ZAKHARIA 11:7 - Alkitab Singog In Mongondow Masa In Tanaa

⁷ Akuoi, ki Zakharia, inuboḻian in mopopotaḷui mita kon domba sin moḷukad kon domba mita inta ratáan. Oyúon in tungkudku; tobatú in sinangoianku “Totabi” bo tobatú in “Bogotan”. Onda intua akuoi in nomangkoidon noḷukad bo nonompia kon domba mita tatua.

ZAKHARIA 11:7 Iomraidhean Croise

MAZMUR 23:4

Umpakabí akuoi mongin ḷopá inta mosindip, diábí in akuoi moondok in anib, sin Iko in nogindua kon inakó. Iko in noḷukad kon inakó naonda bo gombala noḷukad kon dombanea nomaké in tungkud bo popangkuḷ.

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

MAZMUR 90:17

O Tuhan Allah nami, barakataipa in kami, sinbá bayongan in oaidan nami oyúon in bungainea.

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

YEREMIA 39:10

Tongobotak in rayat inta totok in nobiag bogá bo inta diá kokapunyaan, sinaḷáan kon Yohuda bo inogoian in gobá in anggur bo gobá in tudunea.

IMAMAT 27:32

Tobatú nongkon biag mopuḷú tua in mobaḻí kapunyaan i Tuhan. Aka biag tatua iapon, dá pomuḷoi in biag inta noginpuḷú mobaḻí kapunyaan i Tuhan.

MIKHA 7:14

O Tuhan, ḷukadaidon in umat-Mu, umat inta piniḻí-Mu. Mosia in nogutun noitontaní kon kayuon mai-maí, kon yuak in butá inta mopia. Biódon mako in mosia mokouḻí kon kaanon kon rawang bonok in Basan bo kon Gilead ná dungkuḷmai.

ZEPANYA 3:12

Kon tua pomayá-Kudon mako in mogutun in tobatú bangusa inta moompá in dodia, inta mopongata in totuḷung-Ku. Mosia in motaaubí in mogutun kon tua.

ZAKHARIA 11:14

Nopaḷut mako kon tua pinutoḷku in tungkudku inta nogindua, inta sinangoianku “Bogotan”. dá nobotakdon in pinonobatúan in Yohuda bo Israel.

ZAKHARIA 11:4

Ki Tuhan Allah in noguman kon inakó, “Pogaidon naonda bo iko in gombala inta noḷukad kon domba inta bain ratáan.

MATIUS 11:5

Moiko ain nokoontong: intau bilog mokoindoi, intau ḻempeng mokobayá, intau pinanyaki kuḻit inta mokorongó nopia, intau bongoḷ mokodongog, intau minatoi in nobangon bo Habar Mopia pinoyaput kon intau mita bogá.

MARKUS 12:37

Dá aka ki Daud monangoi kon i Datu Mopoposaḷamat tatua ‘Ki Tuhan’, yo naondabí kon Sia tua in buí i Daud?” Bayongan intau inta kon bonu in Baḷoi Tuhan, komintan mosanang in gina in mokodongog kon i Yesus notundú.

YOHANES 10:16

Oyúonpabí doman in domba-Ku mita ibanea, inta diá noitakin kon paanan in domba tanaa. Mosia tua in mustibí doman diaan-Ku bo mosia in mokidongogbí kon singog-Ku. Mosia komintan in mobaḻí topaanan takin tobatú in gombalanea.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

SAMUEL 1 17:40

Onda intua nogamá in sia kon tungkud inta pakéonneamai moḷukad kon dombanea, bo nomiḻí kon ḻima nougat in batu inta noḻimbung kon ongkag, bo binonunea kon popojinea. Takin kokada-kadai in katipol, minayá in sia nokipodungkuḷ kon i Goliat.

SAMUEL 1 17:43

Guman i Goliat kon i Daud, “Pongonubí in tungkud tanion? Degá kainimu kamai akuoi naa in ungkúbí?” Bo inodi-odiannea in ki Daud pinodoyon kon dewanea mita.