ZAKHARIA 8:15 - Alkitab Singog In Mongondow Masa In Tanaa

¹⁵ Táe tanaa barakatan-kudon in intau in Yohuda. Dá dikadon moondok.

ZAKHARIA 8:15 Iomraidhean Croise

YEREMIA 31:28

Ná koḻipod Akuoi noḷukad kon i monia sinbá kon singgai moiduduimai Akuoi in morabut, morumbun bo morimumud kon i monia, natua doman Akuoi in moḷukad kon i monia sinbá Akuoi in moginrigon bo moposindog kon i monia bui.

YEREMIA 32:42

Ná doman onda in pinopopoangoi-Ku in bodito kon bangusa tanaa, yo natua doman in Akuoi in mobogoi in bayongan inta mopia inta ain pinodandi-Ku kon i monia.

HAGAI 2:5

Kon dodai in moiko iḻumuai nongkon Mesir, Akuoi in nodandidon kon umuranbí moḷukad kon i monimu. Bo dapot in tanaapa Akuoi in umuranpabí doman moḷukad mako kon i monimu. Dá, dikadon moondok.

ZAKHARIA 8:13

Ei intau in Yohuda bo Israel! Kon tungkuḷ intua, aka intau ango-angoi mosikutukandon, yo mosia in moguman, ‘Igumon mako bodito inta noiuma kon Yohuda bo israel in moiuma doman kon inimu!’ Táe Akuoi in moposaḷamatbí kon i monimu, dá intau mita ango-angoi tatua in mosigumanan, ‘Igumon mako barakat inta moiponag kon Yohuda bo Israel, moiponag doman kon inimu!’ Tuamai in koropotdon in ginamu bo dika moondok!”

LUKAS 12:32

“Moiko inta tongá topiḻik, dikabí moondok! Sin mosanangbí in gina i Amámu in mobogoi in barakat kon i monimu kon bonu in kawasa-Nea.