ZAKHARIA 8:13 - Alkitab Singog In Mongondow Masa In Tanaa

¹³ Ei intau in Yohuda bo Israel! Kon tungkuḷ intua, aka intau ango-angoi mosikutukandon, yo mosia in moguman, ‘Igumon mako bodito inta noiuma kon Yohuda bo israel in moiuma doman kon inimu!’ Táe Akuoi in moposaḷamatbí kon i monimu, dá intau mita ango-angoi tatua in mosigumanan, ‘Igumon mako barakat inta moiponag kon Yohuda bo Israel, moiponag doman kon inimu!’ Tuamai in koropotdon in ginamu bo dika moondok!”

ZAKHARIA 8:13 Iomraidhean Croise

KINOBAḺIAN 26:4

Akuoi in mobogoibí kon inimu in adí bo ompu inta kobayongnea in naonda bo tundi kon ḷangit, bo butá mita kon naa daiton-Kubí ogoi kon i monia. Bayongan in bangusa kon dunia naa in mopoigumbí kon i-Nakó sinbá Akuoi momarakat kon i monia naonda Akuoi ain nomarakat kon buímu.

MAZMUR 44:16

Kinoouput in singgai akuoi empengon, bo oyá in moikaḷumbun kon inakó,

MAZMUR 72:17

Igumon mako ki datu in umuran tano-tano bo modapot in mononoi, bo sia in modugangdon totok tango-tangoion kon tungkuḷ in mata in singgai tantúpa oyúon. Igumon mako bangusa mita in mopoigum in barakat naonda bo sia, bo bayongan in intau moguman kon mosanang totok in sia.

MAZMUR 79:4

Kami in tororebeg mako in bangusa mita topodiugmai, kinosingan monia bo siningkuḻe monia in kami.

YESAYA 43:28

Imangmu mita in nopokotordon in baḷoi-Ku. Dá Israel in inogoi-Ku sin poompáanmai, buí i Yakub in pinomayá-Kudon mako iyompat.”

YEREMIA 24:9

Akuoi in mopoboditobí kon i monia námai tua modapot in bayongan in bangusa kon sinangkub in dunia mobaḻídon moondok. Kon ondakabí in pobogoian-Ku kon i monia, mosia in singkuḻeonbí, binaḻí kokosingan bo rebegonmai. Tangoi monia in pakéon mobaḻí kutukan.

YEREMIA 25:18

Yerusalem bo bayongan in kotá in Yohuda, takin datu mita bo pojabatnea mita, pinoki inumanku in anggur tatua, nodapot in mosia nobaḻí naonda bo rawang inta noḷogat bo mokokoningkim. Dapot kon singgai in naa tangoi monia in pinaké nobaḻí kutukan.

YEREMIA 26:6

Aka moiko tantú momangkang, baḷoi pooibadaan tanaa in aidan-Ku naonda bo Silo, dá bayongan in bangusa kon dunia mopomaké in tangoi in kotá in Yerusalem naa saḷaku kutukan.”

YEREMIA 29:18

Mosia in aḷo-aḷowan-Kubí mako in parang, gogoy, bo yampoi in takit modapot in bayongan in bangusa kon sinangkub in dunia in mokoningkimbí in mokoontong kon kaadaan monia. Kon ondakabí in poporaritan-Ku kon i monia, intau in mokoningkimbí bo moondok in mokoontong kon onu inta nobaḻí kon i monia. Mosia in singkuḻeonbí, bo tangoi monia in pakéon mobaḻí kutukan.

YEREMIA 33:24

“Sinaridianmudon degá onu inta pinoguman in intau kon Israel bo Yohuda? Mosia in noguman kon Akuoi in noḷumbúdon kon bangusa doyowa tatua inta ain piniḻí-Ku tatua. Tuamai in inanggapdon monia noompá in umat-Ku, bo diádon inanggap monia saḷaku tobatú bangusa.

YEREMIA 42:18

Ná doman in Akuoi, ki Tuhan Allah in Israel nopobutak in torú bo rogi-Ku kon intau inta nogutun kon Yerusalem, yo natua doman in Akuoi mopobutak in rogi-Ku kon i monimu inta mayá in Mesir. Intau in mokoningkimbí in mokoontong kon i monimu; singkuḻeonbí in moiko, bo tangoimu in pakéonbí saḷaku kutukan. Moiko in diá bidon mokoontong bui kon butámu tontaní.”

YEREMIA 44:12

Bo aka intau in Yohuda inta ki agatnea oyúon in tantú moibog mayá in Mesir sin mogutun kon tua, yo moyopúbí komintan in mosia. Mosia komintan, moḷoben mointok, in matoibí kon Mesir kon bonu in parang andeka popisí in gogoy. Intau in mokoningkimbí in mokoontong kon i monia bo moningkuḻe kon i monia. Tangoi monia in pakéonbí saḷaku kutukan.

YEREMIA 44:22

Ki Tuhan in diádon mokoigon in mokoontong mako kon i monimu moposumba in kuruban kon ilah mita ibanea. Aidmu tua in moraat bo mokooyá. Moiko in binaradosadon kon i Tuhan bo diá motoindudui kon parenta-Nea mita. Tuamai tanaa doman mako butámu ain norimumud dá diádon motaau pogutunan, bo tangoinea in pinakédon nobaḻí kutukan. Intau inta mokoontong in mokoningkimbí.”

