ZAKHARIA 13:7 - Alkitab Singog In Mongondow Masa In Tanaa

⁷ Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

ZAKHARIA 13:7 Iomraidhean Croise

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

YESAYA 1:25

Aidan-Kubí intua kon i monimu. Naonda bo intau motubá kon logam, moiko in tubáan-Ku; bayongan inta nokotor ḷumbúon-Ku nongkon inimu.

YESAYA 27:1

Kon dodai intua ki Tuhan in momakébí in pitow-Nea inta moropot bo moḷanit sin mohukum kon Lewiatan, uḷag inta ḷumandai bo iḻimibo-ḻibod tua, bo moḻimod kon naga in dagat.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YEREMIA 47:6

Moiko in momaḷú, ‘Modapot in toonu iko in monubu, ei pitow i Tuhan? Tungkogdon kon gumámu bo kibio-biómaidon kon tua kaasí!’

YEHEZKIEL 21:28

“Ei intau ilo-ilow, ponoḻindapdon! Potaaudon kon intau in Amon inta ain noningkuḻe kon Israel, kon Akuoi, ki Tuhan Inta Totok in moḷantud in noguman, ‘Kedang tobatú ain sinadia poḻimod, kedang tatua in inatádon nopouḻi-uḻinag naonda bo kilat, sinbá motaaudon poḻimod.

YEHEZKIEL 21:3

kon Akuoi, ki Tuhan, in noguman nanaa, ‘Akuoi naa in musungmu. Rabuton-Kubí in kedang-Ku bo moḻimod kon i monimu komintan, inta moraat andeka inta mopia.

YEHEZKIEL 37:24

Mosia in tobatúondon kon datu tobatú ná ki Daud inta momarenta modapot in mononoi. Takin toḷutui mosia in dumudui kon hukum-Ku mita. Bo modapot in mononoi mosia takin buí monia in mogutun kon butá tatua, butá inta inogoi-Ku kon i Yakub bo pinogutunan in mogoguyang monia.

YEHEZKIEL 7:6

Tanaa in bayongan yagi-yagi ain nopaḷut. Naadon in kopaḷutanmu. Diádon in kamang kon inimu.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

MIKHA 5:4

bo Sia in mobogoi in kobiagan modame. Aka tontara in Asyur monubu kon butá naton bo mondangat kon poḷoḷukadan naton, yo itoi mita naton inta moropot totok in potabádon momarang kon i monia. Itoi mita naton tatua in monaḷowdon kon Asyur podoyon kon ropot in pakakat in parang, bo moposaḷamat kon i naton nongkon kawasa monia.

ZAKHARIA 11:11

Kon singgai doman tatua dodandian tatua irabutdon. Mopopotaḷui mita in domba tatua monaridimai kon inakó, bo mosia in nonotaaudon kon ki Tuhan in koyogotdon in mosingog pinongin bayongan in aidku.

ZAKHARIA 11:4

Ki Tuhan Allah in noguman kon inakó, “Pogaidon naonda bo iko in gombala inta noḷukad kon domba inta bain ratáan.

ZAKHARIA 11:7

Akuoi, ki Zakharia, inuboḻian in mopopotaḷui mita kon domba sin moḷukad kon domba mita inta ratáan. Oyúon in tungkudku; tobatú in sinangoianku “Totabi” bo tobatú in “Bogotan”. Onda intua akuoi in nomangkoidon noḷukad bo nonompia kon domba mita tatua.

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

MATIUS 10:42

Bo ki ine in mobogoi in tubig noanai inumon, umpakabí tongá topalo kon intau inta bogá naa, sin sia in dumodudui-Ku, poguman-Ku kon i monimu, popirisayabí kon sia tua in mokouḻíbí kon boḻi in pinogaidannea!”

MATIUS 11:27

Bo ki Yesus in noguman, “Bayongan yagi-yagi inogoi i Amá kon i-Nakó, bo diá doman tobatúmai in nonotaau kon Adí koḻikudbí in ki Amá, bo diá doman tobatúmai intau in nonotaau kon i Amá kuḻikudbí in Adí bo intau inta kinoibog in Adí popoontongan.

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

MATIUS 18:14

Natua doman ki Amámu inta kon soroga diábí moibog in Sia aka kobuḻian in tobatúmai nongkon mongoadí mita tanaa.”

MATIUS 26:31

Kon tua ki Yesus in noguman kon i monia, “Doḷom naa moḻiai in pirisaya monimu komintan kon i-Nakó; sin aindon pinais: Ki Allah noguman, ‘Akuoi in moḻimod kon gombala, bo domba mita tatua in moḷagui posibayá.’

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

MARKUS 14:27

Noiduduimai kon tua, ki Yesus noguman kon i monia, “Moiko komintan naa in moḷaguibí monaḷámai kon i-Nakó. Sin kon bonu in Buk Motusi ain pinais, ‘Ḻimodon i Allah in gombalanea bo paanan domba moirangkap in moḷagui.’

