ZAKHARIA 13:2 - Alkitab Singog In Mongondow Masa In Tanaa

² Kon singgai tatua popatan-Kudon in tangoi in berhala mita nongkon butá tanaa, dá diádon tobatúmai in mokotoropa kon tua. Bayongan intau inta mongaku kon nabi in sia poguntunon-Ku takin i monia inta kinokawasaan in dimukud inta motombogá.

ZAKHARIA 13:2 Iomraidhean Croise

DATU MITA IMITÁNEA 22:22

‘Naonda in podondouḷugmu?’ ki Tuhan in noḻibó. Dimukud tatua in noguman, ‘Mayá in akuoi bo baḻíonku sinbá bayongan in nabi i Ahab in monguboḷ.’ Ki Tuhan in noguman, ‘Mopia, aidaidon intua, kodondouḷuganmubí in sia.’ ”

MAZMUR 16:4

Biódon mako in intau inta mosumba kon dewa mita moduga-dungangdon in ajar in ginanea. Akuoi in doíbí mobogoi in kuruban kon dewa mita, nodapotbí in doí monangoi kon tangoi monia.

IḶUAIAN 22:13

Aka bobiagon tatua dinomok in mahaḷuk ibanea, yo intau inta nomiag tatua mustibí mopoontong in tuḷannea mita mobaḻí bukti kon i toginea, bo sia in diábí moguboḻi kon karugian kon i togi bobiagon tatua.

IḶUAIAN 23:13

Pononggina mako in bayongan inta ain pinoguman-Ku kon inimu. Dika mosumba kon ilah mita ibanea, modapot in tongá monangoi kon tangoinea diábí motaau.”

YESAYA 2:18

Berhala mita in moinggamádon komintan.

YEREMIA 29:23

Natuata in ukur monia popisí in nogaidon kon dosa mita moḷoben kon Israel: Mosia in nonuaḻing, bo nopomaké in tangoi i Tuhan sin mongonguman kon inta diá mita totuu. Tua in noyotoḻikud in ibog i Tuhan. Kinotaauan-Neabí in onu inta inaidan monia, bo sia tontaní in nobaḻí sakusi moḷawang kon i monia. Ki Tuhan ain nosingog.”

YEHEZKIEL 12:24

Kon Israel diádon bui in oontongon andeka toḻindap diá totuu,

YEHEZKIEL 13:23

Tanaa in mopaḷutdon in oontongon mita diá totuu bo toḻindapmu mita uboḷ. Posaḷamaton-Ku in umat-Ku nongkon tongganut moraatmu. Dá kotaauandon monimu kon Akuoibí in ki Tuhan.”

YEHEZKIEL 14:9

Aka nabi tobatú bo inuboḷandon dá nobogoidon in tubag noitaḷá, yo Akuoibí in inta ain nonguboḷ kon inia. Akuoi ki Tuhan Inta Totok in moḷantud in nopoyayúdon kon inia nongkon intau mita in Israel.

YEHEZKIEL 30:13

Ki Tuhan Inta Totok in moḷantud in noguman, “Akuoi in morimumudbí kon berhala mita bo dewa mita kon Mempis. Diá bidon in datu kon Mesir. Bayongan intau inta nogutun kon tua in baḻíon-Kubí moondok komintan.

YEHEZKIEL 36:25

Mopaḷut mako kon tua moiko in pisikan-Ku in tubig inta mosilang, sinbá modaritdon nongkon bayongan in berhalamu bo nongkon bayongan yagi-yagi inta ain nokokotor kon i monimu.

YEHEZKIEL 36:29

Moiko in poḷuaton-Kudon nongkon bayongan in inta mokokotor kon inimu. Parentaan-Kubí in gandum sinbá mobiag motoḷubú modapot in moiko in diádon kon dodai in onda in koantugan in gogoy.

YEHEZKIEL 37:23

Mosia in diá bidon mongotor kon awak monia pongin mogaid kon dosa bo mosumba kon berhala mita inta mokorongó. Poḷuaton-Kudon in mosia nongkon bayongan in totuaḻingan inta nokopopisí kon i monia nonoḻikud kon i-Nakó. Potusion-Ku in mosia; mosia in mobaḻí umat-Ku, bo Akuoi in ki Allah monia.

