ZAKHARIA 12:6 - Alkitab Singog In Mongondow Masa In Tanaa

⁶ Kon singgai tatua motoḷuadí mita in Yohuda in baḻíon-Ku naonda bo tuḷú kon bonu in bonturungan kayu pondungú andeka poḷombow nodokot kon ḻimonag in pangkoi mita in gandum, mosia in moyopúbí kon bangusa mita topodiugneamai. Táe intau in Yerusalem in umuranbí mogutun kon bonu in kotá takin moodom.

ZAKHARIA 12:6 Iomraidhean Croise

YESAYA 54:3

Iko in modugangbí mooḷad ná koḷanan bo koḷoigi, ḻitúanbí in intaumu mita in butá in bangusa mita bo mogutun kon kotá mita inta tanaa mako noingongow.

YESAYA 9:20

Intau in Manasye bo intau in Epraim mositubuan, bo moyotakin monayow kon Yohuda. Táe ki Tuhan in sinumorúpabí bo umuran mohukum.

YEREMIA 30:18

Ki Tuhan in noguman doman bui: “Moiko, umat-Ku in totabion-Kubí bo poguḻiton-Ku bui in kaadaanmu kon butámu tontaní Yerusalem in posindogonbí bui, bo komaḻignea in tompiaan.

OBAJA 1:18

Umat-Ku Israel in nádon tuḷú inta momokak kon bayongan buí i Esau, naonda bo tuḷú momokak kon bayongan in wawa kon gobá. Diábí tobatúmai in buí i Esau in kotaḻiban. Akuoi, ki Tuhan ain nosingog!

MIKHA 4:13

Ki Tuhan in noguman, “Ei intau in Yerusalem, bayádon bo ritakaidon in musungmu mita! Baḻíon-Kubí moropot in moiko naonda bo sapi inta tungoinea uatoi bo konukunea in bitú. Moiko in morimumudbí kon mobayong in bangusa, bo kaoyúonan inta nouḻí monia kon pinogagowan in posumbabí monimu kon i-Nakó, ki Tuhan in dunia naa.”

ZAKHARIA 1:16

Tanaa in mobuidon in Akuoi kon Yerusalem sin mongampung kon kotá tatua. Baḷoi-Ku in posindogondon bui bo kotá in Yerusalem in tompiaandon bui.”

ZAKHARIA 11:1

Ei Libanon, bukádon in ngaramu mita, sinbá tuḷú momokak kon pangkoi mita in arasmu!

ZAKHARIA 12:5

Bo motoḷuadí mita in Yohuda in mosingogdon kon bonu in gina, ‘Ki Tuhanbí Inta Totok in mokawasa in nobogoi kon ropot kon umat-Nea inta nogutun kon Yerusalem.’

ZAKHARIA 2:12

Komintanpa doman Yohuda in mobaḻídon umat inta sinondídon kon i Tuhan kon butá-Nea inta motusi, bo Yerusalem in mobaḻí kotá inta totok in kinotabi-Nea.

ZAKHARIA 2:4

Malaekat inta muna in noguman kon malaekat inta nogindua, “Ḷagidon bayá kon tayowmobiag tatua, bo pogumandon kon inia kon Yerusalem in mopuḻingdon totok in intau bo bobiagon dá diádon motaau bui dindingon ḻibu-ḻibu.

ZAKHARIA 9:15

Umat-Nea in notantú bidon kon ḷukadan-Nea, dá bayongan in musung modait taḷowon monia. Naonda bo kokow in intau inta noḷoḷangu in oinumon, natuata in kokow monia kon in parang. Naonda bo dugú in kuruban inta pinoburé kon tudu in mezbah, natuata in dugú in musung moibutak.

KORINTUS 2 6:7

bo poḷat doman mopotaau in habar nongkon i Allah takin kawasa i Allah, pinoontongdon nami kon kami naa in mogogaid mita kon oaidan i Allah. Kami in kinumadai kon onu in kinoibog i Allah saḷaku ḷoḷutam nami kon moḷawang andeka pobela kon onu in inaidan nami.

WAHYU 20:9

Dá mosia irumangkap kon bayongan in dunia bodongka nongopung kon ḷoḷaigan in umat i Allah bo kon kotá inta kinotabi i Allah. Táe tuḷu in noponag nongkon ḷangit bo nomokak kon i monia.