MARKUS 14:50

Murí-Nea mita in noroḷagui nonaḷámai kon i-Nia.

LUKAS 12:32

“Moiko inta tongá topiḻik, dikabí moondok! Sin mosanangbí in gina i Amámu in mobogoi in barakat kon i monimu kon bonu in kawasa-Nea.

LUKAS 17:2

Intau natua in maníka bo popotogotan in gantung kon sigogownea, bo ḷadungon kon dagat dika in mobiag in sia bo tongá mokopopisí kon intau mita mointok tanaa mogaid kon dosa.

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

YOHANES 10:30

Akuoi bo ki Amá in tobatúbí.”

YOHANES 10:38

Táe popisí in inaidan-Ku intua, dá pirisayadon in onu in inaidan-Ku tatua, umpakabí moiko doí mopirisaya kon i-Nakó. Takin natua yo kotaauandon bo komangaḻeandon monimu kon ki Amá in umuranbí notobatú takin-Ku, bo Akuoi in umuranbí doman notobatú i Amá.”

YOHANES 14:1

“Donaai mohawatir in ginamu,” guman i Yesus kon i monia. “Popirisayadon kon i Allah, bo popirisaya kon i-Nakó doman.

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

YOHANES 16:15

Bayongan inta kon i Amá tua in Akuoibí doman in kitogi. Tuamai Akuoi in moguman kon onu in pinotaau in Roho tatua kon ini-Mu in sinarima-Neabí nongkon i-Nakó.”

YOHANES 16:32

Pokotorop! Moiangoibí in wakutunea, sedang bo noiangoi bidon, moiko in poyayiton. Moiko in mobuidon kon baḷoinea-baḷoinea bo taḷaandon monimu in Akuoi. Táe Akuoi in diábí tongá Aku-Akuoi mita, sin ki Amá in kotaki-takin-Kubí.

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

YOHANES 8:58

Ki Yesus in notubag, “Poguman-Kudon kon i monimu, Wakutu in ki Abraham diápa noilahir, Akuoi naa in koyongan bidon oyúon.”

OUMAN IN RASUL MITA 2:23

Bo pinodudui in tomayá i Allah kon i-Nia, Sia pinosarakan kon imonimu. Sia in pinopopakú monimu kon kayu pinoyotaḻempang bo pinomayá mako in iḻimod in intau mita inta mongoromú.

SURAT I PAULUS KON JAMAAT RUM 4:25

Ki Yesus tua in pinosarakandon kon intau mita sin ḻimodon sin potobut kon bayongan dosa naton. Tongá Sia in biniagdon bui i Allah sinbá kita in buidon moyodame takin i Allah.

SURAT I PAULUS KON JAMAAT RUM 8:32

Ki Adí-Nea tontaní in diá bidon irekeng-Neamai, táe pinosarakan-Neadon sin kopontingan naton komintan; yo diábí kumaan kon akaḷ aka kita diá ogoian in bayongan yagi-yagi?

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

PILIPI 2:6

Aka podudui in kaadaan-Nea sabanarnea, Sia tua in notongkaibí i Allah, táe kaadaan-Nea tatua in diábí binaḻí-Nea patokan.

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

PETRUS 1 3:18

Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.

PETRUS 1 5:4

Sahingga in kon wakutu Gombala inta momulia mamangoi bui, moiko in motarima kon tombuinag moḷoben inta diá mogogu-goguyaat.

YOHANES 1 2:2

Bo pinotonsigad kon i Yesus Kristus tuata, bayongan in dosa naton inampungan. Bo deemanbí doman tongá taḷá naton, táe taḷábí doman in bayongan intau.

WAHYU 1:11

Singog tatua in noguman, “Paisdon onu inontongmu, bo atodon in buk tatua kon pitu nojamaat: Jamaat mita kon Epesus, kon Smirna, kon Pergamus, kon Tiatira, kon Sardis, kon Piladelpia bo kon Laodikia.”

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.

WAHYU 13:8

Mahaḷuk tatua sumbáanbí in bayongan intau inta nobiag kon dunia naa. Intau mita inta diápa kinopaisan in tangoi monia kon bonu in buk kobiagan inta kapunyaan i Adí in Domba inta ain iratá, pinangkoipamai kon dunia naa diápa pinomia.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

WAHYU 21:6

Bo Sia in noguman, “Komintandon nobaḻí! Akuoi naa in ki Alpa bo ki Omega, ki Inta muna-munamai bo ki Inta tumi-tumimai, Akuoibí naa in ki Tuhan nongkon pinomangkoian nodapot in pangabisan. Intau inta moyogang in poinumon-Ku, bo tongábí ogoi pomorosen nongkon bokaká inta mobogoi in kobiagan.