ZAKHARIA 2:11 - Alkitab Singog In Mongondow Masa In Tanaa

¹¹ Kon dodai intua mobayong in bangusa in mamangoi kon i Tuhan sin nobaḻí umat-Nea. Sia in mogutunbí kon yua-yuakmu, bo kotaauandon monimu kon ki Tuhan in nopotabádon kon inakó namangoi kon inimu.

ZAKHARIA 2:11 Iomraidhean Croise

MAZMUR 72:17

Igumon mako ki datu in umuran tano-tano bo modapot in mononoi, bo sia in modugangdon totok tango-tangoion kon tungkuḷ in mata in singgai tantúpa oyúon. Igumon mako bangusa mita in mopoigum in barakat naonda bo sia, bo bayongan in intau moguman kon mosanang totok in sia.

IḶUAIAN 12:49

Atorang inta notongkai popoaid doman kon intau Israel taakan bo kon intau ango-angoi inta nogutundon notantú kon sigad monimu.”

YESAYA 45:14

Ki Tuhan in noguman kon Israel, “Baḻíbí iko in kitogi bungai in pinomuḷa kon butá in Mesir bo kauntungan in Sudan. Intau mita in Syeba inta mongotorindog nobaḻí kapunyaanmu; mosia in dumuduianmai kon tumimu takin inumantungan. Mosia in tumungkudbí bo mongaku, ‘Ki Allah in totu-totuubí kon yua-yuakmu; diábí in ilah koḻikudbí in Sia!

YESAYA 48:16

Angoidon diug kon i-Nakó bo indongogaidon, nongkon dungkuḷpabímai diábí bunion-Ku in tosingogon-Ku; onu in siningog-Ku umuranbí pototuu-Ku.” Tanaa in ki Tuhan Allah nopotabá kon inakó bo nobogoi kon inakó in kawasa-Nea tontaní.

YESAYA 52:10

Ki Tuhan in nopoontong in kawasa-Nea kon tayowon in mata in bayongan intau. Dá bayongan butá in mokoontongdon kon kasaḷamatan nongkon i Allah naton.

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

YESAYA 66:19

Akuoi in mopoukatdon in tomponuot tobatú kon yua-yuak monia. Tongosilai moyakag kon sigad monia in posaḷamaton-Ku. Mosia in potabá-Ku mayá kon bangusa mita kon butá mita inta moyayú inta diápa kon dodai in onda in nokodongog kon soaḷ Akuoi andeka nokoontong kon kamuliaan bo kawasa-Ku; mayá in Spanyol, Libia, bo Lidia takin momomiot mita inta mongotaná, minayá in Tubal bo Yunani. Mosia in mopohabar in koḷoḷoben in kawasa-Ku kon sigad in bangusa mita tatua.

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

YEREMIA 50:8

Ei umat in Israel, poḷaguidon nongkon Babel! Moikobí inta muna-munamai mayá, sinbá ibanea in dumudui.

YEHEZKIEL 33:33

Bayongan inta pinogumanmu tatua in mobaḻíbí, bo aka moiangoidon in wakutunea, kotaauandon monia kon nokoimontandon in nabi tobatú nogutun kon yua-yuak monia.”

MIKHA 4:2

mosia komintan in mogumanbí, “Igai in kita motakod kon tombuḷud i Tuhan mayá in Baḷoi i Allah in Israel! Sia in motundúbí kon i naton onu in musti pomiaan naton. Kita in dumuduibí kon daḷan-Nea sin totundú i Tuhan in mamangoibí nongkon Yerusalem; nongkon Sion Sia in mosingog kon umat-Nea.”

ZAKHARIA 1:16

Tanaa in mobuidon in Akuoi kon Yerusalem sin mongampung kon kotá tatua. Baḷoi-Ku in posindogondon bui bo kotá in Yerusalem in tompiaandon bui.”

ZAKHARIA 2:5

Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

ZAKHARIA 3:10

Aka singgai tatua moiangoi, pomuḷoi in intau in mogoiníbí kon topodiugneamai sin mamangoi motarima kon dame bo kobiagan motompia kon yua-yuak in gobá mita in anggur bo pangkoi mita in aramu.”

ZAKHARIA 8:3

Akuoi in mobui mangoi kon Yerusalem, kotá-Ku inta motusi tatua, bo mogutun kon tua. Yerusalem in kotaauandon saḷaku kotá inta motoindudui, bo tombuḷud i Tuhan Inta Totok in mokawasa in tangoionbí tombuḷud inta Motusi.

ZAKHARIA 8:8

bo modia bui kon i monia nongkon pomukaan bo nongkon toyopan, dá mosia in mogutun kon Yerusalem bui. Mosia in mobaḻí umat-Ku bo Akuoi in ki Allah monia. Akuoi in momarenta kon i monia takin satia bo moadil.”

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

LUKAS 2:32

sia naonda bo bayag inta nonimbayag kon daḷan in intau mita ibanea, sinbá mosia in mamangoi kon ini-Mu; tuata in bayag inta mobaḻí dodoyonan poduían kon umat-Mu Israel.”

YOHANES 17:21

Akuoi in mopoigum Amá sinbá mosia komintan in motobatúdon, ná ki Amá notobatú takin-Ku bo Akuoi in notobatú doman i Amá; sinbá mosia in motobatú doman takin Naton sinbá dunia in mopirisaya kon Ikobí inta ain nopotabá kon i-Nakó.

YOHANES 17:23

Akuoi takin mosia, bo ki Amá takin Akuoi, sinbá mosia in totu-totuudon motobatú, sinbá kotaauandon in dunia naa kon ki Amábí in nopotabá kon i-Nakó bo ki Amábí in monotabi kon i monia ná tabi i Amá kon i-Nakó.

YOHANES 17:25

Amá inta moadil! Diá kinotaauan in dunia naa in ki Amá, táe Akuoi in nonotaaubí kon i Amá bo intau mita tanaa in nonotaau bidon kon ki Amábí in nopotabá kon i-Nakó.

OUMAN IN RASUL MITA 28:28

Pangabisannea ki Paulus in nosingog, “Tuamai in musti kotaauan monimu, kon habar kasaḷamatan inta nongkon i Allah tanaa aindon pinoyaput kon intau mita inta deeman Yahudi, bo mosia in noibogbí nokidongog kon tua!” [

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”