ZAKHARIA 14:8 - Alkitab Singog In Mongondow Masa In Tanaa

⁸ Kon singgai tatua, tubig modarit in moiḻig nongkon Yerusalem; tongobotak nongkon tubig tatua in moiḻig ná Laut Mati bo tongobotaknea doman in moiḻig ná Dagat Toyuak. Tubig tatua in moiḻig kinoouput in taong, pinomayá kon sempo in pongonguyan andeka sempo in poninggai.

ZAKHARIA 14:8 Iomraidhean Croise

DONDONG MOḶANTUD 4:15

Bokaká kon gobáku nopoḷuai in tubig kobiagan inta moiḻig nongkon Libanon!

YESAYA 35:7

Bungaion inta mopatú in mobaḻí tabang, butá inta mobota-botak, pomukáan in bokaká. Tampat inta dungkuḷ pinogutunan in ungkú in kayuon, in kobiagandon in utó bo bakung.

YESAYA 49:10

Mosia in diábí morogang andeka gogoyon, bo diábí kotugatan in patú in mata in singgai kon padang gurun. Sin Akuoi, in motabi kon i monia, in modiabí kon i monia, bo modia kon i monia mayá in bokaká mita.

YESAYA 58:11

Akuoi in umuranbí mokapit kon i monimu bo mopobotug kon i monimu kon butá inta noingkag; Akuoi in moḷukadbí kon i monimu sinbá umuran mosehat bo moropot. Moiko in nádon onda bo taman inta tugat in tubignea, naonda bo bokaká inta diá mogio-giot.

YOËL 2:20

Tontara in pangkoḷá nongkon utuan in untunon-Kubí, tongosilai in buntunon-Ku pobayá in rawang in bungaion. Bo inta kon pipidan dotá in muna in undudon-Ku pobayá ná Laut Mati, inta kon pipidan kon tumi in undudon-Ku pobayá in Dagat Toyuak. Awaknea mita in mobondotdon. Mosia in putúan-Ku sin nopororigadon kon i monimu.

YOËL 3:18

Kon singgai tatua buḷud mita in mopuḻingbidon in gobá in anggur. Bobiagon mita in mokaan bidon kon bonok kon tombuḷud mita inta moḷumbá. Ongkag mita kon Yohuda diábí kon dodai in onda in modait in tubignea. Ongkag tobatú in moiḻigbí nongkon Baḷoi Tuhan, bo mopomuntad in tubig moonow kon Ḷopá in Akasia.

MIKHA 4:2

mosia komintan in mogumanbí, “Igai in kita motakod kon tombuḷud i Tuhan mayá in Baḷoi i Allah in Israel! Sia in motundúbí kon i naton onu in musti pomiaan naton. Kita in dumuduibí kon daḷan-Nea sin totundú i Tuhan in mamangoibí nongkon Yerusalem; nongkon Sion Sia in mosingog kon umat-Nea.”

ZAKHARIA 14:4

Kon singgai tatua Sia in simindogdon kon Tombuḷud in Zaitun, kon dotá in pomukaan nongkon Yerusalem. Dá Tombuḷud in Zaitun in kobotakan in ḷopá inta mobendar, pinangkoi kon pomukaan modapot in toyopan. Tongobotak in tombuḷud tatua in mopobayá ná utuan, bo tongobotak doman in mopobayá in toḷatan.

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

YOHANES 4:10

Ki Yesus in notubag, “Aka kuma bo kinotaauanmu in totabi i Allah bo kinotaauanmu in ki ine in noigum kon inumon kon inimu, yo nopasti bidon kon iko tontaní in moigumbí kon tubig inumon kon i-Nia tua. Bo ogoian-Neabí iko in tubig kobiagan tatua.”

YOHANES 4:14

táe intau inta monginum kon tubig ogoi-Ku in diá bidon moyoga-yogang, sin tubig inta ogoi-Ku kon inia in mobaḻí bidon bokaká kon bonu in awaknea, bo umuran ḷumuai bo mobogoi in kobiagan mononoi.”

YOHANES 5:4

Sin oyúon inta moiangoi in malaekat i Tuhan moponag kon tabang tatua bo moḻimbok kon tubignea. Bo intau motakit inta muna ḷumabú kon tabang tatua wakutu in moḻimbok, mopia onukabí in takitnea.]

YOHANES 7:38

Soaḷ intau inta mopirisaya kon i-Nakó in pinaisdon kon Buk Motusi nanaa, ‘Nongkon bonu in ginanea ḷumuai in bokaká inta mobogoi in kobiagan.’ ” (

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.