ZAKHARIA 4:3 - Alkitab Singog In Mongondow Masa In Tanaa

³ Kon dotá in koḷoigi bo koḷanan in totuduan in togá tatua doyowa in pangkoi in zaitun.”

ZAKHARIA 4:3 Iomraidhean Croise

MOHOHUTUBA 12:6

Rante saḷaka in mobontow bo moyo-moyotondi; togá buḷawan moḷabú bo moḷosi; tontogot in totayuk mobontow bo mogoguyaat; seré morimumud bo moirarit.

ZAKHARIA 4:14

Dá sia in noguman bui, “Tua in intau doyowa inta ain piniḻí i Tuhan inta nomaḻí kon dunia naa bo inta sinundú sin mogundoi kon i-Nia.”

SURAT I PAULUS KON JAMAAT RUM 11:17

Tosilai in tanga mita in kayu Zaitun – tuata intau mita in Yahudi – ain pinongkó. Bo kon paḷot in pinomongkóan tatua pinopokompitdon in tanga in pangkoi zaitun ḷoḷog, tuata in ki utat mita inta deeman Yahudi. Ki utat pinopokompitdon kon tua sinbá ki utat in mokorasa kon bayongan inta mopia nongkon kobobiag in rohani in intau mita Yahudi.

SURAT I PAULUS KON JAMAAT RUM 11:24

Iko inta deeman nongkon bangusa Yahudi in naonda bo tanga nongkon pangkoi in zaitun ḷoḷog. Dá aka iko inta noyoposi in sipatmu bo notaau pinopokompit kon pangkoi in zaitun taakan, dá apadoman intau mita in Yahudi inta pinoumpama tanga mita in pangkoi in zaitun inta taakan tatua. Tantú mogampa-gampangbí i Allah in mopoyobui kon i monia kon pangkoinea tontaní.

WAHYU 11:4

Sakusi doyowa tatua in zaitun doyowa nopangkoi bo sioḷ in pototuduan kon togá doyowa inta kon tayowonmai i Tuhan inta nomia kon dunia naa.

HAKIM MITA 9:9

Tubag in pangkoi in zaitun, ‘Ah doíbí in akuoi. Sin aka akuoi mobaḻí datumu, akuoi in mustibí mogogaidon mobogoi in ḷana in zaitun inta pakéon mohoromat kon dewa mita bo intau.’