ZAKHARIA 12:5 - Alkitab Singog In Mongondow Masa In Tanaa

⁵ Bo motoḷuadí mita in Yohuda in mosingogdon kon bonu in gina, ‘Ki Tuhanbí Inta Totok in mokawasa in nobogoi kon ropot kon umat-Nea inta nogutun kon Yerusalem.’

ZAKHARIA 12:5 Iomraidhean Croise

MAZMUR 144:1

Nongkon i Daud. Dayowdon in ki Tuhan moḷoḷukadku! Sia in notundú kon inakó moropatoi, bo notundú kon inakó moparang.

MAZMUR 18:32

Sin tongábí ki Tuhan in Allah; Tongábí ki Allah in mododuḷu naton.

MAZMUR 18:39

Pomobakku in mosia modapot in diádon mokobangon bui, mosia in moobat diádon mokopongonu kon tayowon in sioḷku.

MAZMUR 46:1

Mazmur in inanakan i Korah. Kon i itoi in mododondong. Pinongin dondong Alamot.

YESAYA 1:10

Yerusalem, itoimu mita bo bangusamu ain nobaḻí naonda bo intau in Sodom bo Gomora. Indongogaipa onu inta pinoguman i Tuhan kon inimu; tondudutka onu inta sinundú i Allah naton.

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

YESAYA 1:26

Moiko in bui-Ku ogoian in hakim mita bo monononggina ná dungkuḷmai. Dá Yerusalem in tangoiondon kotá inta moadil bo motoindudui.”

YESAYA 28:5

Ki Tuhan Inta Totok in mokawasa in mobaḻí karangan in bungang inta mogaga kon ki agat in umat-Nea.

YESAYA 28:6

Ki Tuhan in mobogoibí in aid moadil kon hakim mita, bo barani kon intau mita inta pinoki ḷukadan in kotá bá diá tubuon.

YESAYA 29:10

Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow.

YESAYA 32:1

Indoiaidon, moiangoibí in wakutunea datu tobatú momarenta moadil bo itoi mita in bangusa mopobayá in inta moadil.

YESAYA 45:24

Intau mita inta noguman, ‘Koadilan bo ropot in tongábí nongkon i Tuhan!’ Bayongan in intau inta doí kon i-Nakó in mamangoibí kon i-Nakó bo mooyá.

YESAYA 60:17

Akuoi in nodia kon buḷawan nobaḻí toḻiu in bitú, bo saḷaka nobaḻí toḻiu in uatoi. Ogoi-Ku in bitú nobaḻí toḻiu in kayu, bo uatoi nobaḻí toḻiu in batu. Butámu in baḻíon-Ku moaman bo mobiag mosanang, bo pinarenta kinoadil.

YEREMIA 30:21

Datu inta nomarenta kon i monimu in nongkon bangusamu takin diá in ḷamboinea dimiug in sia kon i-Nakó aka oiníon-Ku in sia mamangoi in tayowon-Ku. Sin ki ine in mokobaḻí tumayow kon i-Nakó podudui in ibognea tontaní? Moiko in mobaḻíbí umat-Ku bo Akuoi in mobaḻí Allahmu. Akuoi, Tuhan inta noguman kon tua.”

YEREMIA 33:26

natua doman in Akuoi in tantú mokadai kon dodandian-Ku takin buí i Yakub bo takin in mogogundoi-Ku ki Daud. Intau tobatú nongkon buí i Daud in piḻíon-Ku momarenta kon buí i Abraham, i Ishak, bo i Yakub. Akuoi in monotabibí kon umat-Ku, bo mopobaḻí kon i monia mooyúon bui.”

YOËL 3:16

Ki Tuhan in nopodongog in singog-Nea noḷangon nongkon Sion, buḷud-Nea; nongkon Yerusalem modoradádon in singog-Nea. Ḷangit bo butá moḻiai popisí-Nea. Táe ki Tuhan in umuranbí moduḷu bo moḷukad kon Israel, umat-Nea.

ZAKHARIA 10:12

Akuoi in moginropotbí kon umat-Ku, mosia in tumoḷutuibí in mosumba kon i-Nakó. Akuoi, ki Tuhan, ain nosingog.”

ZAKHARIA 10:6

“Intau in Yohuda in iropotan-Kubí, umat in Israel in posaḷamaton-Ku. Diaan-Ku in mosia mobui mangoi kon butánea popisí in Akuoi motabi kon i monia. Popoaid-Kubí kon i monia naonda bo bangusa inta diá kon dodai in onda in iḻiong-Ku. Akuoibí in ki Tuhan Allah monia, bayongan in sambayangnea in indongogan-Kubí bui.

ZAKHARIA 12:4

Kon singgai tatua bayongan in kabaḷo potoboḻinguon-Kubí bo tumotakoinea mita in pobundaion-Ku, intau in Yohuda in ḷukadan-Ku, táe bayongan in kabaḷo in musungnea in bilogan-Kubí.

ZAKHARIA 12:6

Kon singgai tatua motoḷuadí mita in Yohuda in baḻíon-Ku naonda bo tuḷú kon bonu in bonturungan kayu pondungú andeka poḷombow nodokot kon ḻimonag in pangkoi mita in gandum, mosia in moyopúbí kon bangusa mita topodiugneamai. Táe intau in Yerusalem in umuranbí mogutun kon bonu in kotá takin moodom.

ZAKHARIA 14:14

Intau mita ḷoḷaki kon Yohuda in moparangbí moduḷu kon Yerusalem. Mobaḻí pakakat inta agowon, dá mosia in mogamádon kon bayongan in kapunyaan in bangusa mita kon diugneamai ná buḷawan, saḷaka bo pakeang inta moguntu-guntuḷ.

HAKIM MITA 5:9

Kon panglima mita in Israel inta namangoi takin ibog tontaní, poyaputku in tosingogon ponghargaan moḷoben kon i monia. Dinayo-dayowdon in ki Tuhan!