ZAKHARIA 13:9 - Alkitab Singog In Mongondow Masa In Tanaa

⁹ Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

ZAKHARIA 13:9 Iomraidhean Croise

SAMUEL 2 7:24

Bangusa in Israel aindon binaḻí-Mu umat-Mu tontaní kinoouputbí in dunia, bo Iko o Tuhan, in nobaḻí Allah monia.

AYUB 23:10

Táe kinotaauan-Neabí in bayongan in daḷanku bo bayongan in ḷampangku. Aka ná buḷawan akuoi in sinoba, yo moniatabí kon ginaku in nodaritbí.

AYUB 28:1

Oyúonbí in pongongaḻian kon saḷaka; oyúon in pototubáan kon buḷawan.

MAZMUR 144:15

Pia in kamang in bangusa inta natua, pia in kamang in umat inta ki Allahnea in ki Tuhan!

MAZMUR 43:4

Dá akuoi in mopobayádon in mezbah i Allah, kon tayowon i Allah pangkoi in kopiaanku. Akuoi in modondongbí bo mopogogitog in kecapi, sin modayow kon ini-Mu, o Allah, Allahku.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

AMSAL 17:3

Buḷawan bo saḷaka in ujionbí kon tuḷú, táe gina in intau in ujionbí i Tuhan.

DONDONG MOḶANTUD 2:16

Batoḷ in dodobku kapunyaanku, bo akuoi sia in kitogi, sia in noḷukad kon dombanea mita kon sigad in bungang mita bakung

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YESAYA 48:10

Sinungkuḷan-Ku in iko kon bonu in tuḷú in roriga, naonda bo saḷaka sinubá kon bonu in tuḷú.

YESAYA 58:9

Aka moiko mosambayang, indongogan-Ku intua. Aka moiko mokuani kon i-Nakó, tubagan-Ku. Dikadon bui mondorot kon tumpaḷa intau, gogaiaidon in sosaturuan bo tapud.

YEREMIA 24:5

“Intau mita inta ain pinomayá-Ku inakut pinobayá in Babel tua in inanggap-Kudon ná bungai in ara inta mongopia tanaa; tuamai Akuoi, Tuhan, Allah in Israel, in mopomiabí kon i monia kopiraan.

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

YEREMIA 32:38

Mosia in mobaḻí umat-Ku bo Akuoi in mobaḻí Allah monia.

YEHEZKIEL 11:20

Dá mosia in dumuduidon kon atorang-Ku mita bo mosatia in dumudui kon bayongan in parenta-Ku. Mosia in mobaḻí umat-Ku bo Akuoi in mobaḻí ki Allah monia.

YEHEZKIEL 14:11

Tua mita in pomiaan-Ku sinbá intau in Israel dikadon yumayú kon i-Nakó bo dika doman moponajis in awak in dosa. Pongin natua mosia in mobaḻídon umat-Ku, bo Akuoi in mobaḻí Allah monia.” Akuoi, ki Tuhan Inta Totok in moḷantud ain nosingog.

YEHEZKIEL 20:38

Momomarontak mita bo intau moraat in ḷumbúon-Ku nongkon yuakmu mita. Mosia in diaan-Kubí ḷumuai nongkon butá mita inta pinogutunan monia tanaa bo diábí ogoi-Ku in mosia mobui mangoi kon butá in Israel. Dá kotaauandon monimu kon Akuoibí in ki Tuhan.”

YEHEZKIEL 36:28

Dá moiko in mogutundon kon butá inta ain inogoi-Ku kon mogoguyangmu. Moiko in mobaḻídon umat-Ku bo Akuoi in mobaḻí ki Allahmu.

YEHEZKIEL 37:27

Akuoi in mogutunbí moyotakin monia, Akuoi in mobaḻíbí Allah monia bo mosia in mobaḻí umat-Ku.

DANIEL 11:35

Tongosilai nongkon itoi mita inta mobijaksana in koḻimodanbí, táe tua in mobaḻíbí totungkuḷ kon umat modapot in mosia mobaḻí modarit. Tua in mobaḻíbí modapot in singgai tumi, singgai inta ain sinantú i Allah.