OMBAḶ 4:15

Intau in moguman, “Bayádon nongkon naa! Nonajis in moiko, dika moḻiai kon i nami!” Dá minayádon in mosia bo nodondaḷoi nongkon bangusa tobatú minayá in bangusa ibanea, táe diábí inogoi i ineka in mogutun mokopotantú.

YEHEZKIEL 34:26

Barakatan-Kudon in mosia bo ogoi-Ku in mosia mogutun kon diug in tombuḷud-Ku inta motusi. Mosia in ogoian-Ku in uyan aka moibog in mosia.

YEHEZKIEL 37:11

Ki Allah in noguman kon inakó, “Ei intau ilo-ilow, tuḷan mita tanaa in nobaḻí tomponuot kon bangusa in Israel. Mosia in mogamui kon mosia in noingkag, diá kokamang bo diá in kobiagan mopia kon singgai moiduduimai.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

DANIEL 9:11

Bayongan in Israel ain iḻimimpat kon hukum-Mu mita bo doí mokidongog kon singog-Mu. Kami in binaradosa kon ini-Mu, bo tuamai pinouma-Mu kon inami in kutuk inta ain pinais kon bonu in Buk i Musa, mogogundoi-Mu.

MIKHA 5:7

Intau in Israel inta nogutunpa kon yua-yuak in bangusa mita in mobaḻídon naonda bo singa kon yua-yuak in mahaḷuk mita kon kayuon andeka kon yuak in paanan in domba kon rawang in bonok. Singa tatua in tumuot kon yua-yuak in paanan in domba tatua bo moritak poḷat momera-merak; diábí in mokopomuḻi kon domba mita tatua.

ZEPANYA 3:16

Moiangoibí in wakutunea intau mita in moguman, “Ei Yerusalem, dikadon moondok bo moḻia-ḻiaw in gina.

ZEPANYA 3:20

Moiangoibí in orasnea, intaumu inta noirarit in kapiton-Ku mobui. Moiko in baḻíon-Kudon ponango-nangoian kon sinangkub in butá, bo kototomomanmu in poguḻiton-Kudon bui.” Ki Tuhan in nosingogdon.

HAGAI 2:19

Umpaka diádon in kiagat in gandum, bo pangkoi in anggur, pangkoi in ara, pangkoi in delima bo pangkoi in zaitun diápa nomungai, táe pinangkoi kon tanaa Akuoi in momarakatdon kon i monimu!”

HAGAI 2:5

Kon dodai in moiko iḻumuai nongkon Mesir, Akuoi in nodandidon kon umuranbí moḷukad kon i monimu. Bo dapot in tanaapa Akuoi in umuranpabí doman moḷukad mako kon i monimu. Dá, dikadon moondok.

ZAKHARIA 1:19

Akuoi in noḻibó kon malaekat inta ain nosingog kon inakó, “Onu degá in mangaḻe in tungoi mita tatua?” Sia in notubag, “Tungoi mita tatua in nobaḻí lambang in dodatuon mita inta moropot inta noporarit in intau mita kon Yohuda, Israel bo Yerusalem.”

ZAKHARIA 14:11

Intau mita in mogutundon moodom kon kotá tatua, takin diá bidon in gogondok koyopúan.

ZAKHARIA 8:15

Táe tanaa barakatan-kudon in intau in Yohuda. Dá dikadon moondok.

ZAKHARIA 8:9

Ki Tuhan in noguman kon umat-Nea, “Koropot in ginamu! Tanaa moiko in nokodongogdon kon tosingogon mita inta ain doman siningog in nabi kon dodai in dodatoḷan inukat, sin moposindog bui in Baḷoi-Ku.

ZAKHARIA 9:13

Yohuda in baḻíon-Ku piot in pahlawan, bo Israel in mobaḻí piot inta sinadiadon popiot. Intau mita in Sion pakéon-Ku mobaḻí kedang; kedang tatua in pakéon-Ku pondudur kon intau mita in Yunani.”

KORINTUS 1 16:13

Umuran mokopoingat! Sindog kotorindog kon bonu in pirisayamu saḷaku intau Keresten. Mokopobarani bo mokoporopot!

GALATIA 3:14

Tua komintan inaidan i Kristus Yesus sinbá barakat inta pinodandi i Allah kon i Abraham ogoi doman kon intau mita inta deeman Yahudi. Natua in pinogogaid-Nea, sahingga kita inta mopirisaya kon i Allah, motaau motarima kon Roho inta pinodandi i Allah.

ULANGAN 26:19

Ki Tuhan momaḻíbí kon i monimu moḷoben-ḷoben nongkon bayongan in bangusa ibanea inta ain binaḻí-Nea, bo moiko in dayowonbí bo horomaton. Moiko in mobaḻí umat i Tuhan Allahmu ná inta pinodandi-Nea.”

ULANGAN 28:37

Kon butá mita tampat pinoporaritan i Tuhan kon i monimu, intau mita in mokoningkimdon in mokoontong kon i monimu; moiko in pomiaandon monia ibo-ibog bo poḷat kosingan.