YEHEZKIEL 43:7

“Ei intau ilo-ilow, naa in ḷoḻitúan pomomarentaan-Ku. Kon naa in pogutunan-Ku kon yua-yuak in umat in Israel bo momarenta kon i monia modapot in mononoi. Pinomayá mosia, andeka datu mita monia, diá bidon in mongotor kon tangoi-Ku inta motusi pongin mosumba kon berhala andeka pongin moḷobong kon minatoi datu mita monia kon tampat tanaa.

YEHEZKIEL 6:6

Bayongan in kotá in Israel in yompatonbí, bayongan in mezbah bo berhalanea in morimumud posirarit, pototubáan kon kamania in morimumudon magí-mako, bo bayongan onu inta inaidan monia in moinggamábí.

HOSEA 14:8

Mosia in mobuibí mangoi kon i-Nakó bo mogutun kon bonu in siungon-Ku. Totokbí in motoyong kotomomanan monia, naonda bo gandum inta mobiag kon gobá inta noḷumbá bo naonda bo gobá in anggur. Naonda bo tubig in anggur in Libanon tangoi monia in ponango-nangoiandon.

HOSEA 2:17

Diá bidon ogoi-Ku in sia in monangoi bui kon tangoi in Baal, dá koḻiongandon in intau in tangoi tatua.

HOSEA 2:19

Israel, iko in baḻíon-Kubí ki buḷoi-Ku, buḷoi inta nosah modapot in mononoi. Iko in kotabi-Kubí bo umuran-Ku koibog; Akuoi in mokopojujurbí bo mosatia.

MIKHA 2:11

Koibog monimu in nabi inta moibog monguboḷ bo mongakaḷ poḷat monoḷanow kon moiko in mokouḻíbí kon anggur bo oinumon inta mokoḷoḷangu inta mobayong totok.”

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

MATIUS 12:43

Aka dimukud moraat iḷumuai nongkon intau, yo sia i maya-mayá mako in tampat inta noingkag sin motayak kon pogogaiannea. Táe diá nokouḻí in sia.

MATIUS 7:15

“Mokopoingatdon kon nabi mita inta diá totuu. Nabi inta mamangoi kon inimu naonda bo intau inta mongopia, táe sabanarnea mosia tua intau bí moromú.

LUKAS 11:20

Akuoi naa in noguntun kon dimukud moraat takin kawasa i Allah. Tua in mangaḻenea kon ki Allah in nomangkoidon nomarenta kon yua-yuak monimu.

ULANGAN 12:3

Umpagdon in mezbah mita monia bo rimumudon in batu mita inta inanggap monia mokaramat. Tubádon in lambang mita i Asyera, bo rimumudon in patong mita berhala monia, dá ilah mita tatua in diá bidon sumbáan kon tampat mita tatua.

ULANGAN 18:20

Táe aka nabi tobatú mobarani mopotaau in koyow podoyon kon tangoi-Ku bokaka Akuoi in diábí nopotabá kon inia mogaid kon tua, yo sia tua in mustibí matoi; natua doman in bayongan nabi inta mosingog podoyon kon tangoi in ilah mita ibanea mustibí matoi.’

YOSUA 23:7

Aka natua dá moiko in diádon moyobauk in bangusa mita inta nogutunpa kon sigad monimu. Moiko in diábí monangoi kon tangoi in dewa mita monia ande mongibot podoyon kon tangoi tatua. Bo moiko in diábí doman moibada ande tumungkud kon tayowon in dewa mita tatua.

WAHYU 18:2

Nanaa in pinobaḷúnea: “Ain noḷabú! Babel kotá moḷoben tua ain noḷabú! Tanaa sia in nobaḻídon tampat in dimbuḷó bo dimukud mita moraat. Bo kon bonunea in nobiagdon norupa-rupamai in ḷagapan inta nonajis bo inta kinodoí in intau.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.