DANIEL 12:10

Mobayong in intau in tungkuḷan bo pomurnion. Mosia inta moraat in diábí momangaḻe bo tantúbí mogaid kon inta moraat; tongábí mosia inta mobijaksana in momangaḻe.

YOËL 2:32

Táe ki ine in mokituḷung kon i Tuhan, in posaḷamatonbí. Ki Tuhan in noguman, “Kon Yerusalem intau mita inta piniḻí-Ku in mosaḷamatbí.”

IMAMAT 26:12

Takinan-Kubí in moiko; Akuoi in mobaḻíbí ki Allah monimu bo moiko in mobaḻí umat-Ku.

ZAKHARIA 10:6

“Intau in Yohuda in iropotan-Kubí, umat in Israel in posaḷamaton-Ku. Diaan-Ku in mosia mobui mangoi kon butánea popisí in Akuoi motabi kon i monia. Popoaid-Kubí kon i monia naonda bo bangusa inta diá kon dodai in onda in iḻiong-Ku. Akuoibí in ki Tuhan Allah monia, bayongan in sambayangnea in indongogan-Kubí bui.

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

ZAKHARIA 8:8

bo modia bui kon i monia nongkon pomukaan bo nongkon toyopan, dá mosia in mogutun kon Yerusalem bui. Mosia in mobaḻí umat-Ku bo Akuoi in ki Allah monia. Akuoi in momarenta kon i monia takin satia bo moadil.”

OUMAN IN RASUL MITA 2:21

Kon singgai tatua ki ine in mokuani kon tangoi i Tuhan mosia in posaḷamaton.’

IBRANI 8:10

Táe tanaa, naadon in dodandian inta pomiaan-Ku takin umat-Ku Israel, Kon singgai mita moiduduimai, Pirman i Tuhan: Popotonop-Ku in hukum-Ku kon bonu in pikiran monia, bo popopais-Ku domandon kon gina monia. Akuoi in mobaḻí ki Allah monia, bo mosia in mobaḻí umat-Ku.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

PETRUS 1 4:12

Utat mita inta kotabiku! Tanaa in moiko mororiga totok sin ponungkuḷan kon i monimu. Táe dikabí moherang, naonda bo oyúon inta totok motoyang in nobaḻí kon inimu.

WAHYU 21:7

Intau mita inta mountung, mokouḻí kon soaḷ mita natua nongkon i-Nakó, bo Akuoi in mobaḻí ki Allahnea, bo sia in mobaḻí ki adí-Ku.

WAHYU 8:10

Noiduduimai kon tua malaekat intoḷunea nogirup kon torompetnea, dá tundi tobatú inta moḷoben, inta koyongki-yongkit naonda bo poḷombow noḷabú nongkon ḷangit, bo noiḷabú kon sepertiga in ongkag mita bo bokaká.

WAHYU 8:11

(Tangoi in tundi tatua “Pait”.) Dá sepertiga nongkon bayongan in tubig nopaitdon doman bo nobayongdon in intau minatoi sin nonginum kon tubig inta nopaitdon tatua.

WAHYU 8:12

Onda intua malaekat inggopatnea nogirup domandon kon torompetnea. Dá noidatongdon in sepertiga in mata in singgai, sepertiga in buḷan bo sepertiga doman in tundi mita, sahingga noinggamádon sepertiga nongkon ropot in sindar monia. Ná doman tua, sepertiga nongkon bayag in diádon notarang bo ná doman tua in doḷom.

WAHYU 8:7

Malaekat muna in nogirup kon torompetnea, dá uyan in eis bo tuḷu noyobauk in dugú norogot totok noḷabú monag kon butá. Bo sepertiga in dunia naa nodait nopokak, ná doman tua, sepertiga doman in kayu bo bonok in noḷaḷow.

WAHYU 8:8

Bo malaekat induanea in nogirup kon torompetnea, dá oyúon tobatú barang inta moḷoben naonda bo buḷud inta kodoko-dokot pinogarab kon bonu in dagat, dá sepertiga in dagat tatua nobaḷui nobaḻí dugú.

WAHYU 8:9

Bo minatoi domandon in sepertiga in mahaḷuk mita inta kon dagat; bo sepertiga doman in kapaḷ mita noyoyang.