ZAKHARIA 11:2 - Alkitab Singog In Mongondow Masa In Tanaa

² Ei pangkoi in daru, pogamuidon, sin noobatdon in pangkoi mita in ḷokuyú, pangkoi mita inta mongotoyang ain noumpag. Ei pangkoi mita mongoḷoben kon Basan, pongombaḷdon. Sin kayuon mita moḷoben sinokotaḷunandon komintan.

ZAKHARIA 11:2 Iomraidhean Croise

YEHEZKIEL 20:46

“Ei intau ilo-ilow, indoidon kon dotá in toḷatan. Toboḷowdon in butá in toḷatan, torúaidon in kayuon kon tua.

YEHEZKIEL 27:6

Bobotoimu mita in pinomia nongkon pangkoi mita in kayu moḷoben kon Basan. Taḷogmu in pinomia nongkon kayu ḷokuyú, nongkon ḻibuton in Siprus, ḷambánea in pinomia nongkon gading inta nomahaḷ.

YEHEZKIEL 31:17

Mosia in modia kon inia pobayá in dunia in intau minatoi bo moyosipun takin monia inta ain noḷabú. Bo bayongan inta dungkuḷmai iḻimitú kon siungon in pangkoi in kayu tatua in poraritonbí kon sigad in bangusa mita.

AMOS 6:1

Moboditodon in moiko inta nobiag nopia kon Sion, bo moiko inta noodom kon Samaria – moiko ei itoi mita in ḻipú in bangusa in Israel inta notondí naa, moiko inta biasamai inangoian in rayat sin pokituḷungan!

ZAKHARIA 11:1

Ei Libanon, bukádon in ngaramu mita, sinbá tuḷú momokak kon pangkoi mita in arasmu!

ZAKHARIA 11:3

Indongogaidon in amui in pongawasa mita noinggamádon in ponango-nangoian kon i monia! Indongogaidon in ganggor in singa mita kon kayuon; sin nogoguyaatdon in pinogutunan monia kinoouput in Ongkag in Yordan.

LUKAS 23:31

Sin aka kayupa inta nobiag tatua, pomiaandon in intau ná tanaa, yo bambíkabí kayu inta noingkagdon! Onudon in pomiaan monia?”