ZAKHARIA 12:2 - Alkitab Singog In Mongondow Masa In Tanaa

² “Baḻíon-Ku in Yerusalem naonda bo palo binonuan in anggur; butá mita topodiugneamai monginumbí kon tua bo moibaya-bayá mako naonda bo intau noḷoḷangu. Bo aka Yerusalem ḻibutan, kotá mita kon butá in Yohuda inta oyúonpa, in ḻibutan doman.

ZAKHARIA 12:2 Iomraidhean Croise

MAZMUR 75:8

Táe ki Allahbí tontaní in mohakim, Sia in mopoompá kon tobatú bo mopoḷantud kon ibanea.

YESAYA 51:17

Pobangondon ei Yerusalem, pobangondon! Hukuman inta pinoḷabú i Tuhan popisí in torú-Nea ain pinobayámu nodapot in nopaḷut.

YEREMIA 25:15

Ki Tuhan, Allah in Israel, noguman kon inakó, “Gamádon in galas in anggur tanaa inta ain binonuan-Ku in anggur in torú-Ku. Diadon kon bayongan in bangusa kon onda in popotabáan-Ku kon inimu, bo pokiponginumaidon in mosia in anggur tanaa.

YEREMIA 25:17

Dá inabatanku in galas in anggur tatua nongkon ḻima i Tuhan, bo minayá kon bayongan in bangusa inta pinopotabáan i Tuhan kon inakó, bo pinoki inumanku in mosia in anggur tatua.

YEREMIA 49:12

Intaupa inta diá patus hukumon, in kinotugatan doman in hukuman, yo umpaka dá moiko in diá? Notantú bidon kon moiko in mustibí hukumon!

YEREMIA 51:57

Akuoi in mopoḷoḷangubí kon pojabat in pomarenta in Babel--intau mita mongopandoi, itoi bo tontara. Mosia in diá bidon mopobango-bangon bui, moḷoḷot modapot in mononoi. Akuoi in nosingogdon; Akuoibí in datu, Akuoi in Tuhan Inta Totok in mokawasa.

YEREMIA 51:7

Babel inta koina in naonda bo galas buḷawan inta kinadaian-Ku bo nokopopisí kon bayongan inta kon dunia noḷoḷangu. Bangusa mita in nonginum kon anggur nongkon galas tatua, dá mosia in nobaḻídon nobundai.

YEREMIA 8:14

“Nongonu sin kita in diábí nogaid kon onu bo onu?” guman in umat i Allah. “Igai in kita moyotakin moḷagui mayá in kotá mita inta dininding, umpaka in kita matoi kon tua. Ki Tuhan Allah naton ain nonantú kon kita in mustibí moputú. Sia in nobogoidon kon i naton rasum sin inumon sin kita in binaradosa kon i-Nia.

HABAKUK 2:16

Yo tanaa in noiyaputdon in wakutumu pokopooyáanmai, bo deemanbí horomaton. Kahoromatanmu in mobaḷui mobaḻí kohohina. Ki Tuhan in momakisa kon inimu monginum nongkon palo inta bonunea in hukuman kon inimu. Iko in monginumbí bo moipape magí mako.

ZAKHARIA 14:14

Intau mita ḷoḷaki kon Yohuda in moparangbí moduḷu kon Yerusalem. Mobaḻí pakakat inta agowon, dá mosia in mogamádon kon bayongan in kapunyaan in bangusa mita kon diugneamai ná buḷawan, saḷaka bo pakeang inta moguntu-guntuḷ.

ZAKHARIA 14:2

Ki Tuhan in mosipunbí kon bayongan in bangusa sin monubu kon Yerusalem. Kotá tatua in agowonbí, bonu in baḷoinea in takowon, bo bobay mita in tokodomokon. Tongobotak kon intau inta nogutun kon tua in diaan kon poḷumbúan, táe kiagatnea in mogutunbí kon kotá tatua.

WAHYU 14:10

yo intau tatua monginum kon anggur i Allah, tuata in torú-Nea inta ain inaḻin-Nea kon bonu in tampat-Nea, bo diábí ginaatan topiḻikpamai! Intau mita tatua in toko sikisaan kon bonu in tuḷu bo balerang kon tayowon in malaekat mita motusi bo kon tayowon Adí in Domba tatua.

WAHYU 16:19

Kotá inta moḷoben tatua nobotak nosilai toḷu nosilai, bo norimumudon doman kotá mita in bayongan negara kon dunia inta diá nonotaau kon i Allah. Bo kinotoropandon i Allah in Babel, kotá inta moḷoben tua. Bo pinoinumdon i Allah in anggur nongkon palo anggur i Allah – tuata anggur torú-Nea inta moḷoben totok.

WAHYU 18:6

Tuḻíaidon kon inia naonda in pinogogaidnea kon i monimu; tuḻíaidon kodoyowa noguntuḷ kon inia in bayongan inta ain inaidannea. Bonuaidon palonea in oinumon inta kodua noguntuḷ in koboilnea nongkon oinumon inta ain sinadianea kon i monimu.