ZAKHARIA 7:5 - Alkitab Singog In Mongondow Masa In Tanaa

⁵ Kai-Nia, “Potaaudon kon bayongan intau kon butá tanaa bo kon imang mita, kon puasa bo amui inta pinobayá monia kon buḷan noginḻima bo noginpitu kon bonu in pitu notaong naa deemanbí mohoromat kon i-Nakó.

ZAKHARIA 7:5 Iomraidhean Croise

DATU MITA 2 25:23

Naonda in porwira mita bo tontara in Yohuda inta doí sinumungkud kon Babel nokodongog kon pinoduían tatua, mosia komintan in namangoi kon i Gedalya kon Mizpa. Porwira mita tatua in ki Ismael ki adí i Netanya, ki Yohanan ki adí i Kareah, ki Seraya ki adí i Tanhumet nongkon kotá in Netopa, bo ki Yazanya nongkon kotá in Maakha.

DATU MITA 2 25:25

Táe kon buḷan impitunea kon taong tatua ki Ismael ki adí i Netanya ki ompu i Elisama inta buípa in datu, minayá noyotakin in intau mopuḷú kon Mizpa. Mosia in nonubu bo noḻimod kon i Gedalya takin intau in Yohuda bo intau in Babel inta noyotakin i Gedalya kon tua.

YESAYA 43:23

Iko in diábí nodia kon domba sin ogoi mobaḻí kuruban payongonmu, diá nohoromat kon i-Nakó takin nobogoi in sosumbamu. Bokaka Akuoi in diábí nopororigamai kon inimu pinongin kuruban, andeka nopororigamai kon inimu pinongin noigum kon kamania.

YESAYA 58:3

Bangusa tatua in moḻibó, “Onu in mangaḻenea in mopuasa aka diá ontongon i Tuhan? Onu in mangaḻenea in kita in tumonsiup aka diá in Sia moindoimai?” Ki Tuhan in moguman, “Totuubí, kon dodai in moiko koyogot in mopuasa, moiko in motayak kon kauntungan tontaní bo momakisa kon intau mita inta sinokotondananmu.

YEREMIA 25:11

Sinangkub in butá tanaa in pomayá-Kubí mako in morimumud bo mobaḻí moingongow. Bangusa mita kon diugneamai in mobantungbí kon i datu in Babel pitu nopuḷú notaong in koonggotnea.

YEREMIA 29:10

Ki Tuhan in noguman, ‘Aka motompodon in wakutu pitu nopuḷú notaong kon Babel, yo bui-Ku in moiko indoian, bo mogintompod kon dandi-Ku modia kon i monimu mobui kon tampat tanaa.

YEREMIA 52:12

Kon singgai impuḷúnea buḷan iḻimanea kon taong impuḷú bosiow kon pinomarentaan i Nebukadnezar datu in Babel, namangoidon in Yerusalem intau tobatú inta tangoinea in ki Nebuzaradan. Sia in monononggina bo tongguḷu in moḷoḷukad i Nebukadnezar.

HOSEA 7:14

Mosia in diábí totu-totuu mosambayang kon i-Nakó. Aka mosia mosambayang, mosia in umobatbí kon tosiugan monia, bo mogamui naonda bo onu inta inaidan in intau mita inta diá mopirisaya kon i-Nakó. Aka mosia mosambayang moigum kon gandum bo anggur, mosia in monongkekeb kon awak ná inta inaidan in intau mita inta nosumba kon dewa. Mosia in totu-totuubí kon moḷawang kon i-Nakó.!

ZAKHARIA 1:12

Bo malaekat tatua in noguman, “Ki Tuhan Inta Totok in mokawasa, pitu nopuḷú notaong in koonggotnea Iko in sinumorú kon Yerusalem bo kotá mita kon Yohuda. Modapot in toonu degá in Iko tumorú bo diádon mongampung kon i monia?”

ZAKHARIA 7:3

Mosia in pinotabá doman noḻibó kon imang mita bo nabi mita, nanaa, “Paraḷupa degá in kami mogamui kon kinorimumudan in Baḷoi i Tuhan takin mopuasa kon pomuḷoi in buḷan noginḻima ná inta ain inaidanmai nami kon taongannea?”

ZAKHARIA 7:4

Naa in koyow i Tuhan inta namangoi kon inakó.

ZAKHARIA 7:6

Natua doman kon dodai in mosia nongaan bo nonginum, mosia in tongábí mopoorop in ibog monia tontaní.”

ZAKHARIA 8:19

“Puasa inta pinobayá kon buḷan noginggopat, noginḻima, noginpitu, bo nogimpuḷú in mobaḻíbí poramean mita inta mokoḷunganga bo mokosanang kon intau in Yohuda. Kotá bidon in inta moitutui bo inta modame!”

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

MATIUS 6:16

“Aka moiko bo mopuasa, yo donaaibí popokantara kon pogotmu ná intau mita inta mongomunapik. Imonia in popokantarabí kon pogot monia, sinbá kotaauan in intau kon mosia in koyogot mopuasa. Poguman-Ku kon inimu, tuadon bungainea kon i monia.

MATIUS 6:2

Sin tuamai, aka iko bo mobogoi in sadaka, donaaibí muna poguma-guman mako naonda bo oaid in intau mongomunapik kon baḷoi mita pososambayangan bo kon lorong mita sinbá dayowon intau in mosia. Poguman-Kudon kon i monimu: Mosia tua in notarimadon kon bungai in oaid monia tua.

MATIUS 6:5

“Bo aka moiko mosambayang, donaai mosambayang ná oaid in intau momunapik. Mosia in simindog bo mosambayang kon baḷoi pososambayangan bo kon poyotangaan in daḷan sinbá ontongon in intau in oaid monia tua. Poguman-Ku kon imonimu, aindon nouḻí monia in onu inta kinoibog monia.

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

KORINTUS 2 5:15

Bo ki Kristus in minatoi sin popisí in motobut kon taḷá in bayongan intau, sinbá intau mita inta nobiag diádon tongá asaḷ bo nobiag bo motayak kon kopontingannea tontaní, táe pounabí in kopontingan i Kristus inta ain minatoi bo biniagdon bui sin kopontingan monia.

KOLOSE 3:23

Onukabí in pokiaid kon i monimu, aidaibí totu-totuu takin sanang gina, naonda bo mobantung kon i Tuhan, deemanbí tongá kon intau.