ZAKHARIA 8:4 - Alkitab Singog In Mongondow Masa In Tanaa

⁴ Kon lapangan in kotá in Yerusalem, in ḻimitúbí bui in aki mita bo baay mita inta ain nogoguyangdon totok dá monungkudon in mayá.

ZAKHARIA 8:4 Iomraidhean Croise

AYUB 42:17

Bo minatoidon in ki Ayub kon dodai in nogoguyangdon totok.

AYUB 5:26

Naonda bo gandum inta noḷutú, iratab kon wakutunea, iko in mobiagbí doman mopia modapot in mogoguyang.

IḶUAIAN 21:19

táe noiduduimai kon tua sia nokobangondon bo nokobayádon bui táe nonungkudpa, dá intau inta nomongkug kon inia tua in mustibí monompia kon inia dapot in mopia bo monoḻiu kon karugiannea kon tungkuḷ in sia notakit.

YEREMIA 31:13

Kon dodai intua mongodeaga mita in motayok takin kinoibog in gina. Guyanga bo tayow mobiag tumpaḷa moḷunganga in gina, sin Akuoi in moḻipoibí kon i monia. Kuyang in gina monia baḷuian-Ku in pia in gina, robonoḷ in gina baḷuaian-Ku in ḷunganga in gina.

YEREMIA 31:24

Intau in mogutun kon Yohuda bo kon ḻipúnea mita. Kon tua in oyúon bidon in monononggobá bo mononombobiagon kon sapi bo dombanea.

ZAKHARIA 2:4

Malaekat inta muna in noguman kon malaekat inta nogindua, “Ḷagidon bayá kon tayowmobiag tatua, bo pogumandon kon inia kon Yerusalem in mopuḻingdon totok in intau bo bobiagon dá diádon motaau bui dindingon ḻibu-ḻibu.

IBRANI 12:22

Tongá aka moiko namangoidon in Buḷud Sion bo kotá i Allah inta nobiag, tuata in Yerusalem inta kon soroga takin ribuan malaekat-Nea.

SAMUEL 1 2:31

Indongogaidon, moiangoibí in wakutunea Akuoi in moḻimod kon bayongan tayowmobiag kon motoḷuadí bo bui inanakanmu, modapot in diádon in tobatúmai in ḷoḷaki kon bonu in motoḷuadímu in mononoi.

SAMUEL 1 2:32

Monakit in ginamu bo mointoi in mokoontong kon bayongan barakat inta ogoi kon intau mita ibanea kon Israel, táe kon bonu in motoḷuadímu in modait matoi kon wakutu in mongobagupa.