ZAKHARIA 11:6 - Alkitab Singog In Mongondow Masa In Tanaa

⁶ Akuoi in diá bidon motabi kon i inekabí kon butá tanaa. Akuoi tontaní in moposarakan kon bayongan in intaunea mita kon pongawasa mita. Mosia tua in morimumud kon butá tanaa, bo Akuoi in diá bidon mogagow bui nongkon kawasa monia.”

ZAKHARIA 11:6 Iomraidhean Croise

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

YESAYA 27:11

Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

YESAYA 3:5

Intau mita mosidorotandon. Intau moguod mopoompámai kon guranga, bo intau diá kopangkat mopoompámai kon intau moḷoben.

YEREMIA 13:14

Bo mosia in poyodatongon-Ku. Nogurang bo noguod in pomiaan-Ku natua takin diábí in ampung. Mosia in yopúon-Kubí takin diábí in tabi andeka diábí in ampung. Akuoi, ki Tuhan, ain nosingog.”

OMBAḶ 2:21

Moguyang bo moguod minatoi noitongkob kon daḷan, tayowmobiag bo mongodeaga minatoi sinotad. Kon singgai Iko sinumorú, iratá-Mu in mosia takin diá in tabi.

OMBAḶ 5:8

Kami in pinarenta in intau mita inta diá noiḻiu kon bobantung; diá in kokawasa mopoḷuat kon inami nongkon i monia.

YEHEZKIEL 8:18

Mosia in mokonanambí kon torú-Ku inta motoyang! Diábí ampungan-Ku in mosia. Umpakabí mosia momaḷú in mosambayang kon i-Nakó, momaḷúkabí moropot totok, yo doíbí in Akuoi mokidongogmai!”

YEHEZKIEL 9:10

Akuoi in diá bidon motabi kon i monia. Poaid-Kubí kon i monia in onu inta ain pinopoaid monia kon intau ibanea.”

HOSEA 1:6

Onda intua ki buḷoiku tatua nopononggadí bui in adí nami nogindua, adí bobay. Ki Tuhan in noguman kon inakó, “Hosea, tangoiai in ki adímu tatua ‘Inta diá Kinotabi’, sin Akuoi in diá bidon motabi bui kon bangusa in Israel, bo totokbí in diá mongampung kon i monia.

HOSEA 2:10

Pilangankubí in sia kon tayowon in bayongan in intau inta nosiug takinnea. Diábí tobatúmai in kon sigad monia in mokopoḷuat kon inia nongkon kawasa-Ku.

MIKHA 5:8

Israel in monaḷowbí kon musungnea mita poḷat morimumud kon i monia komintan.

MIKHA 6:14

Moiko in mongaanbí, táe diábí mobaḻí mobotug – sedang bo umuranbí gogoyon. Moiko in mogakutbí kon pakakat mita, táe diá mokopotagú. Onukabí in tagúon monimu in rimumudon-Kubí kon bonu in parang.

HAGAI 2:22

dodatuan mita in umpagon-Ku bo kawasa monia in rimumudon-Ku. Kereta mita in parang takin mododianea in tokokaḻintuangon-Ku; bayongan in kabaḷo in matoi bo tumotakoinea in mosiḻimodandon.

ZAKHARIA 11:14

Nopaḷut mako kon tua pinutoḷku in tungkudku inta nogindua, inta sinangoianku “Bogotan”. dá nobotakdon in pinonobatúan in Yohuda bo Israel.

ZAKHARIA 11:5

Mototaḷuinea mita noḻimod kon domba mita tatua táe diábí ihukum. Mosia inta nopotaḷui in tapú in domba mita tatua in noguman, ‘Dinayo-dayowdon in ki Tuhan! Tanaa in nodugangdon nooyúon in kita!’ Gombala mita tatua in diábí in tabi kon domba mita inta biniag monia.

ZAKHARIA 11:9

Onda intua akuoi in noguman kon paanan in domba tatua, “Akuoi in doídon moḷukad kon i monimu. Inta musti matoi in biódon mako in matoi, bo inta musti moyopú, in biódon in moyopú. Bo kiagatnea in motaaudon in mosiḻimodan.”

ZAKHARIA 14:13

Kon singgai tatua baḻíonbí i Tuhan in bangusa mita tatua motoboḻingo totok bo angoian in ondok dá pomuḷoi in intau in modomokdon kon yobayatnea inta kon diugneamai bo momongkug.

ZAKHARIA 8:10

Kon dodai in deemanpa oras tatua diábí mokotondan kon tonaga in intau andeka mahaḷuk, bo diábí in mokorasa kon moaman nongkon indoyó in musung. Pinoropatoi-Kudon in intau tobatú takin intau ibanea.

MALEAKHI 4:6

Baḻíonneabí in guyanga mita ḷoḷaki bo ki adínea mita motobatú kon gina, sinbá Akuoi in diá mamangoi sin moyompat kon butámu.”

MATIUS 10:21

Bo nanaa in mobaḻí: Intau mita moposarakan kon i utatnea sin pokiḻimod. Aid natua in pomiaan doman in guyanga kon i adínea. Bo adí in monayowdon kon i iná bo i amánea, bo posarakannea sin ḻimodon.

MATIUS 22:7

Bo datu tatua totok in sinumorú. Pinotabánea in tontaranea minayá nomutú kon moḷoḻimod, bo nonurub kon kotá monia tua.

MATIUS 24:10

Bo moantó intau in momayow kon i-Nakó, bo mosia in mosiposarakan bo poḷat mosisaturuan.

YOHANES 19:15

Mosia in nomaḷú, “Ḻimodon in Sia! Ḻimodon in Sia! Popopakúdon Sia kon kayu pinoyotaḻempang!” Ki Pilatus in noḻibó, “Musti degá in akuoi in mopopakú kon kayu pinoyotaḻempang kon i datumu?” Imang mita itoi notubag, “Tongábí ki Kaisar in datu nami!”

TESALONIKA 1 2:16

Modapot in mosia moramuji totok in moḷamboi kon inami mopoyaput in Habar Mopia kon intau mita inta deeman Yahudi, Habar Mopia inta mokosaḷamat kon i monia. Intau mita in Yahudi tatua, umuran mogaid kon inta diá mopia kinobobúbí monia. Pangabisannea hukumon i Allah in mosia!

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!