ZAKHARIA 3:1 - Alkitab Singog In Mongondow Masa In Tanaa

¹ Kon oontongon ibanea doman, ki Tuhan in nopoontong kon inakó in Imang Moḷoben ki Yosua inta simindog mako kon tayowon in malaekat i Tuhan. Kon diugmai i Yosua sinimindog mako in Ibilis inta nosadiadon moponapud kon inia.

ZAKHARIA 3:1 Iomraidhean Croise

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

TAWARIKH 1 21:1

Moibog in Ibilis mopobodito kon intau in Israel; tuamai in dinondouḷugannea in ki Daud sinbá mogiapdon kon intau.

TAWARIKH 2 29:11

Adíku mita, dikadon mogoḷat mongo toonu, sin moikobí inta ain piniḻí i Tuhan moibada bo mogundoi kon i-Nia bo poḷat motubá kon dupa bo modia kon rayat moibada.”

EZRA 10:18

Naa in tangoi in intau mita inta kobuḷoi kon bobay nongkon bangusa ibanea: Imang mita, pinais takin inanakannea: Inanakan i Yesua takin ki utatnea mita, ki adí mita i Yozadak: ki Maaseya, ki Eleazer, ki Yarib bo ki Gedalya.

EZRA 2:2

Itoi mita monia in ki Zerubabel, ki Yesua, ki Nehemia, ki Seraya, ki Reelaya, ki Mordekhai, ki Bilsan, ki Mispar, ki Bigwai, ki Rehum bo ki Baana. Naa in tangoi mita in motoḷuadí in Israel, takin kobayong in intau nongkon batúan in inanakan inta nobui nongkon pinoḷumbúan:

EZRA 5:2

Nokodongogmai kon koyow in nabi doyowa tatua, ki Zerubabel ki adí i Sealtiel bo ki Yesua ki adí i Yozadak ḷagidon nomangkoi bui noposindog in Baḷoi Tuhan kon Yerusalem, binantungan in nabi doyowa tatua.

MAZMUR 106:23

Dá niaton i Allah yopúon in umat-Nea, táe inimaḷowan i Musa, intau inta piniḻí-Nea. Ki Musa in nobaḻí tonsigad kon i monia, dá noonow in torú i Allah.

MAZMUR 109:6

Duídon in intau moraat tobatú sin monisig kon inia, biódon mako sia potaḷáan in saturunea.

YEREMIA 15:19

Ki Tuhan in notubag, “Aka iko in mobui, yo takinan-Kubí in iko. Iko in mobaḻídon bui mogogundoi-Ku. Aka iko in mopotaau kon inta oyúon in mangaḻenea bo deeman uboḷ, dá iko in motaau mobaḻí nabi-Ku bui. Intau mita in buibí mamangoi kon inimu, bo diá bidon paraḷu in iko mayá kon i monia.

YEHEZKIEL 44:11

Kon bonu in Baḷoi-Ku, mosia in tongábí motaau in mogundoi kon i-Nakó saḷaku mobobantung kon oaidan bo moḷukad kon bonawang. Mosia in motaaubí in moratá kon mahaḷuk mita inta mobaḻí kuruban payongon bo posumba, bo mosia in mustibí umuran mobantung kon umat.

YEHEZKIEL 44:15

Ki Tuhan Inta Totok in moḷantud in noguman, “Kon tungkuḷ in bangusa in Israel nonaḷámai kon i-Nakó, imang mita in Lewi nongkon buí i Zadok in tantúbí notoindudui in nogundoi kon i-Nakó kon Baḷoi-Ku. Tuamai in mosiadon in tanaa in musti mogundoi kon i-Nakó bo mamangoi kon tayowon-Ku sin moposumba in ḷongó bo dugú in kuruban mita.

