ZAKHARIA 2:12 - Alkitab Singog In Mongondow Masa In Tanaa

¹² Komintanpa doman Yohuda in mobaḻídon umat inta sinondídon kon i Tuhan kon butá-Nea inta motusi, bo Yerusalem in mobaḻí kotá inta totok in kinotabi-Nea.

ZAKHARIA 2:12 Iomraidhean Croise

ESTER 6:13

Onu in nobaḻí tatua inoumannea kon i buḷoi bo kon bayongan in yobayatnea. Onda intua ki buḷoinea bo yobayatnea mita inta mobijaksana tatua in noguman kon inia, “Momangkoidon in Iko taḷowon i Mordekhai. Sia in intau Yahudi bo diábí in iko mokoḷawang kon inia. Notantú bidon kon taḷowonneabí in iko.”

MAZMUR 105:15

“Dika monuyayow kon intau mita inta piniḻí-Ku, dika mopoaid in moraat kon nabi-Ku mita!”

MAZMUR 132:13

Sin ki Tuhan in nomiḻídon kon Sion; Kinoibog-Nea mobaḻí tampat pogogutunan-Nea.

MAZMUR 132:14

Guman-Nea, “Kon tanaaya in pogogutunan-Ku modapot in mononoi, Akuoi in moibog momarenta kon tampat tanaa.

MAZMUR 135:4

Ki Yakub in piniḻí-Nea kon i-Nia, umat in Israel binaḻí kapunyaan-Nea.

MAZMUR 33:12

Pia in kamang in bangusa inta nongaku kon ki Tuhan in ki Allahnea, pia in kamang in umat inta piniḻí-Nea nobaḻí kapunyaan-Nea!

MAZMUR 82:8

Angoidon o Allah, sisigaidon in dunia, sin bayongan in bangusa Ikobí in kitogi.

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

YESAYA 17:14

Kon tungkuḷ in moḷoḷabungdon mosia in mopoangoi in inta mokoondok totok, táe naonda in modiugdon mobayag mosia in moinggamádon. Tuata in ukur in bayongan intau inta mogagow kon i naton.

YESAYA 41:9

Iko in ginamá-Kudon nongkon popod mita in dunia, Inoiní-Ku nongkon tampat mita inta moyayú totok. Guman-Ku, ‘Iko in mogogundoi-Ku; Akuoi in diábí mondoí kon onu inta piniḻí-Ku.’

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

YEREMIA 30:16

Táe tanaa bayongan inta noḻiom kon inimu in ḻiomonbí, bo bayongan in musungmu akutonbí kon poḷumbúan. Akuoi in mondorotbí kon inta nondorot kon inimu, Akuoi in mogagowbí kon inta nogagow kon inimu.

YEREMIA 51:19

Ki Allah i Yakub in diábí notongkai in berhala mita tatua; Sia in nomaḻí kon bayongan in yagi-yagi. Tangoi-Nea in ki Tuhan Inta totok in mokawasa; Sia in nomiḻídon kon Israel nobaḻí umat-Nea.

ZAKHARIA 1:17

Malaekat tatua in nopotabá kon inakó mopotaau in koyow doman tanaa, “Ki Tuhan Inta Totok in mokawasa in nodandi kon kotá-Nea mita in mobaḻí motomoman bui bo komintanpa doman in Sia in motuḷung kon Yerusalem bo akúon-Nea saḷaku Sia in kitogi.”

ZAKHARIA 3:2

Malaekat i Tuhan in noguman kon Ibilis, “Igumon mako ki Tuhan in mohukum kon inimu ei Ibilis! Igumon mako ki Tuhan inta notabi kon Yerusalem in mohukum kon inimu. Intau tanaa in naonda bo kayu topongkó inta inugut nongkon yuak in tuḷú.”

ULANGAN 32:10

Nouḻí-Nea in mosia koyogot modondaḷoi kon tampat inta noingongow kon padang belantara. Bo inoḻiungan-Nea poḷat iḷukadan in mosia bo pinoḷoḷukad-Nea kon i monia in naonda bo Sia in kitogi.

ULANGAN 32:9

Táe buí i Yakub in tanaa piniḻí i Tuhan kon i-Nia tontaní.