ZAKHARIA 6:6 - Alkitab Singog In Mongondow Masa In Tanaa

⁶ Kereta in parang inta inugut in kabaḷo norondí in nopobayá in Babel kon utuan. Kabaḷo nobudó nopobayá ná toyopan bo kabaḷo inta nobaḷam-baḷang nopobayá ná negara kon toḷatan.”

ZAKHARIA 6:6 Iomraidhean Croise

YESAYA 30:6

Nanaa in koyow i Tuhan soaḷ mahaḷuk mita inta kon butá in toḷatan, “Totabá mita nopodatog kon keledai bo unta monia in tombuinag mita, bo nongin butá inta nopuḻing in inta mokoondok inta pinogutunan in singa, uḷag mobisa bo naga kokoḻikipan. Tombuinag mita tatua pinosumba monia kon bangusa tobatú inta diá mokotuḷung kon i monia.

YESAYA 43:6

Pinarenta-Ku kon i utuan bo kon i toḷatan, sinbá mosia in ḷagidon buḻian. Bá ki adímu mita ḷoḷaki in mobuidon nongkon moyayú, bo ki adímu mita bobay in mobui nongkon popod mita in dunia.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 4:6

Tundúdon in daḷan mayá in Sion, Buḷud i Tuhan, ḷagidon poḷagui dika tongá kibio-biómai. Ki Tuhan in koyogotdon in mopoangoi in bodito bo korimumudan moḷoben nongkon utuan.

YEREMIA 46:10

Táe akuoi, ki Yeremia in noguman kon naa in singgai i Tuhan Inta Totok in moḷantud bo mokawasa; kon singgai tatua Sia in notuḻí kon bayongan in musung-Nea. Pitow-Nea in mokaanbí kon i monia modapot in mobotug, bo monginum kon dugú monia modapot in moguḻí. Singgai naa ki Tuhan Inta Totok in mokawasa, noratá kon kuruban-Nea mita kon utuan, kon bingkí in Ongkag in Eprat tatua.

YEREMIA 51:48

Bayongan inta kon ḷangit bo kon butá in morogiowbí pia in gina aka Babel moiḷabú kon bonu in kawasa in bangusa nongkon utuan inta mamangoi sin morimumud kon inia.

YEREMIA 6:1

Bayádon poḷagui, ei intau mita in Benyamin! Taḷaaidon in Yerusalem! Irupdon in torompet kon Tekoa, bo poyongkitdon in tuḷú tomponuot kon Bet-Kerem! Bodito bo roriga moḷoben in mongindoyó nongkon utuan.

YEHEZKIEL 1:4

Akuoi in iḷumangag bo nokoontong kon deḷang nogirup nongkon utuan. Gotup moyotampí nongkon kapunan in goḷom inta moḷoben totok, bo ḷangit kon diugneamai in nobayag totok. Kon bonu in kilat inta moninda-nindar tatua kinoontongan in inta mopouḻi-uḻinag naonda bo porunggu.

DANIEL 11:40

Aka imbuitdon in kawasa i datu in butá in utuan motoyongdon mopaḷut, ki datu in butá in toḷatan in monubudon kon inia. Bo ki datu in butá in utuan in motuḻí kon pinonubuan tatua totok in tumagab. Sia in mopotabábí in mobayong totok in kereta in parang, kabaḷo bo kapaḷ. Sia in monububí naonda bo ḷunud, bo mongawasa kon mobayong in butá.

DANIEL 11:9

Onda intua ki datu in butá in utuan in monububí kon butá in toḷatan, táe sia in upetonbí modapot in umundok bo mobui mayá in butánea tontaní.

WAHYU 6:5

Naonda in ki Adí in Domba nomukat kon meterai intoḷunea, dinongogkudon in mahaḷuk inta intoḷunea in noguman, “Igai!” Akuoi inimindoi, dá inontongkudon in tobatú kabaḷo morondí. Ki inta sinumakoi kon kabaḷo tatua in nokadai kon pononimbangan.