ZAKHARIA 12:1 - Alkitab Singog In Mongondow Masa In Tanaa

¹ Naa in koyow i Tuhan soaḷ Yerusalem. Ki tuhan inta nomukat kon ḷangit, nomaḻí kon dunia naa bo nobogoi in kobiagan kon intau, in noguman,

ZAKHARIA 12:1 Iomraidhean Croise

KINOBAḺIAN 1:8

Botok tatua in sinangoian i Allah “Ḷangit”. Doḷom noitaḻib bo noiangoidon doḷo-doḷom. Tuata in singgai nogindua.

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

AYUB 26:7

Ki Allah in nobuká kon ḷangit, kon ḻimonikan in baḷangon, bo nobambé kon butá naa kon tampat inta diá in onu bo onu.

AYUB 37:18

Motaau degá in iko mobaḻí ná ki Allah mobuká kon toḷungayá bo mopotogat naonda bo logam andeka posilag?

MAZMUR 104:2

bo kinoḷubungan in sindar. Iko in nomukat kon ḷangit naonda bo ḷoḷaigan,

MAZMUR 134:3

Igumon mako nongkon Sion barakatan in moiko i Tuhan, inta nomaḻí kon ḷangit bo butá!

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

YESAYA 40:12

Ki ine in mogukur kon baḷangon takin mopomaké in ḷogú in ḻimanea, andeka mogukur kon ḷokutoi momaké in yangow? Ki ine in mogukur kon butá in dunia naa takin simbangan andeka monimbang kon buḷud bo tombuḷudnea mopomaké in simbangan bambéon?

YESAYA 40:22

Inta nomaḻí in nomarenta kon tudu in butá noḻimbatu, intau mita inta nogutun kon dunia naa in ontongon mongointok naonda bo pangkoḷá. Sia in nosongká kon ḷangit naonda bo daing, bo nopoatop naonda bo ḷoḷaigan sin pogutunan.

YESAYA 42:5

Ki Tuhan Allah in nomaḻí bo nosongká kon ḷangit; Sia in nomia kon butá bo bayongan inta nobiag kon tudunea. Sia in nobogoi kon intau in poginaan kobiagan bo nyawa. Sia in nopotaau in koyow tanaa kon mogogundoi-Nea mita,

YESAYA 44:24

Nanaa in guman i Tuhan mopoposaḷamatmu inta nomia kon inimu pinangkoi kon bonupa in sian, “Akuoibí in ki Tuhan inta nomia kon bayongan yagi-yagi, inta tongá aku-akuoi mita in nosongká kon ḷangit, bo diábí in noduḷu nomaḻí kon butá.

YESAYA 45:12

Akuoibí in ki Tuhan inta nomia kon butá, bo inta nomaḻí kon intau sin mogutun kon tua. Pinodoyon kon kawasa-Ku Akuoi in nosongká kon ḷangit, bo nomarenta kon mata in singgai, buḷan bo tundi mita.

YESAYA 45:18

Ki Tuhanbí in inta nomaḻí kon ḷangit, Siabí in ki Allah! Siabí inta nomia bo nogaid kon butá, binaḻí noroton bo tantú noisindog mako. Diábí binaḻí-Nea tampat inta noingongow, táe tampatbí inta pogutunan. Siabí inta noguman, “Akuoibí in Tuhan bo diábí in ibanea mako.

YESAYA 48:13

Ḻima-Ku nopoukat in dodoyonan butá bo nosongká kon toḷungayá. Aka oiníon-Ku in tangoinea, mosia in ḷagibí mamangoi.

YESAYA 51:13

Umpaka dá kinoḻionganmu in ki Tuhan inta nomaḻí kon inimu inta nosongká kon ḷangit bo inta nopoukat in dodoyonan in butá? Nongonu sin kinoouput in singgai mourot in iko kon torú in monondorot inta nosadiadon momutú? Totuubí kon torú monia tua diábí kumaan kon inimu.

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

YEREMIA 10:12

Ki Tuhan in nomaḻí kon butá pinongin kawasa-Nea, nomia kon dunia pinongin hikmat-Nea, bo nomukat kon ḷangit pinongin pandoi-Nea.

YEREMIA 30:10

Umat-Ku Israel, dikadon moondok! Mogogundoi-Ku Yakub, dika mourot! Moiko bo buímu in posaḷamaton-Kubí nongkon butá moyayú, tampat pinodakopan kon i monimu. Moiko in mobuibí bo mogutun kon butámu takin moaman. Moiko in mobiagbí motomoman; diá bidon in koondok monimu.

YEREMIA 30:16

Táe tanaa bayongan inta noḻiom kon inimu in ḻiomonbí, bo bayongan in musungmu akutonbí kon poḷumbúan. Akuoi in mondorotbí kon inta nondorot kon inimu, Akuoi in mogagowbí kon inta nogagow kon inimu.

YEREMIA 38:16

Ki Datu Zedekia inumuni-uni mako nodandi kon inakó, kainia, “Pinodoyon kon i Allah inta nobiag, ki Allah inta nobogoi in kobiagan kon i naton, akuoi in mongibot kon akuoi in diábí moḻimod kon inimu andeka mobogoi kon inimu kon intau mita inta moibog moḻimod kon inimu.”

YEREMIA 50:34

Táe Akuoi in mopoposaḷamat monia inta moropot, inta moduḷu kon pelekara monia bo modia kon dodamean kon dunia. Táe kon intau in Babel popoangoi-Kubí in ropatoi bo ondok.”

YEREMIA 51:15

Ki Tuhan in nomaḻí kon butá pinongin kawasa-nea nomia kon dunia pinongin hikmat-Nea, bo nobukat kon ḷangit pinongin pandoi-Nea.

OMBAḶ 2:14

Inta pinotaau in nabi mita kon inimu, tongábí tompobaḻik bo uboḷ komintan. Mosia in diábí kon dodai in onda in nobuká kon dosamu, manangka intua iko in diábí notobat. Noyotoḻikud kon tua yo mosia in tongábí mopotaau kon inimu in tosingogon mita uboḷ inta mokosanang.

YEHEZKIEL 18:4

Nyawa in batúan intau in Akuoibí in kitogi, pinomayá nyawa in guyanga andeka nyawa i adínea. Intau inta baradosa siabí in matoi.

YOËL 3:19

Mesir in mobaḻídon buḷud inta mobota-botak, bo Edom in mobaḻídon moḷogat, diá bidon pogutunan in intau. Popisí in mosia in nonubudon kon intau in Yohuda, bo noḻimod kon intau kon butá tatua inta diá in taḷánea.

ZAKHARIA 9:1

Naa in koyow i Tuhan. Sia in nonantúdon kon mohukum kon negara in Hadrakh bo kotá in Damsyik. Deemanbí tongá suku mita in Israel, táe ibukotá in Siria in ki Tuhan kitogi.

MALEAKHI 1:1

Naa in koyow i Tuhan kon i Maleakhi kon umat in Israel.

PINOGIAPAN 16:22

Táe ki Musa bo ki Harun dinumokó nosumba bo noguman, “O Allah, Ikobí in nobogoi in kobiagan kon bayongan inta nobiag. Aka tongá tobatú in intau in binaradosa, yo degá Iko in tumorú domandon kon bayongan umat?”

IBRANI 12:9

Kon dunia naa oyúonbí in ki amá naton. Sia in motundú kon i naton, táe horomatonbí naton in sia. Yo bambíkabí bo ki Amá naton kon soroga, tantú mustibí in kita tumonsiup kon i-Nia sinbá mobiag in kita.