ZAKHARIA 11:8 - Alkitab Singog In Mongondow Masa In Tanaa

⁸ Toḷu in gombala inta doí kon inakó nokoinggamá kon sabarku. Mosia in pinoguntunku kon bonu in tongobuḷan monag.

ZAKHARIA 11:8 Iomraidhean Croise

DATU MITA IMITÁNEA 11:25

Ná doman ki Hadad, ki Datu Rezon in nosaturu doman kon Israel kon tungkuḷ in ki Salomo nobiagpa, bo nonuyayow kon butá tatua.

MAZMUR 106:40

Bo sinumagab in torú i Allah kon i monia, Doídon in Sia kon kapunyaan-Nea tontaní.

MAZMUR 5:5

Iko in Allah inta doí kon inta aid moraat; inta moraat in diábí motaau in mamangoi kon ini-Mu.

MAZMUR 78:9

Suku in Epraim inta sinompakakatan in piot bo puḷunea, noḷagui kon tungkuḷ in noparang.

YESAYA 49:7

Ki Allah mokudus Mopoposaḷamat in Israel in noguman kon intau inta totok in siningkuḻe, bo inta kinodoí in bangusa mita bo inta nobaḻí ata in pongawasa mita, “Datu mita in mokoontongbí kon onu in aidan-Ku; mosia in simindogbí mohoromat kon i-Nakó. Pongawasa mita in mokoontongbí doman kon tua, bo tumungkud mosumba.” Tua in mobaḻí popisí in ki Tuhan ain nomiḻí kon mogogundoi-Nea; Ki Allah mokudus in Israel in mosatia kon dandi-Nea.

YEREMIA 12:8

Umat inta piniḻí-Ku noḷawang kon i-Nakó; naonda bo singa kon kayuon natuata in mosia moganggor kon i-Nakó. Tuamai in Akuoi morongó kon i monia.

YEREMIA 14:21

Toropdon in dandi-Mu, dika kaasí poompáan-Mumai in kami; dodandian-Mu takin inami dikabí inggamáan-Mu. Yerusalem in tampat pomomarentaan-Mu inta momulia, dika kaasí poompáan-Mumai.

YEREMIA 6:30

Mosia in tangoianbí saḷaka iḷumbú, sin Akuoi, ki Tuhan, ain noḷumbú kon i monia.”

YEHEZKIEL 14:5

Komintan berhala tatua in nokopopisídon kon umat-Ku iyumayú kon i-Nakó, táe igumon mako pongin tubag-Ku tatua umat-Ku in mobuidon mangoi kon i-Nakó.’

YEHEZKIEL 16:45

Totuubí kon iko in adí bobay i inámu. Sia in nondoídon kon i buḷoinea ḷoḷaki bo i adínea mita tontaní. Iko in notongkai doman i utatmu mita bobay inta nondoí doman kon i buḷoinea ḷoḷaki bo kon i adínea mita. Iko bo ki utatmu mita, inta kotá mita kon diugmumai in ko iná kon intau in Het bo koamá kon intau in Amori.

HOSEA 4:6

Moiko, imang mita, diá mopandungmai kon i-Nakó, dá umat-Ku in diá domandon mopandungmai kon i-Nakó dá nobodito in mosia. Moiko in nondoí kon totundú-Ku mita. Dá, Akuoi in mondoí doman kon i monimu, bo ki adímu mita in diá doman akúon-Ku saḷaku imang-Ku mita.

HOSEA 5:7

Mosia in diá motoindudui kon i Tuhan; ki adí mita monia in deemanbí ki adínea. Tuamai, diádon moonggot in mosia bo yopúon poyotakinon in gobá mita monia.

HOSEA 9:15

Ki Tuhan in noguman, “Bayongan in aid moraat monia pinangkoi kon Gilgal. Kon tuata nomangkoidon noyaat in gina-Ku kon i monia. Popisí in aid monia inta moraat, poguntunon-Kubí in mosia nongkon butá-Ku tanaa. Akuoi in diábí motabi bui kon i monia; bayongan in itoi monia ain noḷawang kon i-Nakó.

IMAMAT 26:11

Akuoi in mogutun kon sigad monimu kon bonu in Ḷoḷaigan-Ku, bo diábí mogindoí kon i monimu.

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

IMAMAT 26:44

Táe umpaka in mosia kon butápa in musung monia, mosia in diábí taḷaan-Ku ande yompaton-Ku komintan. Sin aka mosia yompaton-Ku, yo mangaḻenea kon tua Akuoidon tontaní in nomontow kon dodandian-Ku takin i monia, bokaka Akuoi naa in ki Tuhan Allah monia.

LUKAS 12:50

Oyúonpa in roriga moḷoben in musti kobayáan-Ku. Moajarbí totok in gina-Ku aka tua komintan bo diápa kobayáan-Ku.

LUKAS 19:14

Táe intau mita inta toḻipúannea mosakí in gina kon inia, dá naonda in sia minayá, intau mita inta mosakí in gina kon inia tua nopotabá doman in tobatú intau sin moguman nanaa, ‘Kami in doíbí aka intau tanaa in mobaḻí datu nami.’

YOHANES 15:18

“Aka dunia naa mosaturu kon i monimu, yo toropdon kon Akuoi in muna bidon kinodoí in dunia.

YOHANES 7:7

Moiko in diábí kodoí in dunia naa. Táe Akuoi in memang kodoíbí in dunia naa, sin Akuoi in umuran moguman kon dunia kon oaidnea in moraat.

ULANGAN 32:19

Nokoontong kon tua, ki Tuhan sinumorú, bo nondoídon kon i adí-Nea mita.

IBRANI 10:38

Bo umat-Ku inta mobanar in mopirisayabí bo mobiag; táe aka oyúon in kon sigad monia tua in nobaḷui in pirisaya, dá diábí mosanang in gina-Ku kon inia tua.”