ZAKHARIA 2:1 - Alkitab Singog In Mongondow Masa In Tanaa

¹ Kon oontongon noiduduimai akuoi in nokoontong kon ḷoḷaki tobatú inta nokadai kon meter pogogukur.

ZAKHARIA 2:1 Iomraidhean Croise

YESAYA 54:16

Akuoibí inta nomaḻí kon mononontaḷ inta nongokab kon tuḷú sin ponontaḷan kon sonjata. Akuoibí doman inta nomaḻí kon tontara inta nopomaké in sonjata tatua sin moḻimod.

YEREMIA 31:39

Nongkon tua bares in sigadnea mopobayá in Tombuḷud in Gareb, bo moboyuk ná Angob.

YEREMIA 48:25

Ropot in Moab ain pinutoḷ, bo kawasanea in irimumudon. Akuoi, ki Tuhan, ain nosingog.”

YEHEZKIEL 40:3

Akuoi in dinia-Nea kon tua bo inontongku in ḷoḷaki tobatú inta mopouḻi-uḻinag naonda bo porunggu sinimindog kon diug in bonawang. Nokadai mako in sia kon tontogot pogogukur nongkon linen bo kayu pogogukur.

YEHEZKIEL 40:5

Bo akuoi in nokoontong kon Baḷoi i Tuhan inta iḻibu dininding. Ḷoḷaki tatua in nomangkoidon nogukur kon dinding tatua nomaké in kayu pogogukurnea inta koḷanggónea in toḷu nometer. Noniata magí dinding tatua koḷantudnea in toḷu nometer bo kobunodnea in toḷu doman nometer.

YEHEZKIEL 47:3

Sindaḷan nopogukur in tungkud pogogukurnea, ḷoḷaki tatua in nodia kon inakó nosiḻig dinumudui in tubig tatua nopobayá ná pomukaan ḻima nogatut nometer in koyayúnea, bodongka pinotabánea in akuoi iḷumoḷan. Kon tampat tatua kodaḷom in tubignea tongá komangoi in poguḻingkitan in sioḷ.

YEHEZKIEL 47:4

Onda intua sia nogukur kon ḻima nogatut nometer bui, bo kon tua tubignea in nodapot kon duḷud. Sia in nogukur bui kon ḻima nogatut nometer, bo tubignea kon tua in noidapotdon in ogotan.

DANIEL 7:7

Kon dodai in akuoi inimindoi mako kon inia, mahaḷuk inggopatnea nomuká. Sia in totok in moropot bo motoyang bo mokokoningkim. Takin ingiponnea mita inta mongoḷoben bo ná kotogat in uatoi, sia in nomutuk bo nokaan kon kokaanonnea, bo noritak kon ki agatnea mita. Noyoposi in mahaḷuk mita inta noiuna sia in kotungoi mopuḷú.

ZAKHARIA 1:16

Tanaa in mobuidon in Akuoi kon Yerusalem sin mongampung kon kotá tatua. Baḷoi-Ku in posindogondon bui bo kotá in Yerusalem in tompiaandon bui.”

ZAKHARIA 1:18

Kon bonu in oontongon ibanea, inontongku in opat in tungoi in sapi.

WAHYU 11:1

Nopaḷut mako kon tua akuoi inogoian in kayu topongkó naonda bo tungkud pogogukur, takin koyow, “bayádon ukur in Baḷoi Tuhan bo meja pogogukatan kon sosumba, bo iapdon in mosia inta noibada kon bonunea.

WAHYU 21:15

Kon Malaekat inta noyosingogku tatua oyúon in tungkud pogogukur inta pinomia nongkon buḷawan sin pogogukur kon kotá, kon ngaranea mita bo kon dindingnea.