ZAKHARIA 2:10 - Alkitab Singog In Mongondow Masa In Tanaa

¹⁰ Ki Tuhan in noguman, “Porodondongdon takin pia in gina ei intau in Yerusalem! Akuoi in mogutunbí kon yua-yuakmu!”

ZAKHARIA 2:10 Iomraidhean Croise

MAZMUR 40:7

Sosumba bo kuruban oḷudon kinodoí-Mubí, kuruban payongon bo kuruban potobut kon dosa diábí in inigum-Mu. Táe inogoian-Mudon in bongoḷan in akuoi inta pokidongog kon singog-Mu.

MAZMUR 68:18

Takin puḷúan ribu in kereta inta moropot ki Allah in sinimindog kon yuak monia kon bonu in kamuliaan-Nea.

IḶUAIAN 29:45

Akuoi in mogutun kon yua-yuak in intau Israel, bo mobaḻí ki Allah monia.

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

YESAYA 35:10

Intau mita inta pinoḷuat i Tuhan in mobuibí; mosia in tumuot kon kotá in Yerusalem takin giow, pogot monia in moḷumbá popisí in ḷunganga in gina inta mononoi. Mosia in moḷunganga in gina bo morame; robonoḷ in gina bo amui moinggamádon komintan.

YESAYA 37:22

ki Tuhan in noguman, “Kotá in Yerusalem kinumosing bo noningkuḻe kon inimu, Sanherib!

YESAYA 42:10

Podondong in dondong mobagu kon i Tuhan, dayowdon in Sia ei sinangkub in dunia! Ponggonugurdon, ei dagat bo bayongan in tombonunea, ḻipú mita inta moyayú bo bayongan in intau inta nogutun kon tua!

YESAYA 48:20

Bayádon bo poḷaguidon nongkon Babel, Potaaudon magí-mako in habar tanaa. Potaaudon takin yogiow sanang in gina: “Ki Tuhan in noposaḷamatdon kon Israel, mogogundoi-Nea!

YESAYA 51:11

Dá intau mita inta pinoḷuat i Tuhan in mobuidon mosia in tumuot kon Yerusalem takin rogiow pogot monia in motarimbuka popisí in ḷunganga inta mononoi. Mosia in mobarasanang bo morogiow, kinopatoian bo amui noinggamádon.

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

YESAYA 54:1

Yerusalem, dungkuḷmai iko in naonda bo bobay bantó inta diá monononggadí. Táe tanaa in porogiowdon, bo podondongdon takin ḷunganga in gina! Sin ki adímu mita in nobayong totok, noiḻiu kon adí bobay inta diá sinaḷáan in buḷoi.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 66:14

Mokoontongmai kon tua, mopiabí totok in gina monimu bo moropotdon bui bo mosehat naonda bo bonok mobagu. Dá mogogundoi-Ku mita in mokoalamibí kon kawasa-Ku bo musung-Ku mita in mokorasa kon torú-Ku.”

YEREMIA 30:19

Intau inta nogutun kon tua in modayowbí kon i-Nakó pongin dondong, bo monggoḷokap takin ḷunganga in gina. Baḻíon-Ku in mosia horomaton bo diádon singkuḻeon, bo kobayong monia in tantúdon modugang.

YEREMIA 31:12

Mosia in mamangoi in Tombuḷud in Sion takin pogot motamburiang, poḷat modondong takin pia in gina popisí in bayongan inta inogoi-Ku kon i monia, gandum, ḷana, anggur, sapi bo domba. Mosia in mobaḻídon naonda bo taman inta mobayong in tubignea, bo diábí kodaitan in onu bo onu.

YEREMIA 33:11

Táe kon tampat mita tatua in kodongoganbí bui in singog ḷunganga bo pia in gina takin dowawá in ponikaan. Kodongoganbí doman in dondong in intau mita inta nodia kon kuruban sukur kon Baḷoi-Ku. Mosia in mogumanbí, ‘Posukurdon kon i Tuhan Inta Totok in mokawasa, sin mopia in Sia bo tabi-Nea in mononoi.’ Butá tanaa in baḻíon-Kubí mobiag motompia ná dungkuḷ. Akuoi, ki Tuhan, ain noguman.”

YEHEZKIEL 37:27

Akuoi in mogutunbí moyotakin monia, Akuoi in mobaḻíbí Allah monia bo mosia in mobaḻí umat-Ku.

YEHEZKIEL 48:35

Bayongan in dinding tatua kobanatnea in siow nopuḷú noribu nometer. Bo pinangkoi kon tanaa intau monangoi kon kotá tatua: “Ki Tuhan IN OYÚON IN KON TUA!”

IMAMAT 26:12

Takinan-Kubí in moiko; Akuoi in mobaḻíbí ki Allah monimu bo moiko in mobaḻí umat-Ku.

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

ZAKHARIA 1:16

Tanaa in mobuidon in Akuoi kon Yerusalem sin mongampung kon kotá tatua. Baḷoi-Ku in posindogondon bui bo kotá in Yerusalem in tompiaandon bui.”

ZAKHARIA 14:5

Moiko in moḷaguibí mongin ḷopá inta nomotak kon tombuḷud tatua nobaḻí doyowa. Moiko in moḷaguibí ná mogoguyangmu kon tungkuḷ in ḻinug kon dodai in ki Uzia datu in Yohuda. Bo namangoidon in ki Tuhan Allahku, sinakinan in bayongan in malaekat.

ZAKHARIA 2:11

Kon dodai intua mobayong in bangusa in mamangoi kon i Tuhan sin nobaḻí umat-Nea. Sia in mogutunbí kon yua-yuakmu, bo kotaauandon monimu kon ki Tuhan in nopotabádon kon inakó namangoi kon inimu.

ZAKHARIA 2:5

Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

ZAKHARIA 8:3

Akuoi in mobui mangoi kon Yerusalem, kotá-Ku inta motusi tatua, bo mogutun kon tua. Yerusalem in kotaauandon saḷaku kotá inta motoindudui, bo tombuḷud i Tuhan Inta Totok in mokawasa in tangoionbí tombuḷud inta Motusi.

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

ULANGAN 28:64

Ki Tuhan in moporangkapbí kon i monimu kon sigad in bangusa mita kon bayongan dunia naa. Kon tua moiko in mosumba kon ilah mita inta pinomia nongkon kayu bo batu, ilah mita inta diá kinotaauan monimu bo diá doman kinotaauan in mogoguyangmu.

PILIPI 4:4

Kosanangdon in gina monimu sin ain nopirisaya bo nobiag notobatú takin i Tuhan. Buipa doman pogumanku: kosanangdon in ginamu!

WAHYU 2:1

“Paisdon kon malaekat in jamaat inta kon Epesus, nanaa: Naadon in koyow nongkon i-Nia inta ḻima-Nea koḷanan in nokadai kon tundi pitu bo minayá kon sigad in sioḷ pototuduan kon togá inta pinomia nongkon buḷawan tua.

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.