó, koroton in duḷud inta mourot.

YESAYA 35:4

Poguman kon i monia inta mointok in gina, “Korigon in ginamu, dika moondok, ki Allahmu in mamangoi mohukum kon musung, Sia in mamangoi sin moposaḷamat kon i monimu.”

HAGAI 1:1

Kon taong induanea kon pinomarentaan i Datu Darius kon Persia, kon singgai imitánea kon buḷan noginggonom, ki Tuhan in nosingog pinongin i Nabi Hagai. Koyow i Tuhan tatua inogoi kon i Zerubabel ki adí i Sealtiel, gubernur in Yohuda, bo kon i Imang moḷoben Ki Yosua ki adí i Yozadak.

HAGAI 1:12

Onda intua ki Zerubabel bo ki Yosua takin bayongan umat in Israel inta ain nobui kon pinoḷumbúan kon Babel, in dinumudui kon tosingogon mita i Hagai, totabá i Tuhan tua. Mosia in nogaid kon onu inta pinarenta i Tuhan kon i monia, popisí in moondok kon i Tuhan.

HAGAI 2:18

Kon singgai tanaa, singgai indoyowa nopuḷú bo opat buḷan in siownea, dodatoḷan in Baḷoi-Ku noḷapatdon pinoḻitú! Taridiai onu in mobaḻí pangkoion kon tanaa mako.

HAGAI 2:21

sin potaau kon i Gubernur Zerubabel. Guman i Tuhan, “Diádon moonggot ḷangit bo butá in guguron-Ku,

ZAKHARIA 8:13

Ei intau in Yohuda bo Israel! Kon tungkuḷ intua, aka intau ango-angoi mosikutukandon, yo mosia in moguman, ‘Igumon mako bodito inta noiuma kon Yohuda bo israel in moiuma doman kon inimu!’ Táe Akuoi in moposaḷamatbí kon i monimu, dá intau mita ango-angoi tatua in mosigumanan, ‘Igumon mako barakat inta moiponag kon Yohuda bo Israel, moiponag doman kon inimu!’ Tuamai in koropotdon in ginamu bo dika moondok!”

ZAKHARIA 8:18

Ki Tuhan Inta Totok in mokawasa nobogoi in koyow tanaa kon inakó ogoi kon umat-Nea,

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

TIMOTIUS 2 2:1

Uḻe Timotius adíku! Totabi inta inogoi kon i naton sin notobatúdon i Kristus in kita, baḻí intua dodoyonan inta mokoroton kon inimu.

YOSUA 1:6

Pokoyakin bo pokobarani in iko, sin ikobí in modia kon bangusa tanaa kon tungkuḷ in mosia ḻimitú kon butá inta pinodandi-Ku kon mogoguyang monia.

YOSUA 1:8

Buk in hukum tatua in mustibí umuran bacaanmu kon tayowon in umat-Ku. Balajar in buk tatua singgai bo doḷom, sinbá oaidmu umuran moitombutung kon onu inta pinais kon buk tatua. Aka aidanmu in bayongan tua, kobobiagmu in motompia totok bo bayongan onu inta aidanmu in kodapotanbí.