ZAKHARIA 11:14 - Alkitab Singog In Mongondow Masa In Tanaa

¹⁴ Nopaḷut mako kon tua pinutoḷku in tungkudku inta nogindua, inta sinangoianku “Bogotan”. dá nobotakdon in pinonobatúan in Yohuda bo Israel.

ZAKHARIA 11:14 Iomraidhean Croise

YESAYA 11:13

Dodatuan in Israel in diá bidon mointoi kon Yohuda, bo Yohuda in diá bidon mosaturu kon Israel.

YEHEZKIEL 37:22

Mosia in baḻíon-Kudon tongobangusa kon butá tatua, kon buḷud in Israel. Mosia in parentaanbí in datu tobatú, bo diá bidon moyosilai bui mobaḻí doyowa nobangusa andeka dodatuan.

ZAKHARIA 11:6

Akuoi in diá bidon motabi kon i inekabí kon butá tanaa. Akuoi tontaní in moposarakan kon bayongan in intaunea mita kon pongawasa mita. Mosia tua in morimumud kon butá tanaa, bo Akuoi in diá bidon mogagow bui nongkon kawasa monia.”

ZAKHARIA 11:7

Akuoi, ki Zakharia, inuboḻian in mopopotaḷui mita kon domba sin moḷukad kon domba mita inta ratáan. Oyúon in tungkudku; tobatú in sinangoianku “Totabi” bo tobatú in “Bogotan”. Onda intua akuoi in nomangkoidon noḷukad bo nonompia kon domba mita tatua.

ZAKHARIA 11:9

Onda intua akuoi in noguman kon paanan in domba tatua, “Akuoi in doídon moḷukad kon i monimu. Inta musti matoi in biódon mako in matoi, bo inta musti moyopú, in biódon in moyopú. Bo kiagatnea in motaaudon in mosiḻimodan.”

MATIUS 24:10

Bo moantó intau in momayow kon i-Nakó, bo mosia in mosiposarakan bo poḷat mosisaturuan.

MARKUS 3:24

Sin aka tobatú dodatuan bo mosilai mokolo-kolompó inta mososaturuan, yo diábí mononoi in dodatuan tatua.

GALATIA 5:15

Táe aka moiko bo moibog mosi kamburungan ande mosi ḻimodan, yo kopopia sin dikabo moiko in tumpaḷa moyoyang.

YAKOBUS 3:14

Táe aka moiko in mointoi bo tongá morai kon kopontingan tontaní, donaaibí pongaḷakuang monimu in kabijaksanaan tatua, sin dodia monimu natua in mopoyotuuybí in habar inta nobanar nongkon i Allah.

YAKOBUS 3:16

Kon onda in oyúon intoi bo sipat inta tongá morai kon kopontingan tontaní, yo kon tua oyúon domandon in ropatoi bo bayongan in oaid inta moraat.