ZAKHARIA 8:5 - Alkitab Singog In Mongondow Masa In Tanaa

⁵ Daḷan mita kon kotá in mopuḻingbí in mongoadí mita inta moyambámai.

ZAKHARIA 8:5 Iomraidhean Croise

YEREMIA 31:12

Mosia in mamangoi in Tombuḷud in Sion takin pogot motamburiang, poḷat modondong takin pia in gina popisí in bayongan inta inogoi-Ku kon i monia, gandum, ḷana, anggur, sapi bo domba. Mosia in mobaḻídon naonda bo taman inta mobayong in tubignea, bo diábí kodaitan in onu bo onu.

YEREMIA 31:13

Kon dodai intua mongodeaga mita in motayok takin kinoibog in gina. Guyanga bo tayow mobiag tumpaḷa moḷunganga in gina, sin Akuoi in moḻipoibí kon i monia. Kuyang in gina monia baḷuian-Ku in pia in gina, robonoḷ in gina baḷuaian-Ku in ḷunganga in gina.

YEREMIA 31:27

Akuoi, ki Tuhan, in noguman kon moiangoibí in wakutunea butá in Israel bo Yohuda puḻingan-Ku in intau bo bobiagon.

YEREMIA 33:11

Táe kon tampat mita tatua in kodongoganbí bui in singog ḷunganga bo pia in gina takin dowawá in ponikaan. Kodongoganbí doman in dondong in intau mita inta nodia kon kuruban sukur kon Baḷoi-Ku. Mosia in mogumanbí, ‘Posukurdon kon i Tuhan Inta Totok in mokawasa, sin mopia in Sia bo tabi-Nea in mononoi.’ Butá tanaa in baḻíon-Kubí mobiag motompia ná dungkuḷ. Akuoi, ki Tuhan, ain noguman.”

OMBAḶ 2:19

Pobui-buidon pobangon in tonggobii tua sin momaḷú moguman kon onu in kon bonu in dodobmu kon i Tuhan. Poigumdon sinbá angoian in tabi in Sia kon i adímu mita inta gogoyon bo inta sinogopuḷong kon bayongan in pobeukan in daḷan.

ZAKHARIA 2:4

Malaekat inta muna in noguman kon malaekat inta nogindua, “Ḷagidon bayá kon tayowmobiag tatua, bo pogumandon kon inia kon Yerusalem in mopuḻingdon totok in intau bo bobiagon dá diádon motaau bui dindingon ḻibu-ḻibu.

ZAKHARIA 2:8

Ki ine in monubu kon i monimu, in monububí kon batoḷ in dodob-Ku.” Dá Ki Tuhan Inta Totok in mokawasa in nopotabá kon inakó mopotaau in koyow tanaa kon bangusa mita inta ain nogagow kon umat-Nea,