ZAKHARIA 3:5 - Alkitab Singog In Mongondow Masa In Tanaa

⁵ Sia in ḷagidon nopotabá kon mobobantungnea mita mopoḷutud serban inta nodarit kon uḷu i Yosua. Mosia in dinumudui bo onda intua pinopoḷutudon monia in ḷambung mobagu tatua kon inia koḷuka-ḷukad in malaekat i Tuhan.

ZAKHARIA 3:5 Iomraidhean Croise

AYUB 29:14

Motuḻid in aidku diábí in noitaḷá; pinosindogku onu inta moadil.

IḶUAIAN 29:6

Popobogotdon in surubannea tatua bo potomot domandon in ḷambá buḷawan takin pais kinurig ‘Tongá ogoi kon i Tuhan’.

YESAYA 3:23

ḷambung monipit, ḷambung linen, aḷuang bo koḷubung mobanat.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YEHEZKIEL 42:14

Aka imang mita mopaḷutdon mopobayá in oaidan kon Baḷoi Tuhan, bo moibog mayá in dangkuḷon kon dotá in ḷuai, dá pakeang inta ain sinantú pakéon kon dodai in mogundoi yo musti taḷaan monia kon gopot mita tatua. Mosia in mustibí momaké in ḷambung ibanea, bain tua bo motaau in mosia mayá in tampat inta pinoyosipunan in rayat.”

ZAKHARIA 3:6

Onda intua malaekat i Tuhan nopotaau in tosingogon i Tuhan kon i Yosua,

ZAKHARIA 6:11

Nongkon buḷawan bo saḷaka inta inogoi monia tatua, pomiaaidon in mahkota tobatú bo popoḷutud kon uḷu i Imang Moḷoben ki Yosua ki adí i Yozadak.

WAHYU 4:10

Bo kon wakutu in mahaḷuk mita tatua modondong, dá itoi inta doyowa nopuḷú bo opat tatua in tumungkud kon tayowon in intau inta iḻimitú kon tampat pomomarentaan tatua bo mosumba kon i-Nia inta tantú nobiag bo diá mato-matoi. Onda intua mosia in mopogarab in mahkota monia kon tampat pomomarentaan tatua poḷat mosingog,

WAHYU 4:4

Noiḻibu kon tampat pomomarentaan tatua, oyúon doman doyowa nopuḷú bo opat in tampat pomomarentaan ibanea. Kon tampat mita tatua doyowa doman nopuḷú bo opat in itoi iḻimitú. Mosia in nogiḷambung nobudó bo nomaké in mahkota buḷawan.