HAGAI 1:1

Kon taong induanea kon pinomarentaan i Datu Darius kon Persia, kon singgai imitánea kon buḷan noginggonom, ki Tuhan in nosingog pinongin i Nabi Hagai. Koyow i Tuhan tatua inogoi kon i Zerubabel ki adí i Sealtiel, gubernur in Yohuda, bo kon i Imang moḷoben Ki Yosua ki adí i Yozadak.

HAGAI 1:12

Onda intua ki Zerubabel bo ki Yosua takin bayongan umat in Israel inta ain nobui kon pinoḷumbúan kon Babel, in dinumudui kon tosingogon mita i Hagai, totabá i Tuhan tua. Mosia in nogaid kon onu inta pinarenta i Tuhan kon i monia, popisí in moondok kon i Tuhan.

HAGAI 2:4

Tongá, donaaidon moinggamá in kamang, ei moiko komintan! Ingguputaidon in oaidan tatua, sin Akuoi in umuranbí motuḷung kon i monimu.

ZAKHARIA 1:13

Ki Tuhan in notubag kon malaekat tatua takin tosingogon mita inta moḻipoi,

ZAKHARIA 1:19

Akuoi in noḻibó kon malaekat inta ain nosingog kon inakó, “Onu degá in mangaḻe in tungoi mita tatua?” Sia in notubag, “Tungoi mita tatua in nobaḻí lambang in dodatuon mita inta moropot inta noporarit in intau mita kon Yohuda, Israel bo Yerusalem.”

ZAKHARIA 1:9

Akuoi in noḻibó kon inia, “Tuang onu degá in mangaḻe in kabaḷo mita tanaa?” Sia in notubag, “Bain poontongku in mangaḻenea kon inimu.

ZAKHARIA 2:3

Onda intua inontongku in malaekat inta ain noyosingogku tatua, iḷumangkad inumuna, bo malaekat tobatú ibanea in namangoi nokipodungkuḷ kon inia.

ZAKHARIA 3:8

Indongogaidon ei Imang Moḷoben Yosua, bo moiko doman imang mita inta nobaḻí yobayatnea mita, moiko komintan in nobaḻí lambang in singgai moiduduimai inta mopia. Kon singgai tatua Akuoi in mopotabá kon bobantung-Ku inta sinangoi ‘Tokat’.

ZAKHARIA 4:14

Dá sia in noguman bui, “Tua in intau doyowa inta ain piniḻí i Tuhan inta nomaḻí kon dunia naa bo inta sinundú sin mogundoi kon i-Nia.”

ZAKHARIA 6:11

Nongkon buḷawan bo saḷaka inta inogoi monia tatua, pomiaaidon in mahkota tobatú bo popoḷutud kon uḷu i Imang Moḷoben ki Yosua ki adí i Yozadak.

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

LUKAS 21:36

Tuamai in umuran kiḷuka-ḷukadmai bo posambayang sinbá umuran moropot in moiko bo mokobaḻí simindog kon tayowon Adí Intau.”

LUKAS 22:31

“Simon, Simon, indongogai! Ibilis aindon inogoian in kasampatan monungkuḷ kon i monimu; ná gandum pinoyotontaní kon kuḻitnea, sahingga inta mopia in pinoyotontanídon kon inta moraat.

ULANGAN 10:8

Kon buḷud tatua Ki Tuhan nopotondí in suku Lewi sin moindoi bo monompia kon Poti Dodandian bo mogundoi kon i Tuhan, bo mosingog kon barakat podoyon kon tangoi-Nea. Tuata in oaidan monia modapot kon tanaa mako.

ULANGAN 18:15

Táe nongkon bangusa naton tontaní potabá-Neabí mangoi kon inimu in ná akuoi naa, bo moiko musti motoindudui kon inia.

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.

SAMUEL 1 6:20

Bo intau mita in Bet-Semes noguman, “Ki inebí in mokotahang kon tayowon i Tuhan, Allah Inta Motusi tua? Kon onda in pogatodan naton kon poti tatua sinbá moiyayú kon i naton?”