ZAKHARIA 11:15 - Alkitab Singog In Mongondow Masa In Tanaa

¹⁵ Bo ki Tuhan in nogumandon kon inakó, “Pogaidon komintanpa naonda bo iko in gombala, táe kon tanaa in mobaḻí gombala inta diá mopia.

ZAKHARIA 11:15 Iomraidhean Croise

YEREMIA 23:1

Ki Tuhan Allah in Israel noguman, “Moboditodon in moiko ei itoi mita inta nomutú bo noporarit in umat-Ku! Moiko in sabanarnea in mustibí momiag kon umat-Ku, táe diábí inaidan monimu intua; pinomayábí mako monimu in noirarit bo noḷagui. Tanaa Akuoi in mohukum kon i monimu popisí in aidmu moraat.

OMBAḶ 2:14

Inta pinotaau in nabi mita kon inimu, tongábí tompobaḻik bo uboḷ komintan. Mosia in diábí kon dodai in onda in nobuká kon dosamu, manangka intua iko in diábí notobat. Noyotoḻikud kon tua yo mosia in tongábí mopotaau kon inimu in tosingogon mita uboḷ inta mokosanang.

YEHEZKIEL 13:3

Ki Tuhan Inta Totok in moḷantud in noguman, “Moboditodon in nabi mita inta bodok tatua! Toḻindapnea in tongábí nouḻínea kon onu in irainea tontaní bo oontongonnea in diábí totuu.

YEHEZKIEL 34:1

Ki Tuhan in noguman kon inakó,

ZAKHARIA 11:17

Kinutukdon totok in gombala inta diá baraguna tatua! Sia in nonaḷámaidon kon paanan in dombanea. Parang in mogimpaḷut kon kawasanea. Kokaḷnea in moḻemédon bo mata koḷanannea in mobilogdon.”

MATIUS 15:14

Pomayádon mako intau mita natua. Sin mosia tua in intau bilog inta motundú kon daḷan kon intau doman bilog. Sin aka intau bilog bo mokapit kon intau doman bilog, yo tumpaḷabí in taya dua moḷabú kon bubú.”

MATIUS 23:17

Ei moiko intau mita pompuḷong bo intau mita bilog! Onu degá in moponti-ponting: buḷawan, andeka Baḷoi Tuhan inta nokokudus kon buḷawan tatua?

LUKAS 11:40

Nongo bodok in moiko! Diábí degá kotaauan monimu kon ki Allah inta nogaid kon dotá in ḷuainea, Siabí doman tuata inta nogaid kon dotá in bonunea?